इस्लिङ्टन कलेजको दीक्षान्त समारोह, उपकुलपति जुली हलले प्रदान गरिन् दीक्षान्तको प्रमाणपत्र

इस्लिङ्टन कलेजको दीक्षान्त समारोह, उपकुलपति जुली हलले प्रदान गरिन् दीक्षान्तको प्रमाणपत्र

A+ A A-

कमलपोखरी स्थित इस्लिङ्टन कलेजको दीक्षान्त समारोह सम्पन्न भएको छ ।

समारोहमा स्नातक तहअन्तर्गत विशेषज्ञताहरू बीएस्सी (अनर्स) कम्प्युटिङ, बीएस्सी (अनर्स) कम्प्युटर नेटवर्किङ एन्ड आईटी सेक्युरिटी, बीए (अनर्स) बिजनेस एडमिनिस्ट्रेसन एन्ड बीएस्सी (अनर्स) मल्टी मिडिया टेक्नोलोजिजका ८ सय ५७ जना विद्यार्थी दीक्षित भएका छन् ।

त्यस्तै, समारोहमा स्नातकोत्तर तहअन्तर्गत एमएस्सी आईटी एन्ड एप्लाइड सेक्युरिटी विषयका ७२ जना विद्यार्थी दीक्षित भएका छन् ।

त्यसैगरी, बिजनेस विषयमा स्नातक तह पास गर्ने ९४ र आईटी तह पूरा गर्ने ८३५ जना विद्यार्थी गरी जम्मा ९२९ जना विद्यार्थी दीक्षित भएका छन ।

कलेजले शनिबार र आइतबारका दिन दीक्षान्त समारोह आयोजना गरेको थियो । समारोहमा विद्यार्थीका अभिभावकहरुको उल्लासमय उपस्थिति रहेको थियो ।

बेलायतको लन्डन मेट्रोपोलिटियन विश्वविद्यालयबाट सम्बन्धनप्राप्त सो कलेज इनोभेट नेपाल ग्रुपद्वारा सञ्चालित छ । दीक्षान्त समारोहमा विश्वविद्यालयका उपकुलपति एकेडेमिक–प्रोफेसर जुली हलले विद्यार्थीलाई दीक्षान्तको प्रमाणपत्र प्रदान गरेका थिए ।

सो अवसरमा बोल्दै उनले विश्वभर सम्बन्धनप्राप्त कलेजमध्ये इस्लिङ्टन कलेज उत्कृष्ट भएको बताए । उनले भने, 'यो महत्त्वपूर्ण अवसरमा सबै विद्यार्थीको सुखद भविष्यको शुभकामना दिन चाहन्छु ।'

समारोहमा बोल्दै आईएनजीका संस्थापक अध्यक्ष सुलभ बुढाथोकीले लन्डन विश्वविद्यालयाको हाई र्‍याङ्किङमा परेको यस कलेजमा उत्तीर्ण विद्यार्थीले नेपाल र विश्वका विभिन्न मुलुकमा उत्कृष्ट स्थान हासिल गर्न सफल भएको बताए । उनले दीक्षित विद्यार्थीहरूको उज्ज्वल भविष्यको शुभकामना पनि दिए ।

प्रकाशित मिति: आइतबार, मंसिर २५, २०७९ १७:४३