'हाम्राे पार्टीका उम्मेदवारबीच केमेस्ट्री मिलेको छ, चुनाव जित्नेमा ढुक्क छौँ' (अन्तर्वार्ता)

'हाम्राे पार्टीका उम्मेदवारबीच केमेस्ट्री मिलेको छ, चुनाव जित्नेमा ढुक्क छौँ' (अन्तर्वार्ता)

A+ A A-

मंसिर ४ मा हुने संघीय चुनावका लागि दाङ क्षेत्र नं ३ मा एमालेकी उम्मेदवार छिन् कोमल ओली । उनको प्रतिस्पर्धा कांग्रेसका दीपक गिरीसँग हुँदैछ । राप्रपाबाट राजनीतिमा सक्रिए भएकी उनी एमाले प्रवेशपछि २०७४ साल राष्ट्रियसभा सदस्य निर्वाचित भइन् । साे कार्यकाल पूरा गरेपछि उनी प्रतिनिधिसभा सदस्यमा उम्मेदवार बनेकी छन् । उनी चुनावी तयारीका लागि बिहान पाँच बजेदेखि नै फिल्डमा खटिन्छिन् ।

यो निर्वाचन क्षेत्रमा स्थानीय चुनावमा सत्ता गठबन्धनको मत २९ हजार एक सय २३ थियाे भने एमालेको मत १९ हजार आठ सय ८० । दाङ क्षेत्र नम्बर ३ मा तुलसीपुर उपमहानगरपालिकाको वडा नम्बर १, २, १० र ११ तथा बबई गाउँपालिका, दंगीशरण गाउँपालिका र शान्तिनगर गाउँपालिका पर्दछन् । २०७४ सलाको चुनावमा वाम गठबन्धनका उम्मेदवार हिरालला केसीले ४० हजार २८७ मत ल्याउर विजयी हुँदा कांग्रेसका दीपक गिरीले ३३ हजार ७३० मत ल्याएका थिए ।

चुनावी तयारीमा रहेकी ओलीसँग उनको निवास तुल्सीपुरमा शिलापत्रकर्मी दिपेन्द्र अधिकारीले गरेको कुराकानीको सम्पादित अंश :

बिहान ५ बजेदेखि दौडधुपमा हुनुहुन्छ, कसरत त तगडा गर्नुभएको रहेछ ?

तयारी गरे अनुसारकै माहाैल छ । राम्रोसँग जित्छु ।

राम्रोसँग भनेको कुन अर्थमा, राम्रो जित्ने आधार के छ ?

राम्रो यसर्थमा छ कि हाम्रो पार्टीको नीति विचार सिद्धान्त कार्यनीति राम्रो छ । उम्मेदवार म राम्रो छु । राष्ट्रियसभामा गएर यहाँको विकास निर्माणका कामहरू गरेको छु । हामीले सरकार चलाइरहँदा राम्रो काम गरेका छौँ । संस्थापक मुख्यमन्त्री शंकर पोखरेल हुँदा शिक्षा पूर्वाधारमा काम गरेका छौँ । गठबन्धनलाई जनताले मन पाएका छैनन् ।

म यो क्षेत्रमा जन्मे हुर्केको मान्छे । फरक क्षेत्रमा स्थापित भएँ । म यहाँको छोरी हुँ । र महिला हुँ । हाम्रो संगठन बलियो छ । जनमत छ । अहिलको मनोविज्ञान कोमल ओली छ । हाम्रो उम्मेदवारबीच केमेस्ट्री मिलेको छ । कानुन बनाउने कुरामा मेरो भूमिका छ । पाँच वर्ष एमालेले गर्छ भन्ने घोषणापत्र छ । तीन वर्षमा हामीले गरेको कामको आधार छ । एमाले उम्मेदवारको फोकस शिक्षा र स्वास्थ्य अनि पूर्वाधार र कृषिमा छ । दाङ कृषिमा सम्भाना भएको कुरा हो ।

उम्मेदवारको केमस्ट्री राम्रो छ भन्नुभयो कसरी मिलेको छ ?

