द ब्रिटिस कलेजमा नयाँ आईटी प्रोग्राम, पहिला आवेदन दिने ३० आवेदकहरूलाई छात्रवृत्ति

द ब्रिटिस कलेजमा नयाँ आईटी प्रोग्राम, पहिला आवेदन दिने ३० आवेदकहरूलाई छात्रवृत्ति

A+ A A-

‘द ब्रिटिस कलेज’ले बेलायतको किल विश्वविद्यालयसँगको साझेदारीमा ‘एमएस्सी एड्भान्स कम्प्युटर साइन्स’ लञ्च गर्ने भएको छ । यो कार्यक्रम ‘द ब्रिटिस कलेज’को सहायक संस्था ‘द ब्रिटिस इन्टरनेसनल कलेज’ द्वारा सञ्चालन गरिने कलेजले जनाएको छ ।

यो कोर्सका लागि पहिला आवेदन दिने ३० आवेदकहरूलाई छात्रवृत्ति पनि उपलब्ध गराइने कलेजले जनाएको छ ।

किल विश्वविद्यालयको यो कोर्स निकै एड्भान्स तरिकाले डिजाइन गरिएकाले विद्यार्थीहरूका लागि निकै फलदायी हुने कलेजले जनाएको छ । यो कोर्सले विद्यार्थीहरूलाई कम्प्युटर साइन्सका विभिन्न क्षेत्र (प्रोग्रामिङ ल्याङ्गवेज, अल्गोरिदम्स, डेटा साइन्स, कम्प्युटर आर्किटेक्चर, र सफ्टवेयर इन्जिनियरिङ) लाई समेट्ने कलेजले जनाएको छ ।

किल विश्वविद्यालयले यूकेमा अध्ययनरत विद्यार्थीहरूलाई अन्तर्राष्ट्रियस्तरको शिक्षा प्रदान गर्दै आइरहेको छ । ७० वर्षदेखि विश्वभर यस विश्वविद्यालयका धेरै संस्थाहरूसँग पार्टनरसिप छ । स्टुडेन्ट क्राउड अवार्ड्स २०२२ मा विद्यार्थीहरूबाट यो विश्वविद्यालयलाई प्रथम स्थानमा राखिएको थियो । यस विश्वविद्यालयले अनुसन्धानको क्षेत्रमा योगदान पुर्‍याउँदै आइरहेको छ । यस संस्थामा अध्ययनरत गर्ने विद्यार्थीहरूले इन्टर्नसिप र व्यावहारिक अनुभव प्राप्त गर्न सक्नेछन् ।

ब्रिटिस कलेजका सीईओ राजन कँडेलले भने, ‘उक्त विश्वविद्यालयसँग पार्टनरसिप गर्न पाउँदा हामी उत्साहित छौँ । नयाँ शैक्षिक कार्यक्रमहरूले विद्यार्थीहरूको ज्ञान र सीपको विकास गर्ने कुरामा हामी प्रस्ट छौँ । यसले समाजलाई ‘डिजिल ट्रान्सफर्मेसन’ गर्न सहयोग गर्नेछ ।’

यो डिग्री हासिल गर्न चाहने विद्यार्थीहरूलाई छात्रवृत्तिको सुविधासमेत उपलब्ध छ । यो कोर्समा भर्ना हुने पहिलो ३० जना विद्यार्थीहरूलाई ट्युसन फीमा ५० प्रतिशत छात्रवृत्ति उपलब्ध हुनेछ । यो अफर जनवरी महिनासम्म मात्र हुनेछ ।

कम्प्युटर साइन्स विषयमा व्याचलर अध्ययन गरिसकेका वा अन्य सम्बन्धित क्षेत्रका विद्यार्थीहरूले यो कोर्सका लागि आवेदन दिन सक्नेछन् ।

प्रकाशित मिति: बुधबार, पुस ६, २०७९ १६:३३