टेक्सास म्यानेजमेन्ट एण्ड आइटी करिअर फेयर सम्पन्न

A+ A A-

‘टेक्सास म्यानेजमेन्ट एण्ड आइटी करिअर फेयर–२०१९’ संस्करण सम्पन्न भएको छ । ‘द लाइटहाउस फर यूवर फ्यूचर’ नाराका साथ टेक्सास इन्टरनेसनल एजुकेसन नेटवर्कअन्तर्गतको टेक्सास कलेज अफ म्यानेजमेन्ट, टेक्सास इन्टरनेसनल कलेजको व्यवस्थापन र लेण्डमार्क एजुकेसनको प्रायोजनमा आयोजित फेयरमा २५ भन्दा बढी कर्पोरेट हाउस र दुई हजार बढी विद्यार्थीले सहभागिता जनाएका छन् ।

टेक्सास कलेज अफ म्यानेजमेन्टको प्रांगण मित्रपार्कमा भएको फेयरमा टेक्सास कलेजका ८० प्रतिशत विद्यार्थी थिए भने अन्य कलेजबाट २० प्रतिशत विद्यार्थीले सहभागिता जनाएका थिए ।

उच्च शिक्षा हासिलपश्चात जागिरका लागि विदेश जाने विद्यार्थीको संख्या बड्दै गएको अवस्थामा कलेजले आईटी करियर फेयर आयोजना गरेको टेक्सास कलेका प्रिन्सिपल भेसराज पोखरेलले जानकारी दिए । उनका अनुसार आफ्नो विषयअनुसार नेपालमै क्षेत्र चुनेर यतै केही गर्न विद्यार्थीलाई प्रोत्साहन गर्न फेयरले महत्त्वपूर्ण भूमिका खेलेको विश्वास कलेजले लिएको छ ।

उनका अनुसार फेयरमा विशेषगरी बीबीए, सीएसआईटी, बीबीएस, बीआईटी, बीआईएम, बीएचएम, बीटीटीएम, बीबीएम, बीएसडब्लु, बीएस्सी, एमबीएलगायत कोर्समा अध्ययनरत विद्यार्थीहरुले आफ्नो क्षमताअनुसारको क्षेत्र बुझ्ने राम्रो अवसर पाएका छन् ।

‘विद्यार्थीहरुको जिज्ञासा मेटाउन फेयरमा विभिन्न कर्पोरेट कम्पनीका प्रतिनीधिले विद्यार्थीलाई परामर्श गर्नुभएको थियो,’ उनले भने, ‘शिक्षक, विद्यार्थी र फेयरसँग आवद्ध कम्पनीका पदाधिकारीबीच प्यानल डिस्कसनसमेत गरियो जसले विद्यार्थीहरुमा भएको अन्योल मेटाइदिएको छ ।’
कर्पोरेट हाउस र विद्यार्थी आफूहरुको सरोकारवाला भएकाले दुबैबीचको दूरी कम गरी उनीहरुलाई सघाउन फेयरको आयोजना गरिएको उनको भनाइ छ ।

फेयरमा चौधरी ग्रुप, डावर नेपाल, मेगा बैंक, सूर्य नेपाल, दराज, सिप्रदी, टिच फर नेपाल, सुविसू, रिलायन्स लाइफ इन्स्योरेन्स, ज्योति लाइफ इन्स्योरेन्स, सारथी, लाइफ भिजन, एइसी, लाभा, नियोस्फेयर, वान कभर, ग्रोथबाइडेटा, इलेक्ट्रोनिक्स, प्रभु बैंक, नेपाल रियालिष्टिक सोलुसन, सोचवेरलगायतका कम्पनीका प्रतिनिधि उपस्थित थिए ।

कलेजले यसअघि शैक्षिक संगठनसँग मिलेर यस्तो फेयर गर्दै आएको थियो । तर, यसपटकदेखि आफैं आयोजना गर्न थालेको र यो निकै उपलब्धिमूलक भएको कलेजकी स्नातकोत्तर विभागकी प्रमुख प्रमुख सरला कार्कीले बताइन् ।

विद्यार्थी र कम्पनीबीचको दूरी कम गर्न फेयर महत्वपूर्ण भएको उनले दाबी गरिन् ।