नेकपा माओवादी केन्द्रले निर्वाचन आयोगमा प्रतिनिधिसभातर्फ आफूले पाएको समानुपातिक कोटामा सांसद निर्वाचित गर्नका लागि नामावली पठाएको छ । पार्टी महासचिब देव गुरुङले शनिबार निर्वाचन आयोग पुगेर सूची बुझाएका हुन् ।
माओवादीले समानुपातिकमा प्रतिनिधिसभामा १४ सिट पाएको थियो । तीमध्ये १२ जना महिला र २ जना पुरुषको नाम पठाएको छ । आयोगले दलहरूलाई शनिबारसम्म नाम आयोगमा बुझाउन समय दिएको थियो । अब आयोगले सिफारिस नामहरूको अध्ययन गरी निर्वाचित घोषणा गर्नेछ ।
प्रकाशित मिति: शनिबार, मंसिर २४, २०७९ १६:५१
