दिनको १५० वटासम्म कपाल झर्नु सामान्य हो, योभन्दा बढी झरेमा डाक्टरकहाँ जानुपर्छ (भिडियोसहित)

दिनको १५० वटासम्म कपाल झर्नु सामान्य हो, योभन्दा बढी झरेमा डाक्टरकहाँ जानुपर्छ (भिडियोसहित)

A+ A A-

जीवनशैलीका कारण हामी विभिन्न स्वास्थ्य समस्यासँग जुधिरहेका छाैँ । यिनैमध्ये कपाल झर्ने समस्याले हामीमध्ये धेरैलाई चिन्तित बनाइरहेको छ । चिकित्सकका अनुसार याे समस्याले कुनै पनि उमेर समूहलाई सताउन सक्छ ।

तनाव पनि कपाल झर्नुको कारण हुन सक्छ भने कतिपय मानिसहरूमा याे वंशाणुगत समस्या हुन सक्छ । तालुपनाको समस्याले आज धेरै मानिस हायलकायल छन् ।

धेरैजसो कपाल झर्ने समस्या भिटामिन, आइरनलगायतका तत्त्वको कमीले हुने गर्छ भने थाइराइडको समस्या भएका व्यक्तिहरूको पनि कपाल झरिरहेको हुन्छ ।

सुन्दरताका लागि होस् या सेतो कपाललाई रंग्याउन होस्, पछिल्लो समय धेरै मानिसहरू मेहन्दीको प्रयोग गरिरहेका छन् । तर, कस्तो मेहन्दी कसरी प्रयोग गर्ने भन्ने धेरैलाई थाहा नहुन सक्छ ।

कपालको स्याहार गर्दा ध्यान दिनुपर्ने अर्को महत्त्वपूर्ण कुरा स्याम्पु र साबुनको प्रयोग हो । यसले छाला तथा कपाललाई हानि गर्छ गर्दैन, कस्तो स्याम्पु कसरी प्रयोग गर्ने भन्ने कुरा हामी धेरैले ख्यालै गर्दैनौँ ।

पछिल्लो समय सबैभन्दा बढी कपालमा आइरन गर्ने चलन दिनहुँ बढ्दै गइरहेको छ । कपाललाई कसरी आइरन गर्दा कपाल झर्ने, डढ्ने र टुक्रने समस्याबाट बच्न सकिन्छ, यसबारे पनि सचेत रहनु जरुरी छ ।

हामीले प्रयोग गरिरहेका तेल, कपालको सुरक्षाका लागि प्रयोग गरिने घरेलु उपचार आदि पनि कपाल झर्नुको समस्या हुन सक्छ । यसका अलावा विभिन्न किसिमका रोगको आक्रमण र औषधिको प्रयोगले पनि कपाल झर्ने समस्याले सताइरहेको हुन्छ । तसर्थ समयमै समस्याको पहिचान गर्न सके कपाल झर्ने समस्याबाट मुक्ति पाउन सकिन्छ ।

किन झर्छ कपाल अनि कसरी राेक्ने ? हेर्नुहाेस्, चिकित्सकका सुझावसमेत राखेर तयार गरिएकाे याे भिडियाे रिपाेर्टः