संघमा म छु । प्रदेशमा हाम्रै पार्टीका हुकुमबादुर बस्नेत हुनुहुन्छ । बलियो उम्मेदवार प्रदेशमा भएपछि संघमा जित्ने आधार हुन्छ । टिम सेट राम्रो छ । १ प्रदेशमा मा घनश्याम पाण्डे तुल्सीपुर उपमहानगरपालिकाका पूर्व नगरप्रमुख हुनुहुन्छ । यसले पनि हामी चुनाव जित्छौँ ।

घोराही तुल्सीपुर सडक स्तरोन्नति एमालेका नेताहरूकै कारण रोकिएको भन्ने जनगुनासो रहेछ नि ?

प्राविधिक कारणले समस्या उत्पन्न भएको हो । यसलाई हामी सबै मिलेर मंसिर ४ पछि समाधान गर्छौँ ।

पार्टी विभाजन भयो । पाँच वर्षे म्यान्डेड जोगाउन सकेन । यसले अर्थ राख्दैन ?

अर्थ त राख्छ । यो अवस्था आउनु हुन्थेन । सबैभन्दा प्रिय मान्छे मरेर जाँदा पनि बाच्नेहरू बाँच्नुपर्छ । अधिकांस पुरानै पार्टीमा फर्किसक्नु भएको छ । हामीले छुटाएका होइनौं । उहाँहरूले नयाँ पार्टी निर्माण गर्नुभयो । पूर्व माननीय हिराचन्द्र केसी स्वास्थ्य राज्यमन्त्री पनि हुनुहुन्छ । उहाँहरू सबैजनाले हामीलाई सहयोग गर्नुहुन्छ ।

गैरराजनीति पृष्ठभूमिले असर गर्दैन ?

राजनीति यति वर्ष गरेको भन्ने कुराले अर्थ राख्दैन पनि राख्छ पनि । सेवाभाव हो जो कोही आएर सेवा गर्न सक्छ । राष्ट्रियसभामा कानुन निर्माण, जनताको आवाज पुर्‍याउने सवालमा होस् । यहाँ एअरपोर्टको समस्या प्रमुख रहेको छ । यसलाई सधैँ उजागर गर्ने गरेकी थिएँ । कतिपय सम्बोधन भए । पूर्णकालीन राजनीतिमा छु । मैले राजनीति बुझेदेखि राजनीतिमा छु । सञ्चारकर्म र गीत संगीतमा सेवा गरे पनि म सानैदेखि राजनीतिमा छु ।

पहिले राप्रपामा हुनुहुन्थ्यो । एमालेमा आउनुभयो । राष्ट्रियसभा सदस्य पनि हुनुभयाे। अहिले फेरि प्रतिनिधिसभाको उम्मेदवार पनि तपाईं नै । लाभको पद तपाईंलाई मात्रै भन्ने आरोप पनि छ नि ?

होला, आरोप हुन सक्छ । तर त्यो सत्य होइन । २०७४ सालमै उम्मेदवार बन्ने रहर थियो । २०७३ साल फागुनमा राप्रपाको केन्द्रीय सदस्यमा निर्वाचित भएँ । चैतदेखि काम सुरु गरेँ । ७ महिना राप्रपामा रहेँ । असोज ७ गतेदेखि एमाले प्रवेश गरेँ । ७ महिना काम गर्दा त्यो स्पेसले पुगेन मलाई । स्पेस पनि खोजेँ ।

जनताको सेवा गर्न ठाउँ चाहियो भनेर एमालेसँग कुरा गरेरै आएकी हुँ । त्योबेला नै टिकटकाे सर्त थियो । राप्रपबाट पनि चुनाव लड्ने दाबी गरिरहेकी थिएँ । वातावरण मिलेन । यस्ता घटना भैरहन्छन् । राजनीतिज्ञहरू पनि अर्को पार्टीबाट चुनाव लड्दै हुनुहुन्छ भनेपछि मेरो तुलना हुँदैन । होलटाइम पोलिटिक्समा मात्रै हुँदै थियो । राष्ट्रियसभा उत्कृष्ट प्लेतफर्म थियो । त्यो अवसलाई पूर्णरुपमा सफल पनि बनाएँ । हाम्रो सरकार थियो । सुझाव सल्लाह दिने, नीति कार्यक्रममा सुझाव दिएँ । अहिले पनि प्रतिनिधिसभाको टिकट दिनुस् भनेर कोही पनि आएका छैनन् । हामी हामी नै थियौं जो अहिले छौँ । युवराज ज्ञवालीको सम्मान गरेर नाम पठाएक थियौं । आउनुभएको भए मैले उहाँलाई छोड्ने थिएँ । म अनि घनश्याम पाण्डे थियौं । यस्तो अवस्थामा फलानालाई अवसर दियो भन्ने प्रश्न नै आउँदैन ।

