जनकपुरधाममा अन्तर्राष्ट्रिय व्यापार मेला

A+ A A-

व्यापार व्यवसायी अगाडि बढाउने उद्देश्यले जनकपुरधाममा अन्तर्राष्ट्रिय व्यापार मेलाको आयोजना गरिएको छ । जनकपुर वाणिज्य संघले स्थानीय उत्पादनलाई अन्तर्राष्ट्रियस्तरमा पहिचान दिलाई अर्थ व्यवस्थालाई उकास्न उक्त व्यापार मेलाको आयोजना गरिएको हो ।

शुक्रबार सुरु भएको मेला यही फागुन १४ गतेसम्म संचालन हुने छ । मेलामा सार्क राष्ट्रमध्ये नेपाल, भारत, पाकिस्तान र बंगलादेशका व्यापारीहरुले आफ्नो उत्पादनहरु विक्रीको लागिका लागि स्टल राखेका छन् । आयोजकले प्रत्येक स्टलबाट क्षेत्रफलको हिसाबले २५ हजारदेखि ४० हजार रुपैयासम्म शुल्क लिएको जनाएको छ । त्यसैगरी, आयोजकले व्यापार मेलाको अवलोकल गर्ने सर्वसधारणबाट १० रुपैयाँ प्रवेश शुल्क लिने व्यवस्था गरेको छ । मेलामा १ सय ५० स्टल राखिएको छ ।

मेलामा चार प्राङ्गग्रे सवारी सधानदेखि मोटरसाइकल, ट्रयाक्टर, कार, ई–रिक्सा, इलेक्ट्रोनिक साइकल, मिथिला पेन्टिङ्गका समानहरु, कम्पयुटर, कपडाहरुलगायतका घरायसी समानहरु विक्रीका लागि स्टल राखिएको छ ।

बैंक तथा वित्तीय संस्थाहरुले पनि मेलामा आफ्नो स्टल राखेका छन् । मेलामा करिव २० करोड रुपैयाँ बराबरको व्यापार हुने मेलाको सहआयोजक सिया इभेन्टका जनकपुर प्रतिनिधि राकेश महतोले बताए ।

मेलाको उद्घाटन गर्दै मधेस प्रदेशका मुख्यमन्त्री सरोज कुमार यादवले यस्ता मेलाले मधेस प्रदेशको व्यापार प्रवद्र्धनका साथै यस क्षेत्रको पर्यटकीय क्षेत्रमा टेवा पुग्ने बताए । प्रदेश सरकारले उद्योगमैत्री नीति ल्याएको बताउँदै मुख्यमन्त्री यादवले मधेस प्रदेश उद्योग कलकारखानाका लागि उर्वरा भूमि रहेकोले यस प्रदेशका लगानी भित्र्याउन उद्योगी व्यवसायिहरुसँग आग्रहसमेत गरे ।

उद्योग वाणिज्य संघ जनकपुरधामका अध्यक्ष जितेन्द्र महासेठको अध्यक्षतामा सम्पन्न मेलाको उद्घाटन समारोहमा प्रतिनिधिसभा सदस्य जुली कुमारी महतोले प्रदेशको व्यापार व्यवासयीसँग प्रवद्र्धन गर्न तीन सरकारबीच सहकार्यको आवश्यकता रहेको बताए ।

मेलाको उद्घाटनमा समारोहमा प्रदेशका मन्त्रीद्वय सुरिता कुमारी साह, वसन्त कुमार कुश्वाहा, प्रदेश सांसद रामअशिष यादव, दिपेन्द्र ठाकुर, जनकपुरधामका मेयर मनोज कुमार साह लगायतका सहभागिता रहेको थियो ।

प्रकाशित मिति: शुक्रबार, फागुन ५, २०७९ १९:१९