अघिल्लोपटक निर्वाचित यी ४५ नेता छैनन् उम्मेदवार, वञ्चित हुने सबैभन्दा धेरै एमालेका

अघिल्लोपटक निर्वाचित यी ४५ नेता छैनन् उम्मेदवार, वञ्चित हुने सबैभन्दा धेरै एमालेका

A+ A A-

अघिल्लो निर्वाचनबाट प्रत्यक्ष निर्वाचित १६५ सांसदमध्ये ७२ प्रतिशत यसपालि पुन: चुनावी मैदानमा उत्रिएका छन् । तर, अघिल्लो पटक चुनाव जितेका २८ प्रतिशत अर्थात् ४५ जना सांसद भने यो पटक उम्मेदवार बन्न पाएनन् ।

२०७४ मा एमालेबाट चुनाव जितेका १८ जना र माओवादी केन्द्रका १५ जनाले यो पटक टिकट पाएननन् । कांग्रेसबाट जितेकामध्ये तीन जना, संघीय समाजवादी र जनता पार्टीबाट जितेका पाँच जना र नयाँ शक्तिबाट र स्वतन्त्रबाट चुनाव जितेका १-१ जना अहिले प्रत्यक्ष चुनावी मैदानमा छैनन् ।

कांग्रेसले २३ सिट जित्दा विजयी मीनेन्द्र छैनन् चुनावी मैदानमा

अघिल्लो निर्वाचनमा प्रत्यक्षतर्फ कांग्रेसले २३ सिटमात्रै जितेको थियो । २३ सिट जित्दा पहिलो पटक प्रत्यक्ष चुनाव लडेका डा‌. मीनेन्द्र रिजाल निर्वाचित भएका थिए । २०७० सालको निर्वाचनमा समानुपातिक प्रणालीबाट सांसद बनेका उनी २०७४ मा प्रत्यक्ष चुनाव लडेका थिए । मोरङ २ बाट ३५ हजार ८१९ मतका साथ रिजाल विजयी हुँदा उनका प्रतिद्वन्द्वी एमालेका ऋषिकेश पोखरेलले ३१ हजार १४ मत पाएका थिए । अहिले मोरङ २ मा कांग्रेसका तर्फबाट सुजाता कोइराला उम्मेदवार रहेकी छन् भने एमालेले ऋषिकेश पोखरेललाई नै उम्मेदवार बनाएको छ ।

प्रदीप गिरीको निर्वाचन क्षेत्रमा पद्‌मनारायण

सिराहा २ बाट अघिल्लो निर्वाचनमा कांग्रेस नेता प्रदीप गिरी निर्वाचित भएका थिए । गिरी २३ हजार ९ सय १५ मतका साथ विजयी हुँदा प्रतिद्वन्द्वी एमाले उम्मेदवार गंगाप्रसाद यादवले २१ हजार ३७१ मत पाएका थिए । नेता गिरीको निधनपछि कांग्रेसले उनको क्षेत्रमा पद्मनारायण चौधरीलाई उम्मेदवार बनाएको छ भने एमालेले रामशंकर यादवलाई उठाएको छ ।

कांग्रेसले टिकट नदिएपछि स्वतन्त्र उठेका अमरेश

सिराहा ४ बाट अघिल्लो निर्वाचनमा कांग्रेसका डा. अमरेश सिंह निर्वाचित भएका थिए । २९ हजार ६७५ मतका साथ सिंह निर्वाचित भएका थिए । तर, यो पटक भने उनै अमरेशलाई कांग्रेसले टिकट दिएन । कांग्रेसले नागेन्द्र कुमार यादवलाई उम्मेदवार बनाएपछि अमेरशले स्वतन्त्र उम्मेदवारी दिएका हुन् ।

आलम जेलमा, छोरालाई टिकट

अघिल्लो पटक रौतहट २ बाट निर्वाचित भएका मोहम्मद अफताब आलम अहिले जेलमा छन् । यो क्षेत्रमा कांग्रेसले आलमका छोरा फिर्दोस आलमलाई उठाएको छ । एमालेको समर्थनमा जसपाले शैलेन्द्र साहलाई उम्मेदवार बनाएको छ ।

