मधेसका मन्त्रीहरूलाई मुख्यमन्त्रीको निर्देशनः नियमित कार्यालय जानू, जनकपुर छाड्दा जानकारी गराउनू

मधेसका मन्त्रीहरूलाई मुख्यमन्त्रीको निर्देशनः नियमित कार्यालय जानू, जनकपुर छाड्दा जानकारी गराउनू

A+ A A-

मधेश प्रदेशका मुख्यमन्त्री सरोज कुमार यादवले आर्थिक सुशासन कायम गर्न तथा प्रदेश सरकारको काम कारबाही चुस्त बनाउन भन्दै मन्त्री र कर्मचारीलाई १९ बुँदे निर्देशन दिएका छन् ।

मुख्यमन्त्री यादवले मन्त्रीहरूलाई नियमित मन्त्रालयमा उपस्थित हुनेदेखि बाहिर जाँदा मुख्यमन्त्रीलाई अनिर्वाय रूपमा जानकारी गराउनुपर्ने निर्देशन दिएका हुन् । मन्त्रालयमा नियमित उपस्थित भई मन्त्रालय तथा सो मन्त्रालय मातहत रहेका कार्यालयहरूको काम, विद्यान समस्या तथा समस्या समाधानका उपायबारे सचिव तथा अन्य सम्बद्ध पदाधिकारिसँग जानकारि तथा सूचना लिई कार्यसम्पादन गर्न यादवले निर्देशन दिएका छन् ।

त्यसैगरि, मन्त्रीले मन्त्रालयको समस्या समाधान गर्ने, नीतिगत निर्णय लिने तथा कुनै जटिल समस्या देखिएको खण्डमा आफूलाई तत्कालै जानकारी गराउन पनि निर्देशन दिएका छन् ।

मन्त्रीहरूलाई संघीयताको मर्म र भावनाविपरीत काम नगर्न नगराउन तथा तोकिएको गाडी, इन्धन तथा भात्ता सीमाभित्र रही उपोग गर्न पनि उनले निर्देशन दिएका छन् ।

'मा. मन्त्रीहरूले अनुगममन वा अन्य सरकारी कामको लागि जनकपुरबाहिर वा प्रदेशभित्र जानुपर्दा मुख्यमन्त्रीलाई जानकारी गराउने,' मुख्यमन्त्रीले दिएको निर्देशनमा भनिएको छ, 'प्रदेशबाहिर भ्रमण गर्नुपर्ने अवस्था भएमा मुख्यमन्त्रीबाट भ्रमण स्वीकृत गराइ मात्र भ्रमण गर्ने ।'

त्यसैगरि, प्रमुख सचिवको प्रचलित कानुन तथा प्रदेश जनलोकपाल ऐनको २०७७ को दाफा ९ बमोजिम र सचिवले दाफा १० बमोजिक कार्य फर्छ्योट गर्ने तथा कार्य सम्पादनको शिलसिलामा कुनै निर्णय वा निर्देशन दिँदा संघीयताको मर्म र भावनालाई ख्याल गरी बृहत्त हितको तथा विद्यान कानुनी व्यवस्थालाई ध्यानमा राखी गर्न पनि उनले निर्देशन दिएका छन् ।

त्यसैगरि, सचिवहरूलाई मन्त्रालयको बेरुजु घटाउन तथा अगामी फागुन महिनालाई बेरुजु फर्छ्योटको विशेष महिनाको रूपमा लिन निर्देशन दिइएको छ ।

प्रकाशित मिति: सोमबार, माघ २३, २०७९ २१:१३