करिश्माकाे उजुरीमा साइबर ब्युराेले बोलाएका डिल्लीराम भन्छन्– युट्युबमा अन्तर्वार्ता दिँदादिँदै जानै भ्याइनँ

करिश्माकाे उजुरीमा साइबर ब्युराेले बोलाएका डिल्लीराम भन्छन्– युट्युबमा अन्तर्वार्ता दिँदादिँदै जानै भ्याइनँ

फाेटाेः 'डिल्लीराम खनाल' युट्युब च्यानलबाट स्क्रिनसट ।

A+ A A-

अभिनेत्री करिश्मा मानन्धरले प्रहरीको भोटाहिटीस्थित साइबर ब्युरोमा गत बुधबार एउटा उजुरी हालिन् । जसमा उनले डिल्लीराम खनाल नाम गरेका व्यक्तिले आफ्नो चरित्र हत्या गर्दै युट्युबमा अन्तर्वार्ता दिएको उल्लेख गरेकी छन् ।

युट्युबमा चर्का कुरा र गालीगलौच गरेरै 'भाइरल' भएका डिल्लीरामलाई साइबर ब्युरोले शुक्रबार कार्यालयमा उपस्थित हुन बोलायो ।

युट्युबकै अन्तर्वार्ताले प्रहरी कार्यालय पुग्न लागेका खनाल युट्युबमै अन्तर्वार्ता दिँदादिँदै नभ्याएको भन्दै शुक्रबार साइबर ब्युरो गएनन् ।

‘शुक्रबार बोलाएको थियो । म जान्थेँ । बिहान एकलट भाइबुइनाहरू आएका थिए, खिचेर गए । अहिले तपाईंहरू आउनुभा’छ । यो सकिएपछि फेरि अर्को फोन बजिहाल्छ’, शुक्रबार एक युट्युबमै अन्तर्वार्ता दिँदै खनालले भनेका छन् ।

साइबर ब्युरोका एक अधिकारीले आइतबार पनि खनाल नआए खोजेर नियन्त्रणमा लिने बताए । ‘करिश्माजीले उजुरी हालेको कुरा फेसबुकमा लेखिदिनुभयो । तुरुन्तै त्यसो नगरिदिएको भए हुन्थ्यो’, ती अधिकारीले भने, ‘खनाललाई हामीले शुक्रबार बोलाएका थियौँ तर आएनन् । आइतबार पनि आएनन् भने हामी आफ्नो हिसाबले उनलाई नियन्त्रणमा लिन्छौँ ।’

युट्युबमा अपाच्य शब्द बोल्ने, घृणा फैलाउने र चरित्र हत्या गर्नेविरुद्ध साइबर ब्युरोले कानुनअनुसार कारबाही गर्ने उनले बताए ।

आफ्नो मानमर्दन हुनेगरी युट्युबमा अन्तर्वार्ता दिएको भन्दै अभिनेत्री मानन्धरले खनालविरुद्ध साइबर ब्युरोमा उजुरी दिएकी हुन् । विद्युतीय कारोबार ऐन-२०६३ को दफा ४७ अनुसार कारबाहीको माग गर्दै करिश्माले उजुरी दिएको ब्युराेले जनाएकाे छ ।

प्रकाशित मिति: शनिबार, माघ २८, २०७९ १२:२६

शिलापत्र संवाददाता

प्रतिक्रिया दिनुहोस्

भर्खरै

गृहमन्त्री लामिछानेले भने- सहकारीमा बचत गरेको जनताको पैसा जसरी पनि फिर्ता गर्छौं

यस्ता छन् नेपाल र कतारबीच अहिलेसम्म भएका महत्वपूर्ण सम्झौताहरू

प्रधानमन्त्रीसँग रुसको चेम्बर्स अफ कमर्स एन्ड इन्डस्ट्रिका प्रतिनिधिमण्डलको भेट

मोटरसाइकल दुर्घटनामा परी धनुषाका पत्रकार यादवको मृत्यु

कतारका राजाको स्वागतमा सिँगारियो काठमाडौं (तस्वीरहरू)

लोकप्रिय

महानगरको कडाइपछि धमाधम विदेशी नाम फेर्दै निजी विद्यालय, कसले के राखे ?

डेढ महिनामै प्रचण्डले भन्न थाले- उता अप्ठेरो भयो भनेर यता आइयाे, यता झन् टाल्नकै हैरान

सत्ता गठबन्धनमा भूकम्प ल्याएर माधव नेपाल कोटेश्वरमा फिल्म सुटिङ गर्दै

इरान र इजरायलः कसको शक्ति कति ?

गठबन्धनमा गडबडीः सुदूरपश्चिममा एमालेले दीर्घ सोडारीलाई मुख्यमन्त्री नस्वीकार्ने

विचार

तीन जनाको मुट्ठीमा ३ करोड जनताको लोकतन्त्र

बीसौँ शताब्दीका प्रभावशाली नेता लेनिन (भिडियो)

काखे छोरा लिएर रोजीको बिलौना– युक्रेन युद्धमा श्रीमान् मारिए, पुष्टि गरिदेऊ सरकार

ब्लग

छोटो तर मनमोहक पदयात्रा 'लाङटाङ'

एक जनमुखी प्रधानपञ्चको नाममा

सोध्नुस् त, एसईई दिएर बसेका तपाईंका छोराछोरी के सोच्दै छन् ?

शिक्षा

कोहलपुरमा आठ कक्षाको परीक्षामा अनियमितताः शाखा प्रमुखसहित दर्जन बढी कारबाहीमा

शिक्षामन्त्री सुमनाले थाहा पाऊन्- नि:शुल्क शिक्षा ऐनले यसरी बनाउँदै छ नागरिकलाई ‘बेसहारा’

सर्लाहीमा आठ हजारभन्दा बढी बालबालिका अझै विद्यालय बाहिर