अहिले टिकट नपाएका २०७४ मा विजयी भएका एमाले उम्मेदवार
विजयी भएको निर्वाचन क्षेत्र	२०७४ विजेताको नाम	ल्याएको मत	२०७४ को प्रतिद्वन्द्वी उम्मेदवार	प्रतिद्वन्द्वीले ल्याएको मत	एमालेको अहिले उम्मेदवार
झापा २	पवित्रा निरौला (खरेल)	४५८१७	उद्धव थापा, कांग्रेस	३२०५०	देवराज घिमिरे
तेर्हथुम	भवानी प्रसाद खापुङ (अहिले नेकपा एस)	२१३३५	सिता गुरुङ्ग, कांग्रेस	१९३१४	विजय सुब्बा
सुनसरी १	जयकुमार राई	४४५२८	अशोक कुमार राई, संघीय समाजवादी	२२१२३	अशोककुमार राई (जसपा)
दोलखा	पार्वत गुरुङ	५५४५७	रुद्रबहादुर खड्का, कांग्रेस	२४८१३	बालकृष्ण शिवाकोटी
सिन्धुली १	गणेश कुमार पहाडी	३२५२९	प्रेमचन्द्र दाहाल, कांग्रेस	२२३८९	प्रदीपकुमार कटुवाल क्षेत्री
कास्की १	खगराज अधिकारी	३९२४२	यज्ञ बहादुर थापा, कांग्रेस	२५८२६	मनबहादुर गुरुङ्ग
कास्की ३	जगत बहादुर सुनार (विश्वकर्मा)	३२६९०	शुक्रराज शर्मा, कांग्रेस	२४३०४	दामोदर पौडेल बैरागी
तनहुँ, २	केदार सिग्देल	३२९२४	शंकर भण्डारी, कांग्रेस	२९६४५	किरण गुरुङ
पाल्पा, १	दलबहादुर राना	३२५४९	विजयराज घिमिरे, कांग्रेस	२३९९३	नारायणप्रसाद आचार्य
म्याग्दी	भुपेन्द्रबहादुर थापा	२३३०८	खमबहादुर गर्बुजा, कांग्रेस	२०९८०	हरिकृष्ण श्रेष्ठ
दाङ ३	हिराचन्द्र केसी (हाल नेकपा एस)	४०२८७	दीपक गिरी, कांग्रेस	३३७३०	कोमल वली
मुगु	गोपालबहादुर बम	१३०३४	हस्‍तबहादुर मल्‍ल, कांग्रेस	९८६१	राजबहादुर कार्की
दैलेख २	राजबहादुर बुढा क्षेत्री	२३३२३	शिवराज जोशी, कांग्रेस	१६६३४	लक्ष्मीप्रसाद पोखरेल
सुर्खेत २	नवराज रावत	३७४४७	हृदयराम थानी, कांग्रेस	२८६४६	अमृत बहादुर बुढा क्षेत्री
बाँके ३	नन्दलाल रोका क्षेत्री	३१६०१	बादशाह कुर्मी, कांग्रेस	२६६१७	किस्मत कुमार कक्षपति
बाजुरा , १	लालबहादुर थापा	२८०६५	कविराज पण्डित, कांग्रेस	२३१८१	कर्णबहादुर थापा
अछाम, १	भीमबहादुर रावल	२४८९३	भरतकुमार स्वाँर, कांग्रेस	१७६८९	झपटबहादुर बोहरा
बझाङ	भैरवबहादुर सिंह	३४६०२	पृथ्वीबहादुर सिंह, कांग्रेस	२६९१०	ऐनबहादुर महर

अघिल्लो निर्वाचन जितेकामध्ये माओवादी केन्द्रले १५ वटा निर्वाचन क्षेत्रमा उनीहरूलाई उम्मेदवार बनाएको छैन । अधिकांश क्षेत्र भने कांग्रेसलाई छाडेको छ ।

