दराजको 'दराज सेलर समिट' सम्पन्न, उत्कृष्ट बिक्रेतालाई विशेष ट्रफी तथा १० हजारको भौचर प्रदान

दराजको 'दराज सेलर समिट' सम्पन्न, उत्कृष्ट बिक्रेतालाई विशेष ट्रफी तथा १० हजारको भौचर प्रदान

A+ A A-

अनलाइन ई-कमर्स प्लेटफर्म दराज नेपालले यस वर्षको दराज सेलर समिट यही मार्च १९ मा सम्पन्न गरेको छ । कार्यक्रममा उत्कृष्ट बिक्रेताहरूलाई विशेष ट्रफी तथा १० हजार रुपैयाँबराबरको दराज भौचर प्रदान गरिएको थियो ।

कार्यक्रममा वाणिज्य तथा आपूर्ति मन्त्रालयका सचिव मधुकुमार मरासिनीले नेपालको ई-कमर्स उद्योग र आगामी सम्भावनाहरूका बारेमा प्रकाश पारे ।

त्यसैगरी, दराज नेपालका प्रबन्ध निर्देशक आँचल कुँवरले कम्पनीले गत वर्षमा गरेका उपलब्धिहरू, भावी योजना र वाणिज्य शक्तिको माध्यमबाट समुदायको उत्थान गर्न कम्पनीको प्रयासका बारेमा आफ्ना भनाइहरू राखे । उनले यस इभेन्टमार्फत दराज परिवर्तनका लागि एक सक्रिय च्यानल हुन चाहेको पनि बताए ।

त्यस्तै, नेपाल उद्योग वाणिज्य महासंघका अध्यक्ष शेखर गोल्छाले नेपालको ई–कमर्स र डिजिटल अर्थतन्त्र, यसका फाइदा र बेफाइदा, साथै नेपालको ई-कमर्स उद्योगका लागि आगामी दशक कस्तो रहनेछ भन्ने बारेमा आफ्ना विचार र दृष्टिकोणहरू राखे ।

दराज नेपालका प्रमुख कार्यकारी अधिकृत विमल अर्यालले विगत केही वर्षमा दराजले गरेका सुधारहरूका बारेमा प्रकाश पारे ।

कार्यक्रममा युनिसेफ आपत्कालीन विशेषज्ञ सुनिता कायस्थ, एनएमबी बैंकका डीसीईओ गोविन्द घिमिरे, रामचन्द्र तिवारी, प्रवीण रुक्षन, होमनाथ भट्टराई, भेषबहादुर कुँवर, लक्ष्मण हुमागाई, शंकरसिंह धामी, सुदेश उपाध्यायको पनि उपस्थिति थियो ।

दराज नेपालले विगत पाँच वर्षदेखि आफ्नो सेवाअनुरुप स्थानीयको माग पूरा गर्न भरपर्दो, उपयोगी र लोकप्रिय बजारको रूपमा आफूलाई प्रस्तुत गर्दै आएको छ । द्रुत गतिमा ई–कमर्स क्षेत्रमा फड्को मारेकाले पनि कम्पनीमा हाल १८ हजारभन्दा बढी बिक्रेताहरू आबद्ध छन् भने प्रतिमहिना १५ लाख सक्रिय एप प्रयोगकर्ताहरू र नेपालका १०१ शहरहरूमा डेलिभरीको सुविधाले पुर्‍याइएको दराजले दाबी गरेको छ ।

प्रकाशित मिति: बुधबार, चैत ८, २०७९ १८:३०