दक्ष एरोनोटिकल इन्जिनियर पर्याप्त नहुँदा विमानको नियमित चेकजाँचमा त्रुटि हुन सक्छ : पूर्वमहानिर्देशक क्षेत्री

दक्ष एरोनोटिकल इन्जिनियर पर्याप्त नहुँदा विमानको नियमित चेकजाँचमा त्रुटि हुन सक्छ : पूर्वमहानिर्देशक क्षेत्री

A+ A A-

नेपाल नागरिक उड्डयन प्राधिकरणका पूर्वमहानिर्देशक राजकुमार क्षेत्रीले नेपालमा विमानअनुसार दक्ष इन्जिनियरको अभाव रहेको बताएका छन् । नेपाल आर्थिक पत्रकार संघ (नाफिज) ले आयोजना गरेको ‘नाफिज संवाद’मा क्षेत्रीले दक्ष एरोनोटिकल इन्जिनियर पर्याप्त नहुँदा विमानको नियमित चेकजाँचमा त्रुटि हुन सक्ने बताएका हुन् ।

मुलुकभर एयरलाइन्सको संख्या बढ्दै गए पनि यससँग सम्बन्धित विज्ञ इन्जिनियरको अभाव रहेको उनको भनाइ छ । यसका लागि दक्ष जनशक्ति बढाउनुपर्ने उनी बताउँछन् ।

‘एटीआर जहाजको एरोनोटिकल इन्जिनियरले हेलिकप्टरको समेत नियमन गर्नुपर्ने अवस्था छ,’ उनले भने, ‘एउटा जहाजको विज्ञले अर्को जहाजको सबै थाहा पाउन सक्दैन । एरोनोटिकल इन्जिनियर थप गर्नुपर्छ ।’

त्यस्तै, हवाई क्षेत्रको नियमन कडाइ गर्न सेवाप्रदायक र नियामक छुट्याउनुपर्ने उनले बताए । सरकारले नेपाल नागरिक उड्डयन प्राधिकरणलाई सेवाप्रदायक र नियामक गरी टुक्र्याउने विधेयक अघि बढाएको र यसले पूर्णता पाउनुपर्ने उनले बताए । तर, युरोपेली संघले भनेको जसरी हेपिएर भने काम गर्नु नहुने क्षेत्रीको भनाइ छ ।

‘युरोपेली संघ (ईयू) ले नेपालको उड्डयन क्षेत्र सुरक्षित नरहेको भन्दै सन् २०१३ देखि कालो सूचीमा राखेको छ । अहिलेसम्म नेपाली एयरलाइन्सलाई युरोप उडानमा प्रतिबन्ध कायमै छ,’ क्षेत्रीले भने, ‘अन्तर्राष्ट्रिय नागरिक उड्ययन संगठन (आइकाओ) ले नेपालको हवाई क्षेत्र सुरक्षित रहेको प्रतिवेदन दिँदा पनि इयूले नदिनुमा नेपाललाई हेपेको हो ।’

आइकाओको विश्व औसत परिपालना दर ६७.२ प्रतिशत हो । नेपालले अहिले ७०.८ प्रतिशत अंक पाइसकेको छ । तर पनि ईयूले नेपाललाई कालो सूचीबाट हटाउन नचाहिरहेको क्षेत्रीले बताए ।

‘म आफैँ महानिर्देशक हुँदा प्राधिकरण जबसम्म टुक्रिँदैन, तबसम्म ब्ल्याक लिस्टबाट हटाउँदैनौँ भनेका थिए’, उनी भन्छन्, ‘ईयूले भनेकै कारणले प्राधिकरणलाई दुइटा निकाय बनाउनुपर्छ भन्ने छैन । तर, अहिलेकै अवस्थामा विमान कम्पनी र विमानस्थलको नियमन कडाइ गर्न अप्ठयारो छ ।’

हवाईविज्ञसमेत रहेका क्षेत्रीले विश्वका धेरै मुलुकहरूमा हवाई सुरक्षा र व्यवस्थापकीय तथा नियामकीय भूमिकामा छुट्टाछुट्टै संगठन हुने बताए । नेपालले पनि उड्डयन क्षेत्रलाई सुक्षित बनाउन यो अभ्यासमा जानुपर्ने उनको भनाइ छ ।

प्रकाशित मिति: बिहीबार, माघ १२, २०७९ १३:०५

शिलापत्र संवाददाता

प्रतिक्रिया दिनुहोस्

भर्खरै

इन्जिनियरिङ अध्ययनरत स्नेहा एक सातादेखि बेपत्ता

कृषि उत्पादनमा नेपाल आत्मनिर्भर बन्नुपर्छः अध्यक्ष नेपाल

जसपा विभाजनको झड्काः जसपा र नेकपा एसबीच पार्टी एकताको चर्चा

टुँडिखेलकाे सीप मेला अवलाेकनपछि मेयर हमालकाे प्रस्ताव– धनगढीमा पनि गराैँ

डढेलोको प्रकोप (कविता)

लोकप्रिय

केपी ओलीलाई शेखर काेइरालाकाे प्रस्ताव- पहिले तपाईं प्रधानमन्त्री हुनुस्, त्यसपछि मलाई बनाउनुस्

सत्ता गठबन्धनमा माधव नेपालको कचकचलाई एमालेले सुदूरपश्चिमबाट फर्काएकाे जवाफ

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

जसपा विभाजनसँगै वैकल्पिक गठबन्धनको च्याप्टर क्लोज, अब के गर्छ कांग्रेस ?

जसपा विभाजनले प्रचण्डलाई राहत, माधव नेपालकाे सपना चकनाचुर

विचार

वात्सल्यकी खानी आमा (भिडियो)

१०औँ राष्ट्रिय खेलकुदले कर्णालीमा गर्नेछ खेलकुदमन्त्री र सदस्यसचिवको परीक्षण

स्थानीय तहमा योजना तर्जुमा पद्धत्ति र प्रवृत्ति

ब्लग

म गे हुँ भनेर थाहा पाउँदा आमालाई सुर्ता भयो, 'अब यसलाई समाजले कति दुःख देला नि'

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

शिक्षा

संस्कृत विश्वविद्यालयमा सञ्चारमन्त्री शर्मालाई शिक्षाविद्को कोटा, एमाले र माओवादीबीच भागवण्डा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि