३ सय रुपैयाँ भन्दा कममै किन्न पाइन्छ यी २३ कम्पनीको शेयर

A+ A A-

शेयरबजारमा झण्डै डेढ वर्षको लगातारको घटाइपछि फेरि बढ्न थालेको छ । ७ पुसबाट बढ्न थालेको नेप्से त्यसपछिका १७ दिन उकालो यात्रा गर्दै १८५० बाट २१८८ अंकमा पुग्न सफल भयो । सरकार परिवर्तन भएसँगै बढ्न थालेको बजारलाई त्यसपछि बैंकिङ प्रणालीमा देखिएको तरलता चाप सुधारिँदै गएको, कर्जा विस्तारमा बैंकहरू खुकुलो बन्न थालेको र बैंक ब्याजदर घट्नेजस्ता सूचनाले बजारलाई निरन्तर बढाउन टेवा दियो ।

बजार बढ्ने आकलनसहित यतिबेला लगानीकर्ता सस्ता र राम्रा कम्पनीका शेयरमा लगानी बढाइरहेका छन् भने नयाँ लगानीकर्ता पनि पुन: बजार प्रवेश गर्न खोजिरहेका छन् । दुई महिनाअघिसम्म १ अर्बको पनि कारोबार नगर्ने लगानीकर्ताले अहिले दैनिक अधिकतम ५ अर्बसम्मको कारोबार गरिरहेका छन् । यसले बजारको क्रयशक्ति बढ्दै गएको देखाउँछ ।

नेप्से बढ्ने आकलनसहित बजारमा चहलपहल बढे पनि यी २३ कम्पनीहरू भने ३ सयभन्दा माथिको यात्रा गर्न सकिरहेका छैनन् । जसमा सबैभन्दा धेरै सस्तो मूल्य हुनेमा जलविद्युत् समूहका कम्पनीहरू छन् । यो समूहका ११ वटा कम्पनीको मूल्य ३ सय रुपैयाँभन्दा तल छ भने वाणिज्य बैंक र होटल समूहका कम्पनीहरूको अवस्था पनि उस्तै देखिन्छ ।

कुनकुन हुन् सस्ता कम्पनी ?

जलविद्युत्‌तर्फ

आँखुखोला जलविद्युत्– २४२ रुपैयाँ
दिव्यश्वरी हाइड्रो– २४५ रुपैयाँ
शिवश्री हाइड्रोपावर– २५३ रुपैयाँ
जोशी हाइड्रोपावर– २५७ रुपैयाँ
खानीखोला हाइड्रोपावर– २६९रुपैयाँ
युुनिभर्सल पावर– २७२ रुपैयाँ
पञ्चकन्या माई हाइड्रो– २७५ रुपैयाँ
नेसनल हाइड्रो– २७९ रुपैयाँ
राधि जलविद्युत्– २८० रुपैयाँ
वरुण हाइड्रो– २८१ रुपैयाँ
रिभरफल्स पावर– २८६ रुपैयाँ

लगानी समूहतर्फ

हाइड्रोइलेक्ट्रिसिटी इन्भेस्टमेन्ट एन्ड डेभलपमेन्ट कम्पनी– २२१ रुपैयाँ
नेपाल इन्फ्रास्ट्रक्चर डेभलपमेन्ट बैंक– २५३ रुपैयाँ

वाणिज्य बैंकतर्फ

सनराइज बैंक– २०० रुपैयाँ
लक्ष्मी बैंक– २०१ रुपैयाँ
सिटिजन्स बैंक– २०५ रुपैयाँ
प्रभु बैंक– २११ रुपैयाँ
प्राइम बैंक– २२५ रुपैयाँ
सिभिल बैंक– २३३ रुपैयाँ
सानिमा बैंक– २५६ रुपैयाँ
नेपाल बैंक– २८२ रुपैयाँ

प्रकाशित मिति: आइतबार, माघ ८, २०७९ १४:०९