एमालेका घिमिरे र लोकतान्त्रिक गठबन्धनका रानाको भिडन्त रोचक बन्दै, दुवै जना पहिलोपटक संसद छिर्ने दाउमा (अन्तर्वार्ता)

एमालेका घिमिरे र लोकतान्त्रिक गठबन्धनका रानाको भिडन्त रोचक बन्दै, दुवै जना पहिलोपटक संसद छिर्ने दाउमा (अन्तर्वार्ता)

A+ A A-

झापा–२ मा एमालेका स्थायी कमिटी सदस्य देवराज घिमिरे र एमाले छाडेका हरि राना चुनावी मैदानमा छन् । उनीहरू दुवै जना घर–दैलो कार्यक्रममा जनताको मत जित्न व्यस्त छन् ।

अर्जुनधाराको नगरप्रमुख भएर काम गरिसकेका राना सत्ता गठन्धनकाे समर्थनमा माओवादी केन्द्रका उम्मेदवार हुन् । उनी एमालेमा क्षेत्र नम्बर २ को ‘खम्बा’ मानिन्थे । एमाले छाडेपछि रानालाई एमालेको असन्तुष्ट मत आउने आकलन हुँदै आएको छ । एमालेका उम्मेदवार घिमिरेसमेत संगठन विस्तारमा एमालेभित्र ‘किङमेकरै’ हुन् । एमाले अध्यक्ष केपी ओलीनिटक भएर काम गर्दै आएका उनी पहिलोपटक संसदीय चुनावमा उम्मेदवार बनेका हुन् ।

२०७४ को प्रतिनिधिसभा निर्वाचनमा भने यो क्षेत्र वाम गठबन्धनले जितेको थियो । २०७४ मा वाम गठबन्धनका तर्फबाट एमालेकी पवित्रा निरौला खरेलले जितेकी थिइन् । यसपटक उनलाई एमालेले उम्मेदवार बनाएन । त्यतिबेला खरेलले ४५ हजार ७ सय १७ मत ल्याउँदा कांग्रेसका उद्धव थापाले ३२ हजार ५० मत ल्याएका थिए ।

गत स्थानीय निर्वाचनमा एमालेका वडाध्यक्षका उम्मेदवारले ३६ हजार एक सय ५८ ल्याएका थिए । भने, कांग्रेस, माओवादी र एकीकृत समाजवादीका वडाध्यक्षका उम्मेदवारले ३५ हजार सात सय ८३ मत पाएका थिए । झापा–२ मा राप्रपाका वडाध्यक्ष उम्मेदवारले ८ हजार ३८ मत प्राप्त गरेका थिए । क्षेत्र नम्बर २ मा पनि एमालेले राप्रपासँग तालमेल गरेको छ ।

अर्जुनधारा नगरपालिका, बुद्धशान्ति गाउँपालिकाको वडा नम्बर १, २ र ३, बिर्तामोडको १ देखि ९ नम्बरसम्मका वडा र कन्काई नगरपालिकाको ७ र ८ नम्बर गरी जम्मा २५ वटा वडा रहेको यो निर्वाचन क्षेत्रमा २०४८ सालयता एमालेले नै जित्दै आएको छ ।

गत वैशाखको स्थानीय तह निर्वाचनमा प्राप्त वडागत मतपरिणाम हेर्दा झापा –२ मा एमालेका उम्मेदवार घिमिरे र वाम-लोकतान्त्रिक गठबन्धनका उम्मेदवार रानाबीच कडा प्रतिस्पर्धा हुने देखिन्छ । उनीहरूसँग शिलापत्रले निर्वाचनसम्बन्धी गरेको सम्वाद :

झापा–२ का जनताले तपाईंलाई भोट दिएर किन संसद बनाउने ?

घिमिरे: झापा–२ मात्र होइन । झापाको विकासका लागि मेराे उम्मेदवारी आवश्यक रहेको छ । यहाँ जनताले मेरो उम्मेदवारी किन भन्ने प्रष्ट बुझेका छन् ।

यस क्षेत्रका मतदातामा उत्साह र ऊर्जा आएको छ । मलाई स्वतन्त्र नागरिकको पनि समर्थन छ । यी यावत कारणले मेरो जितको आधार दर्बिलो बनेको छ । मैले अहिलेसम्म अन्य साथीलाई सहयोग गर्दै आएँ । जसका कारण योपटक भने सबै साथीले मलाई सहयोग गर्नुहुन्छ ।

राना: झापाको कम्युनिष्ट आन्दोलन र सामाजिक अभियानमा म परिचित व्यक्ति हुँ। सानैदेखि राजनीतिप्रति लगाव थियाे । २०३७ सालबाट विद्यार्थी राजनीतिमा होमिएकाे थिएँ । त्यसका कारण पनि म झापाका लागि केही गर्नसक्छु भन्ने संकल्प गरेर जनतासँग भोट माग्दै छु ।

म परिवर्तन पक्षधर वाम-लोकतान्त्रिक गठबन्धनको साझा उम्मेदवार बनेको छु । जित्ने बलियो आधार गबबन्धन नै हो ।

तपाईंको निर्वाचन क्षेत्रमा विकास निर्माणका एजेन्डा कस्ता छन् । आगामी दिनमा कसरी काम गर्नुहुन्छ ?

