ट्विटरले राेक्याे 'ब्लू टिक'काे पैसा लिने निर्णय, नक्कली खाताको बिगबिगी

A+ A A-

ट्विटरले ‘ब्लू टिक’का लागि महिनैपिच्छे आठ डलर तिर्नुपर्ने याेजना अचानक स्थगित गरेकाे छ । एलन मस्कले ट्विटर किनेपछि कम्पनीले पहिलोपल्ट यति ठूलो निर्णय फिर्ता लिएको बीबीसीले लेखेकाे छ ।

एलन मस्कले ब्लू टिकका लागि भुक्तानीको नयाँ नियम सुरु गरेका थिए तर हाललाई यो निर्णय लागू नगरिने ट्विटरले जनाएकाे छ ।

ब्लू टिक सब्सक्रिप्सन लागू भएपछि केही ठूला ब्राण्डका नक्कली खाता बनेका थिए । र, यस्ता फर्जी खातामा समेत ब्लू टिक देखिएकाे थियाे । यसो हुँदा नक्कली खाता पनि कम्पनीको सक्कली खाताजस्तै देखिन थालेका थिए ।

यस्तै एक घटनामा एली लिलि नामको कम्पनीको फर्जी खाताबाट ट्विट गरिएको थियो, ‘इन्सुलिन सित्तैमा’ ।

यसबारे ट्विटरले अहिलेसम्म केही जवाफ दिएको छैन । तर कम्पनीले एली लिलिले ट्विट गरेकाे छ, ‘हामी उनीहरूसँग माफी माग्न चाहन्छौँ, जसलाई नक्कली लिली खाताबाट गलत सन्देश मिल्यो ।’

बढ्यो चिन्ता

याे घटनासँगै ट्विटरमा गलत सूचनाहरू बढ्नसक्ने चिन्ता बढेकाे छ । घटनापछि शुक्रबार कम्पनीको शेयर ४ प्रतिशतसम्म गिरेको थियाे ।

एलन मस्कले गत महिना ४४ अर्ब डलरमा ट्विटर किनेका थिए । यसपछि उनले ट्विटरमा केही परिवर्तन गरेका छन् ।
ट्विटरमा काम गर्ने करिब ३७०० कर्मचारी निकालिएका छन् ।

डिजिटल विज्ञापनको बजारमा गिरावट आएसँगै कम्पनीको समस्या बढेको छ । कम्पनीको दिशालाई लिएर चिन्ताहरूबीच ठूलो ब्राण्ड र मार्केटिङ फर्महरूले यसमा खर्च गर्न बन्द गरिदिएका छन् ।

ट्विटर ब्लू सब्सक्रिप्सन सेवामा प्रयोगकर्ताबाट ७.९९ डलर प्रतिमहिना तिर्नुपर्ने गरी मागिँदैछ । यसअघि ब्लू टिकका लागि पैसा लिइँदैन थियो । ट्विटरको यो कदमबाट फर्जी खाता बढ्ने चिन्ताको विषय छ ।

ट्विटर यस्तो पहिलो सोसल मिडियो प्लटफर्म हो, जसले यसरी ठूला परिवर्तनहरू ल्याउँदै छ ।

मार्केटिङ कम्पनी एमएमए ग्लोबलका अध्यक्ष लू पसकालीले ट्विटरमा लेखेका छन् कि एलन मस्कले नयाँ प्रमुख कार्यकारी राख्न जरुरी छ । साथै उनी स्वयंचाहिँ कम्पनीको कामबाट टाढै रहँदा राम्रो हुन्छ ।

प्रकाशित मिति: आइतबार, कात्तिक २७, २०७९ १२:३१