किरात समाजले बेल्जियममा मनायो उधौली पर्व (तस्वीरहरू)

A+ A A-

संयुक्त किरात समाज बेल्जियमले मंगलबार बेल्जियमको ब्रुजमा किरातीहरूको मुख्य पर्व उधौली मनाएको छ । कार्यक्रममा विभिन्न सामाजिक संघसंस्थाहरूको उल्लेख्य उपस्थिति थियो ।

नेपाल आदिवासी जनजाति महासंघ बेल्जियमका महासचिव पेम्वागेलु शेर्पाले आदिवासी जनजातिहरूले प्रवासमा पनि परम्परागत धर्म, संस्कृति र मौलिक पहिचानको संरक्षण र सम्वर्द्धनका लागि क्रियाशील भएर लाग्नुपर्ने बताए । नेपाल विविधतामा आधारित देश भएको बताउदै शेर्पाले आफ्नो पहिचान कायम राख्न पनि यस्ता गतिविधिलाई निरन्तरता दिनुपर्ने उल्लेख गरे ।

kirat-samaj-beljium (3)1672408066.jpg

समाजका संस्थापक अध्यक्ष डिल्ली सुब्बाले विदेशी भूमिमा बस्दै गर्दा संस्कृति, संस्कार, भेषभूषा बिर्सने चिन्ताले आफूहरूले प्रत्येक वर्ष यो पर्व मनाउँदै आएको बताए । किरातीहरू भूमीपुत्र भएकाले प्रकृति र देवी देवताको स्मरण गर्दै यो पर्व मनाउँदै आएको उनको भनाइ थियो ।

kirat-samaj-beljium (4)1672408066.jpg

गैरआवासीय नेपाली संघ बेल्जियमकी सचिव सावित्री गिरीले नेपालीहरू संस्कार संस्कृतिका धनी भएको उल्लेख गर्दै विदेशी भूमी यसको संरक्षण हुन जरुरी भएको बताइन् । समाजकी अध्यक्ष कविता साउदेनले किरात समुदायको धर्म संस्कृतिको संरक्षण र सम्बद्धनका लागि विदेशमा समेत यो पर्वलाई अनिवार्य रूपमा मनाउनुपर्ने बताइन् ।

समाजका सचिव दौलत साम्वाले यो पर्व किरात समुदायको मुख्य पर्व भएको हुनाले प्रवासमा पनि दोश्रो पुस्तालाई धर्म संस्कृतिका बारेमा जानकारी दिन स्थापना कालदेखि नै मनाउन थालिएको बताए । यो अन्य पर्वभन्दा भिन्न प्रकृतिको भएकाले प्रवासमा पनि मनाउन पाउँदा आफूहरू गौरवान्वित भएको उनले बताए ।

kirat-samaj-beljium (2)1672408064.jpg