टीसीएल अन्तर्राष्ट्रिय टिमले गर्‍यो नेपाली बजारको भ्रमण, सेवा अझ विस्तार गर्ने घोषणा

टीसीएल अन्तर्राष्ट्रिय टिमले गर्‍यो नेपाली बजारको भ्रमण, सेवा अझ विस्तार गर्ने घोषणा

A+ A A-

विश्वव्यापी टेक्नोलोजी ब्रान्ड टीसीएलको एसिया प्यासिफिक सेल्स सेन्टरका लागि नियुक्त सेल्स डाइरेक्टर मिसेस क्यारोलिन (किउ लिन) र सिनियर सेल्स म्यानेजर मिस्टर रेक्स (लिउ रेन) को टोलीले नेपाल भ्रमण गरेको छ ।

उनीहरूले नेपालको बजार अध्ययन र बजार बिस्तारका लागि नेपाली बजारको भ्रमण गरेका हुन् ।

टीसीएल टिमले टंगाल, कुमारीपाटी र बसुन्धाराका सीजी डिजिटल शोरुमहरूका साथै विभिन्न डिलरहरूको भ्रमण गरेका छन् । भ्रमणका क्रममा सेल्स डाइरेक्टर मिसेस क्यारोलिनले भनिन्, 'विश्वभर गुणस्तरीय उत्पादन र सेवाका लागि प्रसिद्ध टीसीएलका उत्पादनहरू नेपालमा पनि व्यापक रूपमा रुचाइएको छ । चौधरी ग्रुपसँगको हाम्रो लामो सहकार्यको अनुभव र यो भ्रमणले हामीलाई नेपालमा सेवा अझ व्यापक रूपमा विस्तार गर्न प्रोत्साहित गरेको छ ।'

ग्राहकहरूलाई उच्चस्तरीय अनुभव प्रदान गर्न चाँडै नै टीसीएलका विशेष शोरुमहरू र कन्सेप्ट कर्नरहरू नेपालभर विस्तार गर्ने टीसीएलको योजना रहेको उनले बताइन् ।

सीजी इलेक्ट्रोनिक्सले अन्तर्राष्ट्रिय फुटबल प्रतियोगितालाई लक्षित गरेर सार्वजनिक गरेको 'फुटबल हङ्गामा' योजना हालसम्म कायमै राखेको छ । टीसीएल अन्तर्राष्ट्रिय ब्राजिलियन फुटबल टिमको आधिकारिक प्रायोजक पनि हो ।

कम्पनीले टीसीएलका उत्पादनहरूमा फ्री डेलिभरी, फ्री इन्स्टलेसन एन्ड डेमो र शून्य प्रतिशतमा फाइनान्स सुविधा पनि प्रदान गरेको छ । कम्पनीले सम्पूर्ण नेपाली ग्राहकहरूलाई सीजी डिजिटल शोरुम तथा आफ्नो फराकिलो बिक्रेता सञ्जालमार्फत उत्कृष्ट सेवा र अनुभव प्रदान गरिरहेको छ ।

कम्पनीका सीजी डिजिटल शोरुमहरू काठमाडौंभित्र टंगाल, कुमारीपाटी, बसुन्धरा, जोरपाटी, भक्तपुर राधे राधे, रविभवन, कीर्तिपुर, हात्तीगौँडा, त्रिपुरेश्वर, नयाँ बजार र काठमाडौंबाहिर इटहरी, हेटौँडा, भरतपुरमा सञ्चालनमा छन् ।

टीसीएल ब्रान्डलाई चौधरी ग्रुपको सीजी इलेक्ट्रोनिक्सअन्तर्गतको सीजी ईओएलले नेपाली बजारमा भित्र्याएको हो ।

प्रकाशित मिति: बुधबार, पुस ६, २०७९ १६:३२