नयाँ वर्षमा यामाहाले ल्यायो 'पावर अफ फाइभ' उपहार योजना, १ लाख रुपैयाँसम्म क्यासब्याक पाइने

नयाँ वर्षमा यामाहाले ल्यायो 'पावर अफ फाइभ' उपहार योजना, १ लाख रुपैयाँसम्म क्यासब्याक पाइने

A+ A A-

यामाहा मोटरसाइकल र स्कुटरको नेपालका लागि आधिकारिक वितरक एमएडब्लू इन्टरप्राइजेजले नयाँ वर्ष २०८० को अवसरमा आकर्षक योजना सार्वजनिक गरेको छ । कम्पनीले अविश्वसनीय र उत्साहजनक अफरहरूले भरिपूर्ण 'पावर अफ फाइभ' नामक योजना बजारमा ल्याएको हो ।

उक्त योजनाअन्तर्गत यामाहाका नयाँ बाइक वा स्कुटर खरिद खरिद गर्नुअघि नै अधिकतम ५० हजार रुपैयाँसम्मको क्यास ब्याक, खरिद गरेपछि फेरि वाइल्ड कार्डमार्फत १ लाख रुपैयाँसम्मको क्यासब्याक जित्ने मौका पाइने कम्पनीले जनाएको छ । त्यस्तै, खरिद गरेपश्चात् ३ जना भाग्यशाली विजेताहरूले आफ्नो रेफरल कोड शेयर गरी साप्ताहिक रूपमा आईफोन १४ वा एप्पल वाच वा एप्पल एयरपोड्स जित्ने मौका पाउनेछन् ।

कम्पनीका अनुसार यो योजना आर१५, एम१५ र फ्यासिनो मोडलबाहेक अन्य यामाहाका मोटरसाइकल र स्कुटरहरूमा मात्र लागू हुनेछ ।

त्यस्तै, यामाहा नेपालले यस योजनाअन्तर्गत पाँचवटा अफर ल्याएको छ । पहिलो योजनाअन्तर्गत, जोकोहीले पनि घरमै बसीबसी yamahapowerof5.com मा गएर वा क्यूआर कोड स्क्यान गरेर यो योजनामा सहभागी हुन सक्नेछन् । सहभागी ग्राहकले किन्नुअघि नै अधिकतम ५० हजार रुपैयाँसम्मको ग्यारेन्टी क्यासब्याक जित्ने अवसर प्राप्त गर्नेछन् । ग्राहकले यामाहा बाइक वा स्कुटर खरिद गरेपछि वाइल्ड कार्डमा सहभागी भएर १ लाख रुपैयाँसम्मको अर्को क्यास ब्याक अफर जित्न सक्नेछन् । बाइक वा स्कुटरको खरिदमा ग्राहकहरूले एक पृथक् रेफरल कोड पनि प्राप्त गर्नेछन्, जुन उनीहरूले आईफोन १४ वा एप्पल वाच वा एप्पल एयरपोड्स जित्नका लागि सकेसम्म धेरै व्यक्तिहरूलाई शेयर गर्न सक्नेछन् ।

एमएडब्लू यामाहाका सीईओ राजु क्षेत्री भन्छन्, 'हामी नयाँ वर्ष २०८० का लागि 'पावर अफ फाइभ' अफर सुरु गर्न पाउँदा रोमाञ्चित छौँ । यो योजना ग्राहकहरूलाई अधिकतम लाभहरू प्रदान गर्न ल्याइएको हो । हामी हाम्रो 'पावर अफ फाइभ' नयाँ वर्ष २०८० योजनाको अवसरमा फेरि पनि हिमालय रोडिजसँग सहकार्य गर्न पाउँदा उत्साहित छौँ । यामाहा सिजन २ देखि नै हिमालय रोडिजको साझेदार रहँदै आएको छ र हामीले प्राप्त गरेका सकारात्मक प्रतिक्रियाबाट उत्साहित छौँ । यस सहकार्यमार्फत हामी प्रदर्शन र गुणस्तरका लागि हाम्रो जोस स्थापित गर्न तथा थप साहस र थ्रिल खोज्ने व्यक्तिहरूसम्म पुग्ने कुरामा आशावादी छौँ ।'

साप्ताहिक विजेताहरूको घोषणा हरेक हप्ता लाइभ टेलिभिजनमा लक्की ड्र मार्फत गरिने कम्पनीले जनाएको छ । यो अफर देशका सबै आधिकारिक शोरूमहरूमा यो उपलब्ध हुनेछ । खरिदपूर्व नै नगद पुरस्कार, क्यास ब्याक, आईफोन, एयर पड्स र एप्पल घडीहरूसहित पाँचवटा विभिन्न अफरहरू रहने यो योजना ग्राहकहरूलाई अधिकतम लाभ दिन डिजाइन गरिएको सीईओ क्षेत्रीले बताए ।

प्रकाशित मिति: बिहीबार, चैत १६, २०७९ १९:५६