यी २४ निर्वाचन क्षेत्रमा छैनन् एमालेका उम्मेदवार, सत्ता गठबन्धन र बागी उम्मेदवारलाई कति फाइदा ?

यी २४ निर्वाचन क्षेत्रमा छैनन् एमालेका उम्मेदवार, सत्ता गठबन्धन र बागी उम्मेदवारलाई कति फाइदा ?

A+ A A-

४ मंसिरमा हुने प्रतिनिधिसभा र प्रदेशसभा निर्वाचनको तयारीमा राजनीतिक दल र उम्मेदवारहरू लागेका छन् ।निर्वाचन क्षेत्रको अवस्था हेरेर दलहरूले तालमेल गरेका छन् ।

खासगरी सत्तारुढ गठबन्धन एमालेका उम्मेदवारलाई कसरी हराउन सकिन्छ भनेर तालमेलमा केन्द्रित छ भने एमालेले सत्तारुढ गठबन्धनका उम्मेदवारलाई हराउन स्वतन्त्र उम्मेदवारलाई समेत सहयोग गरेको देखिएको छ ।

सबैभन्दा बढी निर्वाचन क्षेत्रमा एमाले र राप्रपाले उम्मेदवारी दिएका छन् । एमालेले १४१ निर्वाचन क्षेत्रमा उम्मेदवारी दिँदा राप्रपाले १४० निर्वाचन क्षेत्रमा उम्मेदवारी दिएको छ । १४१ निर्वाचन क्षेत्रमा उम्मेदवारी दिएको एमालेले २४ वटा निर्वाचन क्षेत्रमा भने आफ्ना उम्मेदवार उठाएको छैन । २४ मध्ये १७ वटामा जसपा र राप्रपासँगको तालमेलका कारण उम्मेदवारी नदिएको एमाले प्रचार विभाग सचिव गगन विष्टले बताए ।

‘एक-अर्का पार्टी (राप्रपा वा जसपा) निर्वाचन क्षेत्र विशेष तालमेल गर्दा दुवै पार्टीलाई लाभ पुग्ने स्थिति छ भने तालमेल किन नगर्ने भनेर गरिएको छ,’ विष्टले भने, 'सहमति कार्यान्वयन हुँदा परिणाम हामीले आ-आफ्नो पक्षमा निकाल्ने छौँ ।' यसबाहेक एमालेले आफ्नो जित निश्चित नभएको तर अर्को उम्मेदवार उठाउँदा सत्तारुढ गठबन्धनका उम्मेदवारलाई हराउन सकिने रणनीति अनुसार उम्मेदवारी दिएको छैन ।

कहाँ छैनन् एमाले उम्मेदवार ?

झापा ३
मोरङ ५
सुनसरी १
सप्तरी १
सप्तरी २
सप्तरी ४
सिराहा २
सिराहा ४
धनुषा १
महोत्तरी ३
महोत्तरी ४
सर्लाही १
सर्लाही ४
रौतहट २
रौतहट ३
बारा २
पर्सा १
पर्सा २
चितवन ३
रुपन्देही ३
रुपन्देही ४
बाँके २
नवलपरासी (बर्दघाट सुस्ता-पश्चिम) १
डडेल्धुरा

यी हुन् एमालेको समर्थनमा जसपाले उठाएका उम्मेदवार

जिल्ला	क्षेत्र	जसपा उम्मेदवार
सुनसरी	१	अशोक कुमार राई
सप्तरी	१	नवल किशोर साह सुडी
सप्तरी	२	उपेन्द्र यादव
सप्तरी	४	बालकिशोर यादव
सिराहा	२	राजकिशोर यादव
सिराहा	४	वीरेन्द्रप्रसाद महतो
धनुषा	१	दीपक कार्की
महोत्तरी	३	हरि नारायण यादव
महोत्तरी	४	सुरेन्‍द्र कुमार यादव
सर्लाही	१	प्रमोद साह
रौतहट	२	शैलेन्द्र साह
बारा	२	रामसहाय प्रसाद यादव
पर्सा	१	प्रदीप यादव
पर्सा	२	सुरेन्‍द्र प्रसाद कुर्मी
मोरङ	५	राजकुमार यादव
रुपन्देही	४	ओमप्रकाश यादव

यी हुन् एमालेको समर्थनमा राप्रपाले उठाएका उम्मेदवार

झापा ३, राजेन्द्र लिङ्देन
रुपन्देही ३, दीपक बोहोरा
बाँके २, धवल शमशेर राणा

यी ४ निर्वाचन क्षेत्रमा राप्रपा र जसपालाई छैन समर्थन तर एमाले उम्मेदवार पनि छैनन्

नवलपरासी (बर्दघाट सुस्ता पश्चिम) १
डडेल्धुरा
चितवन ३
रौतहट ३

कहाँ कसलाई समर्थन ?

नवलपरासी, एमालेले यसअघि एमालेकै चुनाव चिह्नबाट लडेका जनता प्रगतिशील पार्टीका हृदयेश त्रिपाठीलाई सहयोग गरेको छ ।
चितवन ३ मा स्वतन्त्र उम्मेदवार दिनेश कोइरालालाई समर्थन गरेको छ ।
डडेल्धुरामा कांग्रेस बीपीका उम्मेदवार कर्ण मल्ललाई समर्थन गर्ने भनिए पनि जिल्ला कमिटीले नगर्ने भनेको छ । तर, अन्तिममा उनलाई नै सहयोग हुने एमालेका नेता विष्ट बताउँछन् ।
र, रौतहट ३ मा एमालेको उम्मेदवार छैन । यो क्षेत्रमा कसलाई सहयोग गर्ने भन्ने निर्णय एमालेले गरेको छैन ।

प्रकाशित मिति: मंगलबार, कात्तिक १, २०७९ १३:०७