प्रकाशशरण महत भन्छन्- निर्णय प्रक्रियामा मेरो हातै छैन, हातपात गर्‍यो भन्ने कुरा झुटो हो

प्रकाशशरण महत भन्छन्- निर्णय प्रक्रियामा मेरो हातै छैन, हातपात गर्‍यो भन्ने कुरा झुटो हो

A+ A A-

कांग्रेस प्रवक्ता डा प्रकाशशरण महतले बालुवाटारमा उपसभापति पूर्णबहादुर खड्कासँग प्रधानमन्त्रीको विषयलाई लिएर कुनै कुरा नभएको बताएका छन् । गठबन्धन टुट्यो भन्ने खबर पाएपछि सवा ४ बजे बालुवाटार प्रवेश गरेको र साँढे ५ बजे बालुवाटारबाट बाहिरिएको उनले बताए ।

चुनावी गठबन्धन निरन्तरता दिन र प्रधानमन्त्री माओवादी अध्यक्ष पुष्पकमल दाहाल प्रचण्डलाई दिन उपसभापति खड्काले प्रस्ताव गर्दा प्रवक्ता महतले प्रतिवाद गरेको समाचार आएका थिए ।

महतले शिलापत्रसँग गरेका कुराकानी :

बिडम्बना छ । झुटो उद्देश्यको राजनीतिको पराकाष्ठ हो । हुँदै नभएको कुरा समाचारमा फोटो जोडेर आएको देखेँ । सम्पूर्ण रूपमा तथ्यहीन कुरा हो । म कार्यदलमा पनि छैन । छलफलमा पनि छैन । गठबन्धन टुटिसक्यो रे भन्ने कुरा आएपछि म बालुवाटार गएको हो ।

कार्यदलमा बसेका पूर्णबहादुर खड्का, ज्ञानेन्द्रबहादुर कार्की, कृष्ण दाई, रामचन्द्र दाइ हुनुहुन्छ । धेरै ओहोरदोहोर गर्ने पूर्णबहादुर खड्का, ज्ञानेन्द्रबहादुर कार्की हुनुहुन्छ । निर्णय प्रक्रियामा मेरो हातै छैन । हातपात गर्न गयो भनेर आएछ त्यो झुटो कुरा हो । हुँदै नभएको कुरा उच्चारण नै नभएको कुरा आयो । भनाभन केही भएकै छैन ।

४–५ जना नेताबाहेक अरू कोही पनि छैनन् । कसरी यस्ता कुरा आउँछन् आश्चर्य चकित छु । बालुवाटारमा पहिलो भेट ज्ञानेन्द्रजीसँग भयो । के भन्ने भन्दा होइन,मिल्छ कुरा हुन्छ । कुरा हुँदैछ भन्ने कुरा आयो ।

ठूलो दलको हैसियतले सकेसम्म राष्ट्रपति र प्रधानमन्त्री आफैँसँग राखौँ सकिँदैन भने गठबन्धन टुटाउन हुँदैन वैकल्पिक समर्थन भरपर्दो छैन । यसको भर पर्न हुन्न भन्ने मेरो पहिलेदेखिको एकनासको भनाइ थियो ।

सम्पूर्ण कुराहरूमा उहाँहरू सामेल हुनुहुन्छ । म जाँदा प्रचण्डजी बालुवाटारमा हुनुहुन्थेन । कृष्णदाइ, शेरबहादुर दाइ, ज्ञानेन्द्रजी, पूर्णबहादुरजी र मुख्य सचिव हुनुहुन्थ्यो । अरु कुरै भएको छैन । के भयो कसो भयो भनेर सोधखोज गरेँ ।

फोन गरेर बोलाउने कुरा आयो । ढिला भयो अब हुँदैन भन्ने कुरा उताबाट आयो क्यारे । भएको यति हो । मैले हातै हाल्न गयो उसो गर्‍यो यस्तो भन्यो भन्ने आएछ । यो भन्दा घटिया कुरा के हुन्छ ?

प्रधानमन्त्री प्रचण्डलाई दिन हुँदैन भन्ने कुरा उच्चारण नै भएको छैन । सकेसम्म लिने हो भएन भने गठबन्धन जारी हुनुपर्छ उसलाई दिने भए पनि दिनुपर्छ भन्ने हो नि त । त्यही कुरा भएको छ ।

के हो भने टिममा हैसियत छ । त्यसकारण मलाई नै चुनौती देखेका छन् । खुराफाती गर्ने आक्रमण गर्ने कामहरू भैरहेका छन् । म त्यस्ता कुरामा विश्वास गर्दिनँ । कसैको कुभलो पनि चिताउँदिनँ, नराम्रो नि चाहँदिनँ गर्न पनि गर्दिनँ ।

कर्णालीका बारेमा कुरा आयो । सर्वसम्मत संसदीय दलको नेता चयनमा प्रस्तावक समर्थक नपाएर मात्र सर्वसम्मत भएको भन्ने कुरा आयो । सर्वसम्मत भएपछि सकियो नि त्यस्तो कुरा के भयो र भनेँ ।

प्रकाशित मिति: सोमबार, पुस ११, २०७९ १७:१५