ग्यालेक्सी ए३४ ५जी र ग्यालेक्सी ए५४ ५जी नेपाली बजारमा छिट्टै नै सार्वजनिक हुँदै

ग्यालेक्सी ए३४ ५जी र ग्यालेक्सी ए५४ ५जी नेपाली बजारमा छिट्टै नै सार्वजनिक हुँदै

A+ A A-

सामसुङ नेपालले नयाँ ए सिरिजका स्मार्टफोनहरू नेपालमा छिट्टे नै भित्र्याउने तयारी भइरहेको जनाएको छ । कम्पनीले ग्यालेक्सी ए३४ ५जी र ग्यालेक्सी ए५४ ५जीको विश्वव्यापी बिक्री शुभारम्भ भएसँगै नेपाली बजारमा पनि यी स्मार्टफोनहरू भित्र्याउन लागिएको जानकारी दिएको हो ।

नयाँ ग्यालेक्सी ए३४ ५जी र ग्यालेक्सी ए५४ ५जी हाल विश्वव्यापी रुपमा बिक्री शुभारम्भ भइसकेका छन् । विशेष गरी तिन्मा भएका तीन लेन्सयुक्त रेयर क्यामेरा र नाइटोग्राफीजस्ता मुख्य विशेषताहरूमा पहुँच भएकाले यसप्रति हरकोहीको ध्यान आकर्षित भएको कम्पनीले जनाएको छ ।

कम्पनीका अनुसार दुवै स्मार्टफोनहरू तिनीहरूको प्रारम्भिक लेन्सका साथ केही अपग्रेडका साथ आएका छन् । ग्यालेक्सी ए३४ ५जी ४८ एमपि प्राइमेरी क्यामरा र २ एमपि म्याक्रो लेन्सका साथ बजारमा आएका छन् भने ग्यालेक्सी ए५४ ५जीमा ५ एमपी म्याक्रो लेन्ससहित ५० एमपी प्राइमरी रहेको छ । दुवै फोनहरूमा ८ एमपीको अल्टा वाइड एङ्गल लेन्स जडित छ । यी लेन्सहरूले माथि उल्लेख गरिएको नाइटोग्राफी विशेषता, ब्लर कम भएको रात्रिकालीन फोटो/भिडियो, इन्ह्यान्स्ड ओआईएस, पिक्सेल अटो फोकसका साथ गुणस्तरीय फोटोग्राफी पाउन सकिन्छ ।

ग्यालेक्सी ए३४ ५जी र ग्यालेक्सी ए५४ ५जीलाई १२० हर्जको रिफ्रेस दरमा अपग्रेड गरिएकाले यसमा भएका सुपर एमोलेड डिस्प्लेमार्फत प्रयोगकर्ताहरू आफ्नो रोजाइमा ढुक्क हुन सक्ने कम्पनीको विश्वास छ ।

यी फोनहरू अतुलनीय रुपमा बलिया तथा पानी र धुलो प्रतिरोधक आईपी६७ र कर्निङ गोरिल्ला ग्लास ५ सुरक्षण र सामसुङको सिग्नेचर नक्स सेक्युरिटीका साथ बजारमा ल्याइएको कम्पनीले जनाएको छ । ग्यालेक्सी ए३४ ५जी र ग्यालेक्सी ए५४ ५जीमा ५ वर्षको सुरक्षा अद्यावधिक र ४ वर्षको ओएस अपग्रेडहरूको ग्यारेन्टी पनि दिइएको छ ।

सामसुङ ग्यालेक्सी ए३४ ५जी र ग्यालेक्सी ए५४ ५जीको डिजाइन ग्यालेक्सी एस२३ को मुख्य डिजाइनसँग मिल्दोजुल्दो छ, जुन यसको सबैभन्दा ठूलो अपिलमध्येको एक हो । ग्यालेक्सी ए३४ ५जी र ग्यालेक्सी ए५४ ५जीले यसका प्रयोगकर्ताहरूको जिन्दगीमा साँचो अनुपम अनुभूति ल्याइदिने कम्पनीको विश्वास छ ।

प्रकाशित मिति: बिहीबार, चैत ९, २०७९ १६:४५