चलचित्र फुलबारीका कलाकार र निर्माता देश दौडाहामा

A+ A A-

नेपाली कथानक चलचित्र फुलबारीको टिम यतिबेला प्रचार प्रचारमा दौडिएको छ। शुक्रबार साँझ बुटवल आइपुगेको टिमले विभिन्न चलचित्र हलहरूको भ्रमणसमेत गरेको थियो । फागुन ५ गते प्रदर्शन हुने फिल्मको प्रमोसनका लागि कलाकारहरू विपिन कार्की, प्रियंका कार्की, शिल्पा मास्के, संगीतकार, गायक तथा कलाकार कालिप्रसाद बास्कोटासहित निर्माता, निर्देशकको टिम बुटवल आइपुगेको थियो।

चलचित्र पत्रकार संघ रुपन्देहीको आय‍ोजनामा शनिबार पत्रकार भेटघाट कार्यक्रम गरियो ।

यशोधा फिल्मको ब्यानर, कमलकिशोर मालपानीको कथा र निर्देशक रामबाबु गुरुङको निर्देशनमा फिल्म बनेको हो। बुटवलका फिल्म निर्माता मनिष ढकालले वतर्मान नेपाली घरघरको कथा फुलबारी भएको बताए । काठमाडौ‌ पछिको सबैभन्दा धेरै इभेन्ट हुने स्थानका रुपमा परिचय बोकेको बुटवलमा चलचित्रको राम्रो दर्शक रहेको उनले बताए । कार्यक्रममा कलाकार विपिन कार्कीले सधैँ कला क्षेत्रमा आफू नयाँ भूमिका गर्न खोज्ने बताए । चलचित्रमा नया क्यारेक्टर पाउँदा फिल्म खेल्न तयार भएको उनले बताए ।

‘जयनारायण सरको रिटार्ड मास्टरको भुमिकामा देखिने छु’, उनले भने । परिवारबिनाको मानिसको कल्पना गर्न नसकिने भन्दै यहि पारिवारिक कथा चलचित्रमा रहेको हुँदा दर्शकले मन पराउनेमा आफू आशावादी रहेको बताए । इलाम, काठमाडौंमा सुटिङ भएको उनले बताए । लामो अनुभव र नेपालमा नदेखिएको नयाँ पारिवारिक स्तरीय चलचित्र तयार भएको उनले दाबी गरे ।

कार्यक्रममा नायिका प्रियंका कार्कीले विभिन्न पात्रहरूले परिवारको सदस्यहरूको बीचमा हुने जीवन्त सम्बन्धलाई देखाउन खोजिएको बताइन् । ‘हाम्रो नेपाली कथा हो’, उनले भनिन् । फुल फेमिली ड्रामा चलचित्रमा रहेको उनले बताइन् । यसले एउटा सन्देश दिन खोजेको समेत बताइन् ।

फुलबारी नामअनुसार नै सबै पात्रहरू फरकफरक फुलहरूको कलालाई देख्न सकिने बताइन् । ससाना विषयमा हुने विवाद, संवाद, मनमा बिझाउने खालको फिल्म बनेको उनले दाबी गरिन् । चलचित्र टिम बुटवलबाट पोखरा, चितवन, इटहरी र बिर्तामोड पुग्नेछ।

प्रकाशित मिति: शनिबार, माघ १४, २०७९ १७:५१