राष्ट्रिय स्वतन्त्र पार्टीले समानुपातिक सांसदको नाम छनोट भोलि (शनिबार) गर्ने भएको छ । समानुपातिकमा १३ सिट पाएको रास्वपाले भालि नामको टुंगो लगाउने प्रवक्ता डा. मुकुल ढकालले बताए ।
‘भोलि बैठक बसेर नाम टुंगो लगाउँछौँ । १ बजे आयोगमा जान्छौँ,’ उनले भने ।
सांसद छान्ने विषयमा रास्वपमा पनि विवाद देखिएको छ । पार्टीको केन्द्रीय समितिमा रहेकालाई समानुपातिकबाट सासंद बनाउन लागेपछि बनन्दसूचीमा रहेका उम्मेदवारहरू हिजो खबरदारी गर्न कार्यालय पुगेका थिए ।
रास्वपाले आदिवासी जनजातिबाट ३, खसआर्यबाट ४, थारुबाट १, दलितबाट २, मधेसीबाट २, मुस्लिमबाट १ र पिछडिएको क्षेत्रबाट एक जना छनोट गर्नुपर्नेछ । यसमा ३३ प्रतिशत महिलाको उपस्थिति अनिवार्य हुनुपर्ने । ५ जना महिला रास्वपाले समानुपातिकबाट प्रतिनिधित्व गराउनुपर्ने हुन्छ ।
प्रकाशित मिति: शुक्रबार, मंसिर २३, २०७९ १७:०८
