काठमाडौं–रेसुङ्गा डेमाे उडान, एक घण्टाको विशेष कार्यक्रम

फाइल तस्वीर

A+ A A-

गुल्मीको सिमिचौरमा निर्माण भएको रेसुङ्गा विमानस्थलमा आज ‘डेमो फ्लाइट’ हुँदै छ । २५ जेठ ०७५ मा तारा एयरले कच्ची धावनमार्गमा परीक्षण उडान गरेकोमा चार वर्ष सात महिनापछि तारा एयरलाइन्सबाट डेमो उडान गर्न थालिएको हो ।

गुल्मीको उडानको लागि तारा एयरको ट्विनअटर जहाज बिहान १०: ३० बजे काठमाडौंबाट उडान गर्ने र ५० मिनेटको उडान समय लाग्‍ने तारा एयरका प्रवक्ता शुदर्शन बर्तौलाले जानकारी दिए ।

डेमो उडानको लागि नागरिक उड्डयन प्राधिकरण क्यानले २२ पुसमा तारा एयरलाई अनुमति दिएको थियो । डेमो उडानको अवसरमा रेसुङ्गा विमानस्थालमा एक घण्टाको कार्यक्रम तय गरिएको रेसुङ्गा नगरपालिकाका प्रमुख खिलध्वज पन्थीले जानकारी दिए ।

२०६३ सालदेखि निर्माण सुरु भएको विमानस्थलमा सिभिल निर्माणको काम २०७९ जेठमा सकिएको थियो । विमानस्थल धावनमार्गको लम्बाइ ५२० मिटर र चौडाइ २० मिटर रहेको छ । कुल १५६ रोपनी जग्गामा फैलिएको विमानस्थलमा हालसम्म करिब ३३ करोड लागत लागेको छ ।

को-को जाँदैछन् गुल्मी ?

ट्वीनअटर जहाजबाट गरिने फ्लाइटमा जनप्रतिनिधि नेता तथा क्यानका प्रतिनिधिहरू गुल्मी जाँदै छन् । क्यानका अनुसार फ्लाइटमा गुल्मी–१ बाट निर्वाचित सांसद चन्द्र भण्डारी सोही क्षेत्रमा एमालेबाट उम्मेदवार बनेका पार्टी उपमहासचिव प्रदीप ज्ञवाली, नेकपा एसकी सचिव रामकुमारी झाँक्री, प्रदेश सांसद धनेन्द्र कार्की, रेसुङ्गा नगरपालिकाका मेयर खिलध्वज पन्थी उडान गर्नेछन् । त्यस्तै क्यानका प्रतिनिधिहरू पनि डेमो उडानमा गुल्मी जाने छन् ।

नियमित उडान कति सम्भव ?

रेसुङ्गा नगरपालिकाका प्रमुख पन्थी छिट्टै नियमित उडान हुने अपेक्षा राख्छन् । उनले तारा एयरबाटै व्यावसायिक उडान गर्ने गरी समन्वयन गरिएको बताए । आकर्षक पहाडी विमानस्थलको रूपमा रहेको यो विमानस्थल अहिले सेल्फिसेन्टर जस्तो बनेको छ ।

तर पहाडी जिल्लाहरूमा प्रयाप्त यात्रु नपाएको कारण उडान हुन सेकका छन् । यसअघि इलाममा पनि यात्रु नपाएकै कारणले ताराले नियमित उडान गउन सकेको थिएन । रेसुङ्गा चारवटा जिल्लालाई कभर गर्ने भएका कारण पनि यात्रुको समस्या नुहने प्रमुख पन्थीको दाबी छ ।

प्रकाशित मिति: आइतबार, पुस २४, २०७९ १०:१५