बाहिर हल्ला भएजस्तो झापामा एमालेभित्र कुनै विवाद छैन : खरेल (अन्तर्वार्ता)

A+ A A-

राजनीति जनताको सेवा हो । त्यही भएर लोकतन्त्रका लागि जनता जहिले लड्नुपरेको नेकपा एमालेका कन्द्रीय सदस्य तथा झापा–१ एमाले उम्मेदवार अग्नि खरेल बताउँछन् ।

राजनीतिको स्वरूप फेरिँदै गएको उनको दाबी छ । पहिलाजस्तो व्यक्तिको अनुहार हेरेर भोट दिने जनताको चेतना परिवर्तन भएको छ । अहिले जनताले विकास, भिजन, रोजगारी, न्यायिक समाज निर्माण, सुरक्षा, शिक्षा, स्वास्थ्य र जनताको आधारभूत आवश्यकता बुझ्ने पार्टीका नेतालाई निर्वाचनमा छान्ने उनको विश्वास छ ।

जनताले हल्ला गर्नेभन्दा जनतासँग बसेर योजनासहित काम गर्ने नेता खोजिरहेको उनले जानकारी दिए । खरेल वरिष्ठ अधिवक्तासँगै २०६४ र २०७० सालमा संविधानसभा सदस्य पनि भएका थिए ।

केपी शर्मा ओलीको अघिल्लो कार्यकालमा खरेल कानुनमन्त्री समेत बने । उनले पूर्वमहान्यायाधिवक्ता समेत भएर काम गरेका छन् । अहिले झापा–१ मा एमालेबाट उम्मेदवार रहेका खरेलसँग शिलापत्रले गरेको कुराकानीः

पहिलोपटक चुनाव लड्दै हुनुहुन्छ । तयारी कस्ताे छ ?

चुनावमा उम्मेदवारी मात्र पहिलोपटक हो । २०६४ सालयता भएको हरेक निर्वाचनमा झापामा खटिएको छु । उम्मेदवारी मात्र पहिलो हो । चुनावमा भोट माग्न भने धेरैपटक जनताका घर–दैलोमा पुगेको छु । झापाको एउटा निर्वाचन क्षेत्रमा मात्र होइन प्रदेश– १ का हरेक विकास र समस्या समाधान गर्ने लागिपर्ने छु ।

जनताको घर–आँगनमा भोट माग्न जाँदा धेरै खुसी लागेको छ । यो मेरा लागि झापाका जनताको समस्या बुझ्ने मौका हाे । निर्वाचन अवसरभन्दा पनि जनताको मनोभावना बुझ्ने मौका मिलेको छ ।

झापा–१ मै तपाईंको उम्मेदवारी किन ?

झापा पूर्वको व्यापारिक केन्द्र हो । झापामा विकास हुनु भनेको सुदूरपूर्वको आर्थिकस्तर उकासिन्छ । त्यही भएर मलाई एमालेले झापा १ मा उम्मेदवार बनायाे । मेरोभन्दा पनि पार्टीले जिम्मेवारी दिएको हो ।

झापा–१ का जनतालाई स्वास्थ्य, विकास, रोजगारी शिक्षा र यहाँ समस्या समाधान गर्ने सक्ने आफूमा क्षमता भएको कारण मैले यो क्षेत्रबाट टिकट पाएँ । म यहाँको विकासका लागि अध्ययन टोली नै बनाएर काम गर्छु ।

के छन् चुवानी ऐजन्डा ?

कांग्रेस महामन्त्री विश्वप्रकाश शर्मा झापा–१ मा तेस्रोपटक उम्मेदवार उठ्नुभएको छ । म पहिलोपटक चुनावी मैदानमा उत्रिएको छु । अहिलेको अवस्थामा हामी दुई जना मुख्य प्रतिस्पर्धी हौँ । विश्वप्रकाशजीसँग म आफूलाई दाँजेर हेर्दिनँ । उहाँको आफ्नै राजनीतिक पृष्ठभूमि छ ।

एमालेभित्र मेरो पनि फरक पहिचान छ । त्यही भएर देश विकासका लागि एमालेको योगदान र झापा विकासमा एमालेले गरेको कामको आधारमा कांग्रेसभन्दा एमाले बलियो पार्टी हो ।

