डीजे म्याग टप १०० मा एलओडी क्लब पुन: नोमिनेसन

A+ A A-

ठमेलस्थित 'एलओडी' क्लब यसवर्ष पनि 'डीजे म्याग टप १००' को नोमिनेसनमा परेको छ । यूकेस्थित डीजे म्यागले छनाेट गर्ने सन् २०२३ को क्लब क्याम्पियनमा एलओडी परेको हो । सन् २०२२ मा एलओडी विश्वको उत्कृष्ट कल्बको ५२ औँ स्थानमा परेको थियो ।

म्यागमा विश्वभरका सय उत्कृष्ट‍ डीजे क्लब रहने गर्छन् । डीजे म्यागले हरेक वर्ष विभिन्न मुलुकमा रहेका उत्कृष्ट क्लबहरूको छनाेट गर्ने उल्लेख छ । टप १०० क्लबको सूचीमा पर्न एलओडीले भोट गर्न अपिल गरेको छ । एलओडीका अनुसार डीजे म्यागको वेभ साइटमा जानुपर्छ । त्यसपश्चात बेलायतको झण्डामा क्लिक गर्नुपर्छ ।

मत गर्नका पुनः फेसबुक वा गुगलको अप्सन आउँछ । डीजे म्यागको १०० क्लब आएपछि तल पट्टीको भागमा 'इट्स कुल लेट्स गो' मा क्लिक गर्नुपर्छ ।

प्रयोगकर्ताले फेरि आफ्नो देशको नाम, शहर साथै नामसहित सबै उल्लेख गर्ने अप्सन प्राप्त गर्छन् । अन्त्यमा पुनः अर्को अप्सनमा क्लबको सबै चरणमा एलओडीको क्लब लेख्दै काठमाडौं शहरको नाम उल्लेख गर्नुपर्नेछ ।

एलओडी डीजे म्याग टप १०० को छनाेटमा पुनः पर्न सफल भएको क्लबका निर्देशक भुपेन शमशेर कुँवरले जानकारी दिए । सय क्लबको छनाेटमा पुनः पर्न सफल भएमा क्लब व्यवसायीहरूले पनि राष्ट्रका लागि केही गर्न सक्न जाने सन्देश जाने धारण व्यक्त गरे ।

'एलओडी क्लब डीजे म्यागको टप १०० भित्र परिसकेको छ,’ कुँवर भने,' सन् २०२२ टप १०० को एलओडी ५२ स्थानमा परिसकेको छ । क्लबकै कारण पनि नेपालको नाम विश्वसामु फैलाउन सफल भएका छौ । यसपटक पनि राम्रो स्तरमा पर्न सक्ने गरी काम गरिरहेका छौँ ।'

पुनः उत्कृष्ट क्लबमा पार्न सबै जनाको साथ आवश्यक रहेको उनले प्रस्ट पारे । रात्रीकालीन जीवनका पारखीहरू तथा विदेशी पर्यटकहरूलाई यस क्लबले झनै आकर्षण गर्न सक्ने उनको भनाइ छ ।

५२ औँ स्थानमा परिसकेपछि मनोरञ्जन गर्न आउने पर्यटकको संख्या बढ्को कुँवरको भनाइ छ । सन २०२३ मा टप १०० मा क्लब पर्न सकेमा स्वदेशी तथा विदेशी क्लबका पारखीको संख्या बढ्ने उनले बताए ।

प्रकाशित मिति: बिहीबार, पुस २८, २०७९ १६:२५