सामसुङले ल्यायो ग्यालेक्सी ए०४ई, मूल्य १३ हजार ४९९ रुपैयाँ

A+ A A-

सामसुङले नेपाली बजारमा लोकप्रिय ए–सिरिजको सबभन्दा नयाँ सदस्य ग्यालेक्सी ए०४ई स्मार्टफोन भित्र्याएको छ । कम्पनीले डुअल क्यामेरा र फस्ट चार्जिङ टाइप–सी पोर्टका साथ एक फुल प्याकेज फोन भित्र्याएको हो ।

वेल– राउन्डेड सुविधाहरूसहित ल्याइएको यस स्मार्टफोनमा ३ जीबी र्‍याम र ३२ इन्टर्नल मेमोरी रहेको कम्पनीले जनाएको छ । यसमा थप १ टीबी एक्सटर्नल स्टोरेज स्पेस माइक्रो एसडी कार्डद्वारा जोड्न सकिन्छ । तर, यस फोनको प्रमुख विशेषता भने यसको डिस्प्ले र क्यामेरा हो ।

ग्यालेक्सी ए०४ईमा तीनवटा क्यामेरा समावेश छन् । रेअरमा डुअल क्यामेरा जसमा मेन क्यामेरा १३ एमपी रहेको छ र यसलाई साथ दिन २ एमपीको डेप्थ क्यामेरा पनि छ । फ्रन्ट साइडमा ५ एमपी क्यामेरा छ ।

ग्यालेक्सी ए०४ईको ६.५ इन्च स्क्रिन ७२०x१६०० पिक्सेल रेजोलुसनका साथ आउँछ । यो ठूलो स्क्रिनले प्रयोगकर्ताहरूलाई आफ्नो स्क्रिनको कन्टेन्टसँग पूर्ण रूपमा डुब्न दिन्छ । यसको इन–सेल टच एलसीडी पीएलएस भएको डिस्प्लेले प्रयोगकर्तालाई इमेज र टेक्स्टमा इन्हान्स्ड स्पष्टता दिनुका साथै थप फिचरहरूका लागि थप स्पेस पनि दिन्छ ।

यस फोनमा टाइप–सी चार्जिङ पोर्ट छ, जसले अन्यचार्जिङ केबलहरू भन्दा बढी प्रभावकारी र छिटो चार्ज गर्ने विकल्प दिन्छ । यसको ५००० एमएएच ब्याट्रीले ४० घण्टा सम्म बिनाकुनै समस्या मोबाइल चलाउन सकिन्छ ।

ग्यालेक्सी ए०४ई कालो, कपरर लाइट–ब्लुको स्टाइलिस मिश्रण भएका रङहरूमा उपलब्ध रहेको कम्पनीले जनाएको छ । सामसुङको स्मार्टफोन रोस्टरको यो नयाँ फोनले कम्पनीका हरेक मूल्यदायरामा गुणस्तरीय उत्पादन ल्याउने प्रतिबद्धतालाई समर्थन दिएको कम्पनीको दाबी छ । नेपाली बजारमा यस फोनको मूल्य मूल्य १३ हजार ४ सय ९९ रुपैयाँ तोकिएको छ ।

प्रकाशित मिति: बुधबार, पुस २०, २०७९ १८:३२