प्रदेश १ को मन्त्रालय भागवण्डा टुंगियो, कसलाई कुन मन्त्रालय ?

A+ A A-

प्रदेश १ का मुख्यमन्त्री हिक्मतकुमार कार्कीले मन्त्रीहरू मन्त्रालय तोकेका छन् । प्रदेशका १३ मन्त्रालयबाट ९ मन्त्रालयमा घटाएर बिनाविभागीय रहेका मन्त्रिहरूलाई कार्कीले मन्त्रालयको बागडोर जिम्मा दिएका हुन् ।

शुक्रबार बसेको मन्त्रिपरिषद् बैठकले १३ वटा मन्त्रालयलाई घटाएर ९ बनाएपछि कार्यविभाजन गरेको हो । कार्यविभाजनअनुसार मुख्यमन्त्री हिक्मतकुमार कार्कीले आर्थिकसहित आन्तरिक मामिला र कानुन मन्त्रालय आफूसँगै राखेका छन् ।

एमालेले ९ मध्ये ५ मन्त्रालय आफ्नो भागमा राखेको छ । एमालेका तिलकुमार मेन्यान्ग्बो खानेपानी तथा ऊर्जामन्त्री बनेका छन् । भने एमालेकै अर्का मन्त्री बुद्धिकुमार राजभण्डारीले सामाजिक विकाश मन्त्रालयको जिम्मा पाएका छन् ।

माओवादीको भागमा परेको सडक पूर्वाधार तथा शहरी विकाश मन्त्रालयको जिम्मा दुर्गाप्रसाद चापागाईंले पाएका छन् । जीवन आचार्य पर्यटन वन तथा वातावरणमन्त्री बनेका हुन् । जसपाबाट मन्त्री बनेकी निर्मला लिम्बुले स्वास्थ्य मन्त्रालयको जिम्मा पाउँदा राप्रपाका भक्तिप्रसाद सिटौला उद्योग कृषि तथा सहकारीमन्त्री बनेका छन् ।

जिम्मा पाएका मन्त्री, कायम रहेको मन्त्रालय

१) मुख्यमन्त्री तथा मन्त्रिपरिषद्को कार्यालय : हिक्मतकुमार कार्की

२) आर्थिक मामिला तथा योजना मन्त्रालय : हिक्मतकुमार कार्की

३) आन्तरिक मामिला तथा कानुन मन्त्रालय : हिक्मतकुमार कार्की