विद्यार्थीलाई जागिर दिलाउन काठमाडाैंमा 'मेला'

A+ A A-

विद्यार्थीलाई इन्टर्नसिप र जागिरकाे अवसर दिलाउने उद्देश्यले काठमाडाैंमा मेला काे आयोजना गरिएकाे छ । ग्लोबल कलेज अफ म्यानेजमेन्टले ‘इन्टर्नसिप एन्ड करियर फेयर काे आयोजना गरेकाे हाे । इन्टर्नसिप एन्ड करियर फेयर कार्यक्रमका संयोजक विराज घिमिरेका अनुसार याे मेलाले विद्यार्थीको ज्ञान, सिप र क्षमता विकासमा सहयोग गर्नुका साथै जागिरका लागि भौतारिनुपर्ने बाध्यताबाट मुक्त गर्न सहयोग पुर्याउनेछ ।

परामर्शसँगै याेग्य र सक्षम विद्यार्थीलाई जागिर दिने उद्देश्यले मेलामा १४ वटा कम्पनी सहभागी भएका कार्यक्रम साझेदार (Placement partner) फेस लिफ्टकी निर्देशक सुजाता थापाले जानकारी दिइन् । ‘विद्यार्थी अब इन्टर्नसिप र जागिर खोज्दै कम्पनीमा जानु पर्दैन, १४ वटा कम्पनी फेयरमा सहभागी छन् । विद्यार्थीले आफ्नो इच्छाअनुसारको कम्पनी रोज्न सक्छन्, त्यसमा विद्यार्थीले नाम भने निकाल्नुपर्छ,’ थापाले भनिन् ।

उनका अनुसार दुई दिन विद्यार्थीलाई अग्रिम परामर्श दिएपछि फेयरको आयोजना गरिएकाे हाे । ‘पहिलो चरणमा नाम निकाल्ने विद्यार्थीलाई कम्पनीले इन्टर्नसिप र जागिरको लागि अफर गर्ने छ,’ उनले अगाडि थपिन् ।

परामर्शसँगै अवसर पनि पाउने भएपछि विद्यार्थी पनि उत्साहित बनेका छन् । ‘यो हाम्रा लागि ठूलो अवसर हो,’ सहभागी विद्यार्थी कञ्चन नेपालले भनिन्, जबको लागि कता जाने, के गर्ने थाहा थिएन, फेयरले पुलको काम गरेको छ ।’

‘चान्स पायौं भने केही गर्छौ भन्ने विद्यार्थीमा उत्साह देखियो’ मेलामा सहभागी सानिमा बैंकका म्यानेजर अपूर्वप्रसाद जाेशीले भने, फेयरले विद्यार्थीको करियर राम्रो बनाउन सहयोग गर्छ ।’