पिनाकल स्कलर्स एकेडेमीले विभिन्न कार्यक्रम गर्दै मनायो रजत जयन्ती

A+ A A-

काठमाडौं महानगरपालिका– १४, कलंकीस्थित पिनाकल स्कलर्स एकेडेमीले २५औँ वर्ष पूरा गरेको छ । एकेडेमीले आफ्नो रजत जयन्तीको अवसरमा शनिबार विद्यालय प्राङ्गणमा शैक्षिक मेलालगायत विभिन्न कार्यक्रमहरूको आयोजना गर्‍यो ।

रजत जयन्तीको अवसरमा आयोजित कार्यक्रममा विद्यार्थीहरूले विभिन्न सांगीतिक प्रस्तुति पस्किएका थिए । सो अवसरमा विद्यार्थीहरूको सेकेन्ड टर्म परीक्षाको रिजल्ट पनि सार्वजनिक गरिएको थियो ।

Pinacle Schoolors (2)1674386728.jpg

रजत जयन्तीको अवसरमा विद्यालयका प्रिन्सिपल निमीराज घिमिरेले विद्यालयले २५औँ वर्ष पूरा गर्दैगर्दा आजको अवस्थासम्म आइपुग्न सम्पूर्ण अभिभावक, विद्यार्थी र अन्य शुभेच्छुकहरूले पुर्‍याएको साथ, सहयोगको सराहना गरे ।

Pinacle Schoolors (3)1674386746.jpg

सोे अवसरमा विद्यार्थीहरूले विज्ञान प्रविधिमा आधारित भएर बनाएका विभिन्न सिर्जनाहरू प्रदर्शनी गरेका थिए । विद्यार्थीहरूले आफूहरूले बनाएका रोबोट, केबुलकार, ज्वालामुखी कसरी जान्छ भनेर बनाइएको डेमो, नेपालको नक्सा, १० कक्षाका विद्यार्थीले बनाएको वेबसाइट, सोलार सिस्टम, वातावरणमा भइरहेको प्रदूषण र त्यसका लागि अपनाइनुपर्ने कार्यजस्ता कुराहरू प्रदर्शनीमा राखिएका थिए ।

Pinacle Schoolors (4)1674386764.jpg

प्रदर्शनीमा कक्षा नर्सरीदेखि १० सम्मका विद्यार्थीहरूको सहभागिता रहेको विद्यालयलेे बताएको छ ।

२०५४ साल पुसमा स्थापना गरिएको पिनाकल स्कलर्स एकेडेमीले २५ वर्ष पूरा गरेको अवसरमा एकवर्षे कार्यक्रम पनि घोषणा गरेको छ ।

Pinacle Schoolors (5)1674386782.jpg

सो स्कुलका प्रिन्सिपल निमीराज घिमिरेले भने, ‘रजत जयन्तीको अवसरमा हामीले विज्ञान तथा आईटी टेक फ्रेन्ड्ली बनाउन एकवर्षे कार्यक्रमको घोषणा गरेका छौँ, जसमा विद्यार्थीहरूले वर्षभरि नै विज्ञान तथा सूचना प्रविधि क्षेत्रमा विद्यार्थीहरूले तयार पारेका सिर्जनाहरूको साप्ताहिक र मासिक रूपमा प्रदर्शनी गरिनेछ ।’

Pinacle Schoolors (6)1674386804.jpg