२०६४ को चुनावमा मारिएका थिए जनमोर्चाका उम्मेदवार, मुद्दा फिर्ता गरेर प्रचण्ड सरकारले छुटायाे अभियुक्त

२०६४ को चुनावमा मारिएका थिए जनमोर्चाका उम्मेदवार, मुद्दा फिर्ता गरेर प्रचण्ड सरकारले छुटायाे अभियुक्त

A+ A A-

२०६४ को पहिलो संविधानसभा चुनाव नजिकिँदै थियो । बाँके क्षेत्र नम्बर– २ को चुनावी माहाेल त्यसैगरी तातेको थियो । राष्ट्रिय जनमोर्चा पार्टीको तर्फबाट उम्मेदवार थिए– कमलप्रसाद अधिकारी ।

नेपालगञ्ज बजारभन्दा ८ किलोमिटर दक्षिणपूर्व पर्ने डुढुवा गाउँपालिकाका अधिकारी आफू पहाडी भए पनि मुस्लिम र मधेसी समुदायबीच लाेकप्रिय थिए । २८ चैतमा चुनाव हुँदै थियो । अधिकारी आफ्नो पक्षमा माहाेल बनाउन चुनावी घरदैलो कार्यक्रममा व्यस्त थिए ।

६ चैतको साँझ पनि उनी दिनभर चुनावी प्रचारप्रसार गरेर घर फर्किए । विडम्बना, त्याे नै उनको अन्तिम चुनावी प्रचार हुन पुग्यो । अज्ञात समूहले घरबाटै निकालेर अधिकारीमाथि राति १० बजे गोली हान्याे । उनको टाउको र शरीरका विभिन्न भागमा गाेली लागेकाे थियाे ।

अधिकारीका आफन्तले उनलाई तुरून्तै नेपालगञ्जस्थित भेरी अस्पताल त पुर्‍याए तर, उनलाई बचाउन सकेनन् । अस्पताल पुग्दासम्म नेता अधिकारी होसमै थिए । घटनालगत्तै प्रहरी अधिकारी र तत्कालीन प्रमुख जिल्ला अधिकारी नरेन्द्रराज शर्मा घाइते अधिकारीलाई भेट्न अस्पतालमै पुगे । अधिकारीले सीडीओसहित प्रहरीका अधिकारीलाई आफूमाथि गोली हान्ने समूहका केही व्यक्तिको नामै खुलाएको दाबी राष्ट्रिय जनमोर्चा निकट अखिल नेपाल युवक संघका केन्द्रीय अध्यक्ष कृष्णराज पाण्डेको छ ।

अधिकारीले सीडीओसँग कुरा गरेको केही समयपछि अन्तिम सास फेरे । पाण्डे भन्छन्, ‘कमल अधिकारीको लोकप्रियता निकै बलियो थियो । चुनावमा उनले जित्ने सम्भावना बढिरहेकाे देखेपछि अज्ञात समूहले संघीयताको विरोध गर्ने ? राजनीति गर्न खोज्ने भन्दै राति गोली हान्याे । आफूमाथि गोली हान्ने समूहबारे अधिकारी आफैँले सीडीओसहितको टोलीलाई बताएका थिए तर कुनै कारबाही भएन ।'

अधिकारीमाथि गोली प्रहार भएकाे भोलिपल्टै त्यतिबेला तराईमा भूमिगत रहेकाे ज्वाला सिंह समूहले आफ्नो पार्टीले गोली हानेको भन्दै विज्ञप्ति निकालेकाे थियाे । ज्वाला समूहले विज्ञप्ति निकाले पनि घटनामा माओवादीका स्थानीय कार्यकर्ता संलग्न भएकाे दाबी पाण्डेको छ ।