तपाईंको घरदैलो कार्यक्रममा युवाकाे कमी देखिन्छ । महिला बढी देखिए । प्रमुख दलका अन्य उम्मेदवारहरूको घरदैलोमा पनि युवा छैनन् । उनीहरू स्वतन्त्रमा आकर्षित भएका रहेछन् । पुराना दलले के गरे भनेर घण्टी रोज्ने युवा र मजदुर पुस्ता धेरै रहेछन् । यो विषयलाई कसरी हेर्नुभएकाे छ । यसले असर गर्दैन ?

गर्दैन, यहाँ गर्ला जस्तो लाग्दैन । स्वतन्त्र भए गर्नुहुन्थ्यो होला । स्वतन्त्रको ह्वीम आइरहेको छ । त्यो पनि एउटा पार्टी हो । विगतमा पनि केही पार्टी खोल्नुभएको थियो । खुब थियो । अहिले रवीन्द्र मिश्र राप्रपामा हुनुहुन्छ । अरु स्वतन्त्रबाट लड्दैछन् । जनताले आफ्नो सािमप्यमा रहेको नेता खोज्छन् नि । केही प्रभावित त होला त्यस्तो असर गरिहाल्छ जस्तो लाग्दैन ।

तपाईंको प्रतिस्पर्धी (कांग्रेसका दीपक गिरी) ५० को दशकबाट राजनीतिक पावरमा भएका व्यक्ति हुनुहुन्छ । अनुभवले पनि उहाँलाई खेलाडी बनाएको छ । चुनौती कत्तिको छ ?

कांग्रेस पहिलेदेखि बलियो छ । यो क्षेत्रमा जग बलियो भएको पार्टी हो । त्यसो भन्दैमा मान्छे त्यही पार्टी व्यक्ति भनेर बसिरहँदैन । उहाँ (दीपक गिरी) ले यहाँका जनतासँग विकास निर्माण गरिरहनुभएको अवस्था पनि देखिएको छैन । केन्द्रमुखी हुनुहुन्छ भनेर जनगुनासो छ । दंगालीले लामो समय एकैलाई भोट हालेर बस्दैनन् । जनताले नयाँ मान्छे खोजेका छन् । त्यो नयाँ मान्छे मै हुँ । जनताद विकल्प खोजेका छन् त्यो भनेको म आफैँ हुँ ।

तपाईंका लागि चुनौती के हो त ?

मेरो चुनौती भनेको समय हो । पर्याप्त समय छैन । सबैले घर घरमा मलाई खोज्नुभएको छ । मतदाताले खोइ त मेरा घरमा कोमल ओली भनेर खोजिरहेका छन् । स्थानीय चुनावमा उम्मेदवारहरू घर घर जाने वातावरण थियो । अहिले त्यो हुन सम्भव अलि नहुँदो रहेछ ।

सेलिब्रेटी फेस छ । सामाजिक सञ्जालमा रुचाइएको छ । सञ्चार र संगीतकर्मले नेम र फेम दियो । त्यसको ब्याज राजनीतिमा पाइँदो रहेछ ?

अवश्य पनि दिलाइरहेको छ । जहाँ जहाँ म जान्छु त्यहा एकदम उत्साही हुनुहुन्छ । म आफैँ उत्हाहित मान्छे हुँ । निराशा भन्ने मेरो शब्दकोषमा छैन । चुनाव हो परिणाम जनताले दिने । जतना मलाई भेट्न हेर्न लालायित हुनुहुन्छ । मतदाताका अपेक्षा पूरा गर्न भोलिका लागि चुनौती हुनसक्छ ।

भनेको विगत र राप्रपा फ्याक्टरले असर गर्दैन । पार्टीमा पनि विवाद छैन ?

एमालेको संगठनमा विवाद छैन । महासचिव रहेको जिल्ला हो । पार्टीभित्र विवाद गर्नु भनेको नसुहाउँदो कुरा हो । मेरो कारणले पार्टीमा असन्तुष्ट हुनुहुन्छ भन्ने रत्तिभर विश्वास छैन ।

दाङमा पुरुषविरुद्ध महिला चुनावी मैदानमा छन् । गाह्रो कतिको छ ?