घिमिरे : झापाका पाँचवटा निर्वाचन क्षेत्रमध्ये सबैभन्दा महत्वपूर्ण २ नम्बर क्षेत्र पर्यटनको सम्भावना भएको क्षेत्र हो । यस क्षेत्रमा पूर्वकै महत्वपूर्ण व्यापारिक शहर विर्तामोड, झापाको पुरानो बजार र धार्मिकस्थलका रुपमा परिचित अर्जुनधारा र कनकाई नगरपालिकाको केही भूगोल पर्छन् ।

यसलाई समाधान गर्ने र बिर्तामोडलगायतका मुख्य शहरमा आकाशे पुल निर्माण गर्ने, यस क्षेत्रको नदी कटानलाई नियन्त्रण गर्ने, यस क्षेत्रमा रहेका सुकुम्बासीहरूको समस्या समाधान गर्ने लगायतका थुप्रै योजनाहरू पूरा गर्नु पर्नेछ । त्यसका निमित्त म सदैव लागिपर्ने र यी समस्या समाधान गर्ने योजना समेत जनतालाई प्रस्तुत गरेको छु ।

नेपालको उर्वरभूमि बलौटेकरण भइरहेको छ । यसलाई समुचित ढंगले व्यवस्थापन गर्न सकिएन भने ५० वर्षपछि खेतीबारी होइन, सबै घरबारी हुनेछन् । जमिनमुनिको पानी सकिनेछ । यसो भएको कारण अब नीति निर्माणको तहमा पुग्नेहरूले यस्ता कुरामा विशेष ध्यान दिनुपर्छ ।

नेपालको सबै पानी पिउन लायक छ । पानीको व्यवस्थापन गर्न स्वदेशी स्रोत (रेमिट्यान्स) को ५० प्रतिशत राष्ट्रिय गौरवको योजनामा लगानी गर्नुपर्छ र दीर्घकालीन योजना बनाएर त्यहाँ शेयर खुल्ला गर्नुपर्छ र लगानी गर्नेहरू विदेशबाट फर्किएर आएपछि त्यहीँ रोजगारी दिनुपर्छ ।

राना : मेरो निर्वाचन क्षेत्रका समस्यालाई मैले लामो समय जनप्रतिनिधि हुँदा नजिकबाट नियालेको छु । आज पनि फोहोरको सही व्यवस्थापन गर्न नसक्दा बिर्तामोड कुरुप बन्दै गएको छ । बिर्तामोड मात्र होइन । यो निर्वाचन क्षेत्रका अन्य शहरको समस्या पनि उस्तै छ ।

बढ्दो शहरीकरणसँगै पार्किङ समस्या पेचिलो बन्दै गएको छ । निर्वाचन जितेपछिको मेरो पहिलो काम यस निर्वाचन क्षेत्रको फोहोरको समस्यालाई दीर्घकालीन रुपमा समाधान गर्ने योजना छ । ठूला–ठूला कुरा गरेर नागरिकलाई झुटा आश्वासन मात्र बाँड्ने होइन । भएका प्राकृतिक स्रोतको उच्चतम् प्रयोग गर्दै आमनागरिकको जीवन परिवर्तन गर्ने मेरो संकल्प र एजेण्डा हो ।

प्रचुर सम्भावना भएको चुरे बर्सेनि भत्किएर बंगालको खाडीमा पुग्छ । चुरेलाई खानीमा परिणत गरेर ढुंगा, गिटी विदेश निर्यात गर्ने हो भने वैदेशिक अनुदानको मुख ताक्नु पर्दैन । हाम्रो जंगल विनाश हुँदै गएको छ । पर्यावरण जोगाउन सकिएन भने भावी पुस्ताले अक्सिजन नपाउन सक्छन्। जंगलको संरक्षणमा सबैले जुट्नुपर्छ ।

तपाईंहरूले आफ्नो चुनावी प्रतिस्पर्धालाई कसरी हेर्नु भएको छ ?

