बेनीमा जिप दुर्घटना : एकको मृत्यु, १३ घाइते

A+ A A-

म्याग्दीको बेनी नगरपालिका–३ भकिम्लीमा जिप दुर्घटना हुँदा एक जनाको मृत्यु भएको छ । बुधबार साँझ भएको जिप दुर्घटनामा परी १३ जना घाइते भएका छन् ।

सदरमुकाम बेनीबजारबाट भकिम्लीतर्फ जाँदै गरेको ग १ ज ७०५६ नम्बरको जीप दुर्घटना हुँदा भकिम्लीका ५५ वर्षीय रत्नबहादुर खत्रीको मृत्यु भएको जिल्ला प्रहरी कार्यालय म्याग्दीका जिल्ला प्रहरी कार्यालय म्याग्दीका प्रहरी निरीक्षक रामप्रसाद पाण्डेले जानकारी दिए ।

उनका अनुसार घाइतेमध्ये १२ जनालाई थप उपचारका लागि पोखरा लगिएको छ । सामान्य घाइते भएका बेनी नगरपालीका ३ की ३८ वर्षीय भूमिगत खातीको बेनी अस्पतालमा उपचार भइरहेको छ ।

दुर्घटनामा घाइते भएका चालक बेनी नगरपालिका– ३ का यामबहादुर श्रीस मगर, बेनपा–३ वर्ष २५ का विशाल शाक्य, उनकी श्रीमती वर्ष २२ की शान्ता शाक्य र छोरी वर्ष ३ की साइदा शाक्य, बेनपा ३ वर्ष २० का इन्द्रबहादुर विक ,बेनपा ३ वर्ष ४० की ज्ञानकुमारी श्रीस मगर, मंगला गाउँपालिका-८ का विक्रम सुनार, मंगला ३ बुद्धिसरा सुनार, बागलुङ नगरपालिका-३ वर्ष २१ की मञ्जु खत्री, बेनपा ३ वर्ष ७१ डम्मरबहादुर छन्त्याल, बेनपा ३ वर्ष ४५ का आइतराम विक, बेनपा ३ वर्ष ४५ की रुपा घर्ती मगरलाई पोखरा मनिपाल अस्पताल रिफर गरिएको प्रहरी निरीक्षक पाण्डेले जानकारी दिए ।

बुधबार सदरमुकाम बेनी देखी भकिम्लिीतर्फ जाँदै गरेको ग १ ज ७०५६ नम्बरकाे जिप हल्लेगौडास्थित बारल्ना घुम्तीमा ब्रेकफेल भएर दुर्घटना भएको हो ।