अधिकारीकाे मृत्युपछि जनमोर्चाले उनकी श्रीमती सीता अधिकारीलाई बाँके २ मा उम्मेदवार बनायो । साे क्षेत्रबाट संविधानसभामा तत्कालीन मधेसी जनअधिकार फोरमका नेता माेहम्मद इस्तियाक राईले जितेका थिए । २०७० मा भएको दोस्रो संविधानसभा चुनावमा भने एमालेका दिनेशचन्द्र यादव विजयी भए ।

२०७४ को चुनावमा भने फेरि इस्तियाक राई विजयी भए । हाल जनमाेर्चासहित पाँचदलीय गठबन्धनको तर्फबाट नेपाली कांग्रेसका नेता सुदीपनरसिंह राणा, एमाले र राष्ट्रिय प्रजातन्त्र पार्टीको तालमेलमा राप्रपाका धवलशमशेर राणा र जनता समाजवादी पार्टीका तर्फबाट नेता इस्तियाक राई उम्मेदवार बनेका छन् ।

मुद्दा फिर्ता गरेर हत्या आराेपितलाई उन्मुक्ति

प्रहरीले कमल अधिकारी हत्या अभियोगमा माओवादीका पूर्वलडाकु र ज्वाला सिंह समूहका ६ जना कार्यकर्ता पक्राउ गरेको थियो । उनीहरूलाई जिल्ला अदालत बाँकेले पुर्पक्षका लागि जेल चलानसमेत गरेको थियो । मृतक अधिकारीले अन्तिम सास फेर्नुअघि सीडीओलाई दिएको बयानका आधारमा प्रहरीले उनीहरूलाई पक्राउ गरेको थियो ।

तर, २०६४ को चुनावपछि माओवादी पार्टी संविधानसभामा सबैभन्दा ठूलो पार्टी बन्यो । अध्यक्ष पुष्पकमल दाहाल ‘प्रचण्ड’ नेतृत्वको सरकारले अधिकारी हत्या अभियोगमा पक्राउ परेकाहरूसहित संलग्नमाथिको मुद्दा राजनीतिक घटना भएको भन्दै राजबन्दी मुद्दाको नाममा फिर्ता लिएपछि उनीहरू जेलमुक्त भएका थिए ।

जनमोर्चाले भने विशुद्ध आपराधिक घटनालाई राजनीतिकरण गर्दै हत्यारालाई जोगाएको आरोप लगाउँदै आएको छ ।

प्रकाशित मिति: शुक्रबार, कात्तिक १८, २०७९ २१:१४

कृष्णसिंह लाेथ्याल

प्रतिक्रिया दिनुहोस्

भर्खरै

के नियमित चाउचाउ खानु साँच्चै घातक छ ? (पोडकास्ट)

मानवअधिकार आयोगले भन्यो- प्रेस तथा अभिव्यक्ति स्वतन्त्रताको सम्मान गर

गाजाक्षेत्रमा विनाशको स्तर अकल्पनीय, पुनर्निर्माण गर्न ८० वर्ष लाग्ने

प्रेस स्वतन्त्रतामाथि कुनै किसिमको नियन्त्रण वा संकुचन हुन दिँदैनौँः प्रधानमन्त्री प्रचण्ड

जिल्ला शाखा र निकायहरूलाई एकीकृत लेखा प्रणाली अपनाउन रेडक्रसको निर्देशन

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

इलाम २ अपडेटः यस्तो छ प्रारम्भिक मतपरिणाम

विचार

स्कुल छाड्‌ने मुख्य कारण- जीवन एकातिर, शिक्षा अर्कोतिर

आफ्नै सामर्थ्य नबुझेर अलमलिएका स्थानीय सरकार

पसिना बगाउनेहरूलाई हेलाहोचो गरेर कसरी आऊला समृद्धि ?

ब्लग

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

छोटो तर मनमोहक पदयात्रा 'लाङटाङ'

शिक्षा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि

आफ्नै छोराछोरी पढाउन राजा वीरेन्द्रले भित्र्याएका थिए ए–लेभल, कस्ता विद्यार्थीले पढ्ने ?