झापा–१ को विकासका लागि एमाले सत्ताबाहिर भए पनि जनताको समस्या केन्द्रित भएर जहिले लडेको छ । यो एमालेको पहिचान हो । त्यही भएर झापामा एमाले बलियो पनि छ । मैले व्यक्तिभन्दा पार्टीगत रूपमा निर्वाचनलाई हेरेको छु । त्यही झापा–१ का जनताको नजरमा कांग्रेसभन्दा एमाले नै राम्रो र उनीहरूले जिताउने पार्टी पनि एमाले हो । मंसिर ४ पछि यो निर्वाचन क्षेत्रमा एमालेले विजयको झण्डा बोकेर विकासका लागि जनतासँग हातेमालो गर्नेछ ।

झापाको पूर्वाधार निर्माण, विकास निर्माणप्रतिको लगाव, सबै वर्गका जनतासँग सहजै सम्पर्क गर्ने, विकासका योजना समायोजन हुने गरी झापालाई देशकाे एउटा विकशित क्षेत्र बनाउन मेरो योजना छ ।

झापा–१ भारतसँग जोडिएको निवार्चन क्षेत्र हो । यो क्षेत्रमा अन्तर्राष्ट्रियस्तरको बसपार्क, सीमानाका समस्या र वन हात्तीको आतंक नियन्त्रणजस्ता विकासमा केन्द्रित भएर काम गर्नुपर्ने देखियो । यो नै मेरो पहिलो प्रथामिकता हो ।

झापामा रोजगारी सिर्जना, प्रविधिक शिक्षाको विकास, स्वास्थ्य, कृषि, उत्पादन वृद्धि, आधुनिक कृषिको विकास, वनको संरक्षण, कृषिको व्यापार उन्नति र झापालाई एउटा सम्बृद्धि क्षेत्र बनाउन मेरो मुख्य योजना छ । यो मेरो मात्र होइन एमालेको पनि एजेन्डा हो ।

म झापामै रोजगारी सिर्जना गरेर वैदेशिक रोजगारीको विकल्प खोज्ने प्रयास गर्नेछु । यो पनि मेरो प्रथामिकताको विषय हो । युवा शक्ति विदेशिनु भनेको देश विकासमा धक्का लाग्नु हो । त्यही भएर स्वदेशमै युवालाई कृषि, व्यापार र उद्यमी बनाउनुपर्छ भन्ने मेरो मान्यता छ । सोहीअनुसार काम गर्नेछु ।

तपाईंकै कारण झापा–१ मा कांग्रेस महामन्त्री शर्मालाई जित्न सहज हुने भयो भन्छन् नि ?

झापा–१ का मतदातासँग अग्नि खरेल चिनिएको नाम होइन भन्ने हल्ला मात्र हो । म अरुसँग एमालेको उम्मेदवार भएको कारण दाँजेर हेर्दिनँ । किनकी झापाका एमालेले पार्टीको प्रतिनिधित्व गरेर उठेको लौरोसमेत जिताउँछन् । म र मेरो पार्टी यो कुरामा विश्वास्त छौँ।

मेरो उम्मेदवारी भएको निर्वाचन क्षेत्र स्थानीय तहको मतको आधारमा एमाले पहिलो शक्ति हो । झापा–१ मा मात्र होइन झापामा नै एमाले पहिलो शक्ति हो । त्यही भएर व्यक्तिभन्दा पार्टी ठूलो हुन्छ । म त यहाँको उम्मेदवार मात्र हुँ । यो निर्वाचन क्षेत्रका जनता एमाले हुन् । उनीहरूले व्यक्ति होइन पार्टीका लागि मतदान गर्दछन् ।

मलाई विश्वास छ । पार्टी भनेको पार्टी हो । त्यही भएर यहाँ एमालेकै जित्न निश्चित छ । यति बुझनुहोस् । बाहिर हल्ला भएजस्तो झापामा एमालेभित्र कुनै विवाद छैन । म अहिले दैनिक एमालेका नेता कार्यकर्ता र घरदैलो कार्यक्रममा छु । एमालेभित्र विवाद छैन ।

त्यसो भए ४ मंसिरपछि तपाईंलाई संसद भवनमा भेटिन्छ ?

यहाँका जनताको जनलहर हेर्दा त्यस्तै देखिन्छ । जनताले मलाई आफ्नो समस्या राष्ट्रियकरण गर्ने संसद भवन पठाउने मात्र होइन, ससंद बनाउन चाहेका छन् । म संसद भवन छिर्न मात्र उम्मेदवार उठेको होइन । यहाँको विकास र जनताको समस्या केन्द्रित भएर काम गर्न संसद बन्न लागेको हुँ । ससंद भवन छिर्ने आतुर छैन ।

माओवादी महासचिव देव गुरुङलाई प्रश्न- चुनावपछि एमालेसँग मिलेर सरकार बनाउने हो ?

प्रकाशित मिति: बिहीबार, कात्तिक ३, २०७९ २०:३०