पर्यटनमन्त्री भट्टराई भन्छन्ः स्मार्ट अध्यागमन बनाउँछु

A+ A A-

संस्कृति पर्यटन तथा नागरिक उड्डयन मन्त्री योगेश भट्टराईले अन्तराष्ट्रिय विमानस्थलमा पहिलाभन्दा सुधार भइरहेको दाबी गरेका छन् ।

नेपाल चेम्बर अफ कमर्शले काठमाडौंमा आयोजना गरेको ‘नेपालको पर्यटन क्षेत्रको प्रवद्र्धनका संभावना तथा सहजीकरणका सन्दर्भमा नीजि क्षेत्रको भूमिका’ कार्यक्रममा उनले अन्तर्राष्ट्रिय विमानस्थल अध्यागमनमा भएका सबै सुविधा हुने बताए ।

मन्त्री भट्टराईले अध्यागमन छिट्टै स्मार्ट बनाउँदै स्मार्ट अध्यागमनमा अन्य अन्तर्राष्ट्रिय विमानस्थल अध्यागमनमा भएका सरह सबै सुविधा हुने दावी गरे । यही वर्षको डिसेम्बरसम्ममा गौतम बुद्ध अन्तर्राष्ट्रिय विमानस्थल संचालनमा ल्याउने गरी काम भइरहेको बताउँदै समयमै विमानस्थल निर्माण सम्पन्न गर्न सरकारको तर्फबाट कुनै पनि कमी हुन नदिएको जानकारी पनि गराए ।

मन्त्री भट्टराईले नेपालमा हवाई इन्धनको उच्चमूल्यका कारण टिकट महङ्गो भएको भन्ने चौतर्फी गुनासो आएको भन्दै यसको समाधानका लागि छलफल सुरु गर्ने मन्त्री भट्टराईको आश्वासन छ । यूरोपियन यूनियन (इयु) ले नेपालका विमान कम्पनीलाई बन्देज लगाउनु परेको कारण केही नभएको भन्दै उनले प्रतिबन्ध हटाउन आग्रह गर्दै आएको बताए ।

हालै आईकाओले गरेको सेफ्टी अडिटमा नेपालका हवाई औषतभन्दा सम्बन्धित निकायले राम्रो देखाएको भन्दै ईयूले बन्देज हटाउनु पर्नेमा विशेष जोड दिए । पर्यटन वर्ष २०२० लाई सफल पार्न नेपालका नीजि विमान कम्पनीलाई अन्तराष्ट्रिय स्थलमा उडानका लागि अनुमति दिने क्रम जारी रहेको उनको भनाइ छ ।

कार्यक्रममा नेपाल चेम्बर अफ कमर्शका अध्यक्ष राजेशकाजी श्रेष्ठले यूरोपियन यूनियनले लगाएको प्रतिवन्दले नेपालको पर्यटनमा असर परेको वताए । मूल्यमा कार्टेलिङ हुँदा हवाई टिकट भाडा महंगो भइ चिनियाँ पयर्टक उल्लेख्य संख्यामा आउन नसकेको अध्यक्ष श्रेष्ठको भनाइ छ ।

सन् २०२० पर्यटन भ्रमण वर्ष सफल बनाउन सबै पर्यटकलाई भिसा शूल्क कम गर्न र पर्यटन आगमनको संख्या बढाएर त्यसबाट राजस्व वृद्धि गर्नतर्फ ध्यान जानुपर्ने अध्यक्ष श्रेष्ठको धारणा छ ।

प्रकाशित मिति: बिहीबार, साउन ३०, २०७६ ०४:४३