दिदिबहिनीहरूले मेरो बारेमा चिन्ता गर्नुहुन्छ । उहाँहरूले भनेको सुन्दा भोगाइ व्यक्त गरिरहँदा खुसी लाग्छ । हाम्रो टोलमा हामी छौँ हजुर नआउँदा पनि फरक पर्दैन भन्नुहुन्छ । आमा बुबा र दिदीबहिनीले सहानुभुति राख्नुहुन्छ । व्यक्तिगत रुपमा मलाई केही समस्या छैन । कार्यक्रम र घरदैलो बराबर गरिरहेको छु । चुनावी खटाइमा थकान महसुस भएको छैन । माहाैल राम्रो बनेको देख्दा जित्नुपर्ने मैले नै हो । महिला भएर भ्रष्टाचार कम गर्छन् भनेर विश्वास दिइरहेका छन् ।

स्थानीय तहमा एमालेकाे मत गठबन्धनको भन्दा ६ हजार मत कम रहेछ ?

स्थानीय चुनावमा पार्टीभित्र आकांक्षी धेरै भएपछि मौन बस्ने साथीहरू हुनुभयो । झिनो मतान्तरले चुनाव हार्‍यौं । अहिले समाधान भैसक्यो । ३ हजार नेता कार्यकर्ता पार्टी प्रवेश गराएका छौँ ।

एमाले कार्यकर्ता पनि कांग्रेसमा गएका छन् नि ?

एमालेका कार्यकर्ता नगन्य गएका हुन् । राजनीतिमा निष्क्रिय भएका साथीहरू जानुभएकाे छ । मेरो आकांक्षा भनेको ३ नं क्षेत्र हो । यसमा सबैको सहयोग पाउँछु ।

प्रकाशित मिति: शनिबार, कात्तिक २६, २०७९ १८:०१

दिपेन्द्र अधिकारी

प्रतिक्रिया दिनुहोस्

भर्खरै

युक्रेन युद्धका बीच रुसी राष्ट्रपति पुटिन चीनको राजकीय भ्रमण गर्दै

पोखराको प्राइम सहकारीबाट एक अर्ब ५४ करोड ठगी, वर्तमान र पूर्वअध्यक्षसहित ८ जना पक्राउ

नीति तथा कार्यक्रमका हाइलाइट्स : सहकारी सुपरीवेक्षणका लागि छुट्टै संरचना, प्रतिफल नदिने आयाेजना खारेज

आज दिनभर : शिक्षकलाई अब मासिक रूपमै तलब दिइने, मेलम्चीको पानी बाह्रै महिना (भिडियो)

संसदीय छानबिन समिति बनाउने प्रधानमन्त्रीको प्रतिवद्धता छः रमेश लेखक

लोकप्रिय

एउटै रेडियोमा काम गर्थे रवि र गगन, २५ वर्षपछि सम्बन्धमा कसरी बढ्यो खटपट ?

एमाले र माओवादीसँग कसरी बिग्रियो उपेन्द्रको सम्बन्ध ?

कलंकीबाट हराएकी स्नेहा सात दिनपछि पशुपतिमा भेटिइन्

छानबिन समिति बने गृहमन्त्रीबाट राजीनामा दिने तयारीमा रवि लामिछाने

सन्दीप लामिछानेको मुद्दामा कसरी जोडिए पारस ? यस्ता छन् परिघटना

विचार

नगरवधू आम्रपाली कसरी भिक्षु भइन् ?

खुसीको कुरा, नेपालीको आयु बढ्यो तर हेरचाह गर्ने कसले ?

इलाम- २ को उपनिर्वाचनपछि रास्वपा नेतृत्वले बुझाेस्- सधैँसधैँ आँधीहुरी आउँदैन

ब्लग

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

म गे हुँ भनेर थाहा पाउँदा आमालाई सुर्ता भयो, 'अब यसलाई समाजले कति दुःख देला नि'

'बोक्सीको घर' हेरेपछि निदाउनै सकिनँ

शिक्षा

शिक्षकलाई अब महिनैपिच्छे तलब, अरू शिक्षा नीतिमा नारैनाराको पुलिन्दा

शिक्षक तथा कर्मचारी राजनीतिक दलको सदस्य हुन नपाउने

भृकुटीमण्डपमा विद्यार्थी महोत्सव (तस्वीरहरू)