घिमिरे: मैले चुनावी प्रतिस्पर्धालाई गहन रुपमा रुपमा लिएको छु । मभन्दा बाहिर योपटक विकल्प नभएकाे पनि घरदैलो कार्यक्रममा जाँदा जनताले सन्देश दिएका छन् । त्यही भएर म वाम लोकतान्त्रिक गठबन्धनको भन्दा बलियो उम्मेदवार हुँ। मेरो विपक्षी प्रतिस्पर्धीलाई सामान्य रुपमा हेरेको छु ।

राना : मंसिरको निर्वाचनमा मेरो जित सुनिश्चित छ । हरि रानाले अहिलेसम्म चुनाव हारेको रेकर्ड छैन । यो जनताको मायाँ हो ।

चुनावी प्रतिपस्पर्धा स्वच्छ र स्वस्थ हुन्छ । परिणाम वाम-लोकतान्त्रिक गठबन्धनको पक्षमा आउनेमा म ढुक्क छु । लामो समय म आबद्ध पार्टीले गरेको गलत निर्णयविरुद्ध झापाबाट विद्रोह गर्ने मैले जुन निर्णय गरेँ । यो यहाँ जनताले बुझेका छन् । त्यसले गर्दा पनि आम मतदाताको रोजाइमा परेको छु ।

हिजो एउटा दलबाट चुनाव लड्दा पटक–पटक मतदाताको रोजाइमा परेको हरि राना अहिले तीनवटा प्रमुख दलको समर्थनमा साझा उम्मेदवारको रुपमा मैदानमा उत्रिएको छ । यो त झन सहज भयो ।

तपाईंहरूको निर्वाचन क्षेत्रको मुख्य समस्या के हो ?

घिमिरे : झापा–२ एक चरण एमालेकै पालामा विकास भएको छ । ती विकासलाई व्यवस्थित गर्न मात्र बाँकी हो । अहिले देखिएको कृषि, रोजगार, शिक्षा, यतायात, व्यापार र अन्य समस्या छन् । यी सबै समस्या ५ वर्षभित्र विकाससँग जोडेर समाधान गर्दै लैजाने हो ।

झापा–२ पूर्वको व्यापारिक केन्द्र पनि हो । यो क्षेत्र हुँदै पाँचथर, ताप्लेजुङ, इमाल र अन्य पहाडी जिल्लामा उत्पादन भएको कृषि सामाग्री बिक्री हुने गरेको छ । जसका कारण पनि यसलाई पूर्वको व्यापारिक केन्द्र बनाउनुपर्छ ।

राना : झापा भनेको कृषिको सम्भावना बोकेको जिल्ला हो । झापा–२ बाट प्रदेश–१ का चार जिल्लामा उत्पादन भएको सामाग्री संकलन भई अन्यतिर सप्लाई हुने गरेको छ । तर, यो निर्वाचन क्षेत्रमा कृषिमै ठूलो समस्या छ । फेरि कृषि संकलन केन्द्र पनि छैन ।

विगतमा राजनीतिक दलले यस्तो गर्छु–उस्तो गर्छु भनेर जनतालाई ढाँटे मात्र । अब यी सबै समस्या केन्द्रित भएर काम गर्ने छु ।

प्रकाशित मिति: बिहीबार, कात्तिक १७, २०७९ १९:४६

रमेश भारती

प्रतिक्रिया दिनुहोस्

भर्खरै

अध्यागमन प्रशासनलाई व्यवस्थित र जिम्मेवार बनाउन विभागलाई अधिकार प्रत्यायोजन

संसदीय छानबिन समिति बनाउन प्रधानमन्त्री प्रचण्ड सकारात्मक

बालुवाटारमा प्रधानमन्त्री प्रचण्ड र कांग्रेसका शीर्ष नेताहरूबीच छलफल

संसदको अवरोध हटाउन प्रधानमन्त्री प्रचण्ड र ओलीसँग छलफल गर्दै सभामुख

चार जना एसएसपी डीआईजीमा बढुवा सिफारिस, सिनियर एसएसपीहरू छुटे

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

एउटै रेडियोमा काम गर्थे रवि र गगन, २५ वर्षपछि सम्बन्धमा कसरी बढ्यो खटपट ?

'ओलीकाे दल फुटाउने षड्यन्त्रमा प्रचण्डकाे पनि संलग्नता देखियाे, विश्वासकाे मत लिने कुरामा सफा नियत छैन'

एमाले र माओवादीसँग कसरी बिग्रियो उपेन्द्रको सम्बन्ध ?

बर्खास्तीमा परेको साढे सात वर्षपछि सार्वजनिक कार्यक्रममा देखिए पूर्वअख्तियार प्रमुख कार्की

विचार

विद्यार्थी आन्दोलनमाथि उठिरहेको प्रश्न

दिगो विकासको आधारः शिक्षा व्यवस्था र विश्वदृष्टिकोण

नगरवधू आम्रपाली कसरी भिक्षु भइन् ?

ब्लग

...अनि, क्याफेमा पर्खिरहेँ

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

शिक्षा

दिगो विकासको आधारः शिक्षा व्यवस्था र विश्वदृष्टिकोण

अराजकताकाे केन्द्र बनिरहेका विद्यार्थी संगठन : आवरणमा शैक्षिक मुद्दा, व्यवहारमा चन्दा र आफन्तलाई जागिर जाेहाे

रोटरी अफ क्लब कान्तिपुर स्थापनाको अवसरमा दुई शिक्षक सम्मानित