अहिले टिकट नपाएका र २०७४ मा विजयी भएका माओवादी उम्मेदवार
विजयी भएको निर्वाचन क्षेत्र	२०७४ विजेताको नाम	ल्याएको मत	२०७४ को प्रतिद्वन्द्वी उम्मेदवार	प्रतिद्वन्द्वीले ल्याएको मत	अहिलेका उम्मेदवार
झापा १	सुरेन्द्रकुमार कार्की	३६१७३	विश्वप्रकाश शर्मा, कांग्रेस	३३३१०	विश्वप्रकाश शर्मा, कांग्रेस
सोलुखुम्बु १	हेमकुमार राई	२०७४७	बलबहादुर के.सी, कांग्रेस	१७२९४	बलबहादुर केसी, कांग्रेस
उदयपुर २	सुरेशकुमार राई	२२५५१	नारायणबहादुर कार्की, कांग्रेस	१५४५५	जगन्नाथ खतिवडा, नेकपा एस
सिराहा २	सुरेशचन्द्र दास	२०१४८	शत्रुधनप्रसाद सिंह, संघीय समाजवादी	१७२६०	चित्रलेखा यादव, कांग्रेस
रामेछाप	श्यामकुमार श्रेष्‍ठ	४२११७	पूर्णबहादुर तामाङ, कांग्रेस	३५७७१	पूर्णबहादुर तामाङ, कांग्रेस
सिन्धुली २	हरिबोलप्रसाद गजुरेल	३०१७९	नरेन्द्रजंग थापा, कांग्रेस	१८१२७	लेखनाथ दाहाल, माओवादी
काभ्रेपलाञ्चोक १	गंगाबहादुर तामाङ	४३६३१	तीर्थबहादुर लामा, कांग्रेस	३९६०५	सूर्यमान तामाङ (दोङ), माओवादी
सिन्धुपाल्चोक १	अग्निप्रसाद सापकोटा	४०५०४	मोहनबहादुर बस्नेत, कांग्रेस	२९७९८	माधव सापकोटा, माओवादी
गोरखा १	हरिराज अधिकारी	२९८६०	चिनकाजी श्रेष्ठ, कांग्रेस	२६६४३	राजेन्द्र बजगाईं, कांग्रेस
रुकुम पूर्व १	कमला रोका	१०४३४	हरिशंकर घर्ती मगर, कांग्रेस	४४०६	पूर्णबहादुर घर्ती मगर, माओवादी
सल्यान	टेकबहादुर बस्नेत	४०८९७	राजेन्द्रबहादुर शाह, कांग्रेस	२९७६७	प्रकाश ज्वाला, नेकपा एस
दाङ २	कृष्‍णबहादुर महरा	४००४२	राजु खनाल, कांग्रेस	२५८९७	रेखा शर्मा, माओवादी
जुम्ला २	गजेन्द्रबहादुर महत	२२१७३	देवेन्द्रबहादुर शाही, कांग्रेस	१४१४९	गोमा गौतम (कुँवर), माओवादी
कालीकोट १	दुर्गबहादुर रावत	२१११२	भुपेन्द्रजंग शाही	१६४०७	महेन्द्रबहादुर शाही, माओवादी
बर्दिया २	सन्त कुमार थारु	५०५५५	गोपाल दहित	३६७३५	सुरेश पन्थ

कांग्रेस, एमाले र माओवादी केन्द्रबाहेक अघिल्लो निर्वाचनमा स्वतन्त्र उठेर जितेका छक्कबहादुर लामा अहिले उम्मेदवार छैनन् । त्यस्तै अघिल्लो चुनावमा राष्ट्रिय जनता पार्टीबाट निर्वाचित रेशम चौधरी अहिले जेलमा छन् ।

वारेसनामामार्फत यो पटक बर्दिया २ मा उम्मेदवारी दर्ता गरे पनि चौधरीको उम्मेदवारी निर्वाचन आयोगले खारेज गरिदिएको छ । यस्तै, अघिल्लो पटक सप्तरी ३ मा राजपाबाट उठेर चुनाव जितेका चन्द्रकान्त चौधरी पनि यो पटक चुनाव उठेका छैनन् ।

अघिल्लो पटक संघीय समाजवादी फोरमबाट निर्वाचित डा. सूर्य नारायण यादव, विमलप्रसाद श्रीवास्तव र हरिनारायण प्रसाद रौनियार पनि अहिले प्रत्यक्षतर्फ उम्मेदवार छैनन् ।

प्रकाशित मिति: बुधबार, कात्तिक १६, २०७९ १६:२१