बुटवल–भैरहवामा सम्पन्न ईभी रेन्ज टेस्टमा काठमाडौंको रेकर्ड तोडियो

A+ A A-

वातावरणको संरक्षण तथा देशको दिगो आर्थिक विकासका लागि विद्युतीय गाडीहरूको उपयोगमा प्रोत्साहन एवम् प्रवर्द्धन गर्ने लक्ष्यसहित नेपालका लागि टाटा मोटर्सको एक मात्र आधिकारिक बिक्रेता सिप्रदी ट्रेडिङ प्रालि र टाटा मोटर्सको सह–आयोजनामा 'नेक्सन ईभी रेन्ज टेस्ट २०२३' प्रदर्शनात्मक कार्यक्रम बुटवल–भैरहवामा सम्पन्न भएको छ । नेक्सन ईभी रेन्ज टेस्ट २०२३ नाम दिइएको यस अभियानमा टाटा नेक्सन ईभी हुने ग्राहकहरूको उल्लेख्य एवम् उत्साहजनक सहभागिता थियो ।

Range Test- EV1673938497.jpg

बुटवल–भैरहवा सडकमा ३९७ किमिसम्म नेक्सन ईभीको रेन्ज निकाल्न सफल सुवास खड्काले काठमाडौँको सलिम श्रेष्ठको ३४७ किमि रेञ्जलाई उछिन्दै ७६ को उत्कृष्ट वाट आवर निकाल्न सफल भई प्रथम भएका छन् ।

त्यस्तै, ३८७ किमि रेन्ज निकालेर गोपाल शर्मा दोस्रो भएका छन् भने ३७८किमि रेन्ज निकालेर सुवोध भट्टराई तेस्रो भएका छन् । कार्यक्रममा सहभागीमध्ये २२ जनाले ३०० किमि रेन्जभन्दा बढी निकाल्न सफल भएको कम्पनीले जनाएको छ ।

यसै कार्यक्रममार्फत उत्कृष्ट तरिकाले ईभिचलाई अधिकतम रेन्जका आधारमा विद्युतीय इन्धन खपत गर्न सक्ने उत्कृष्ट सहभागीहरूलाई श्रेष्ठताका आधारमा वर्गीकरण गरी कम्पनीको तर्फबाट विभिन्न आकर्षक पुरस्कार एवम् प्रशंसापत्र प्रदान गरिएको थियो । प्रथम स्थान प्राप्त गर्न सफल सुवास खड्काले सम्मान पदक र प्रमाणपत्रका साथ सामसुङ स्मार्ट एलईडी टीभी जितेका छन् ।

Nexon EV Range Test- 21673938518.jpg

त्यसैगरी, दोस्रो स्थान प्राप्त गर्न सफल गोपाल शर्माले सामसुङ ओभन जितेका छन् भने तेस्रो हुने सुवोध भट्टराईले एयर फ्रायर जितेका छन् ।

विद्युतीय गाडीहरूको उपयोगिता, प्रभावकारिता एवं आर्थिक पक्षमा पार्ने सकारात्मक प्रभावहरूका बारेमा जनचेतना फैलाउने र विद्युतीय गाडीहरूप्रति ग्राहकवर्गको दुविधालाई हटाई यसबाट मिल्ने सुविधाका बारेमा विश्वस्त बनाउने उद्देश्यले यस किसिमको कार्यक्रमको आयोजना गरिएको कम्पनीका प्यासेन्जर भेहिकल प्रमुख सावन्तजंग सिजापतीले बताए ।

कार्यक्रम गत पुस ३० गते शनिबार, सिप्रदी ट्रेडिङ पथरडाँडाबाट सुरु गरिएको र भैरहवास्थित बुद्ध चोक, देवकोटा चोक, गौतमबुद्ध अन्तर्राष्ट्रिय विमानस्थलहुँदैै बुटवल बजार परिक्रमा गरी सिद्धार्थ कटेजमा पुगेर समापन गरिएको थियो । कार्यक्रममा ४० भन्दा बढी नेक्सन ईभीको सहभागिता थियो ।

ईभीको उपयोग गरिदिने ग्राहकवर्गबाट मिलेको बहुपक्षीय अप्रत्यक्ष योगदानको कदरस्वरुप कार्यक्रममार्फत उहाँहरूलाई सम्मान गर्न पाउँदा अत्यन्तै खुसी लागेको सिप्रदीका ग्राहक सेवा प्रमुख कुमार भण्डारीले बताए ।

Nexon EV Range Test- 31673938541.jpg

हाल नेपालमा पनि विद्युतीय गाडीहरूको माग र खपत दिनानुदिन बढ्दै गएको छ। नेपाली बजारमा टाटा नेक्सन ईभी ग्राहकहरूले सबैभन्दा धेरै रुचाएको गाडी हो । नेपालमा यसको लोकप्रियता बढेसँगै कम्पनीले ग्राहकहरूको सुविधाका लागि अरु मोडलका एसयूभी तथा सेडान गाडीहरूलाई पनि ईभीमा ल्याउने तयारी भइरहेको जानकारी दिएको छ ।

प्रकाशित मिति: बुधबार, माघ ४, २०७९ १३:२९