आफ्नै फिल्मले तनावमा दयाहाङ

A+ A A-

कुनै समय रजतपटको एक नम्बर नायक को भन्दा अग्रप्रङ्क्तिमा आउँथे अभिनेता दयाहाङ राई । फिल्म ‘लुट’बाट उनले नायकको परिभाषा नै बदलिदिए । रंगमञ्चबाट रजतपटमा आएका उनको ‘नेम र फेम’ मा लगानी गर्ने निर्माता छन् ।

निर्माताको लगानी यस्तो अवस्थामा पुगेको छ कि दयाका फिल्म एकैदिन दुईवटा हलमा आउने समय भएछ । नयाँ वर्ष १ वैशाख २०८० मा ‘बिहे पास’ र ‘जारी’ फिल्म प्रदर्शनमा आउने भएका हुन् ।

दुवै फिल्मको लिड रोलमा दया नै छन् । एकै मितिमा दुई फिल्मले उनलाई तनाव दिएको छ । फिल्म खेलेर मात्र हुन्न, प्रचारका लागि समय दिनुपर्छ भन्ने मान्यता राख्ने अभिनेता हुन् उनी । अब उनलाई प्रचारका लागि दबाब परेकाे छ । आफ्ना फिल्महरू नजुधाउने प्रयास गरे पनि उनको केही जाेर लागेन ।

दयामाथि गरेको लगानी निर्माताहरूलाई पनि टाउको दुखाई बनेको छ । दयाले कुन फिल्मलाई कति समय दिऊन्न् ?

सामाजिक कथानक फिल्म बताइएको ‘बिहे पास’ प्रवेश पौडेलको निर्देशनमा रोहित कट्टेल र रत्न श्रेष्ठले निर्माण गरेका हुन् । यसमा दयासँगै प्रकृति श्रेष्ठ 'लिड रोल'मा छन् । फिल्ममा उपेन्द्र सुब्बाको निर्देशन र रामबाबु गुरुङको निर्माण छ । सो मितिमा ‘नाई नभन्नु ल ६’ र ‘बुलाकी’ पनि रिलिज हुनेछन् ।