नेपाली सेनामा ६ हजार पदमा जागिर खुल्यो

A+ A A-

नेपाली सेनाले प्राविधिक र इन्फेन्ट्री (सैन्य)तर्फ गरी करिब ६ हजार पदका लागि जागिर खुलाएको छ ।

सैनिक मुख्यालय जंगी अड्डास्थित कार्यरथी विभाग मातहतको भर्ना छनाेट निर्देशनालयले प्राविधिकतर्फ २ सय ३७ र सैन्यतर्फ ५ हजार ७ सय जनाकाे भर्ना खुलाएको हो ।

निर्देशनालयले जंगी अड्डालाई भर्ना केन्द्र बनाई सैन्य मेडिकल, सैन्य सिग्नल, सैन्य ड्राइभर, बन्दोबस्ती कार्य सिपाही, कुचीकार, चर्मकर्मी, सूचीकार, धोबी र सिकर्मीतर्फ १ सय ९५ वटा सिटमा दरखास्त आह्वान गरेको छ ।

उत्तर–पश्चिम पृतना हेडर्क्वाटर सुर्खेतले प्राविधिक चर्मकर्मी १० जना र मध्यपूर्वी पृतना हेडर्क्वाटर धनुषाले प्राविधिकतर्फ बन्दोवस्ती कार्य सिपाही २०, लोहकार चार र केस कर्तककाे नौ सिटमा दरखास्त आह्वान गरेको छ ।

निर्देशनालयले जंगी अड्डाबाहेक ३९ स्थानमा रहेका पृतना, वाहिनी, गण र गुल्मलाई भर्ना केन्द्र तोकेर सैन्य पदमा एकैपटक ५ हजार ७ सय सिटमा दरखास्त आह्वान गरेको हो ।

भर्ना छनाेट निर्देशनालयले आइतबार प्रकाशित गरेको सूचनाअनुसार सैन्य पदमा समावेशी प्रणालीलाई समेत अपनाएको छ । निर्देशनालयका अनुसार सबैभन्दा धेरै उत्तर पश्चिम पृतना हेडर्क्वाटर सुर्खेत भर्ना केन्द्रले ५ सय ६० पदमा दरखास्त आह्वान गरेको छ ।

उत्तर–पश्चिम पृतना सुर्खेत र मध्यपूर्वी पृतनाबाहेक ३७ पृतना, वाहिनी, गण र गुल्मले सैन्य पद मात्र मागेका छन् । इच्छुक नेपाली नागरिकलाई १६ भदौभित्र कार्यालय समयमा दरखास्त दिन भर्ना छनाेट निर्देशनालयले आह्वान गरेको छ ।

सेनाले रहेक भर्ना छनाेट केन्द्रलाई शत प्रतिशत मानेर समावेशी कोटा सुरक्षित गरेको छ । जसअनुसार ५२ प्रतिशत खुला, ९ प्रतिशत महिला, आदिवासी जनजाति १४, मधेसी १३, दलित ७, पिछडिएको क्षेत्र २ र शारीरिक रुपमा अशक्त भएका र कर्तव्य पालनको सिलसिलामा मृत्यु भएका नेपाली सैनिकका सन्ततिलाई ३ प्रतिशत कोटा छुट्टाइएकाे छ ।

कहाँ कहाँ छन् भर्ना केन्द्र र उपकेन्द्र

१. भर्ना छनाेट निर्देशनालय, कार्यरथी विभाग, जंगी अड्डा (प्राविधिक मात्र )
२.पूर्वी पृतना हेडर्क्वाटर इटहरी
३. नम्बर २ वाहिनी अड्डा हिले, धनकुटा र फस्ट राइफल गण, भोजपुर
४. बराह दल गुल्म, संखुवासभा
५. नम्बर १८ बाहिनी अड्डा, गाइघाट र गोरखनाथ गण दिक्तेल
६. अरिदमन गण ओखलढुंगा
७. नम्बर २१ बाहिनी अड्डा, झापा, पशुपतिप्रसाद गण, गढीथुम्का, श्रीनाथ गण चारआली
८.भीमकाली गुल्म, ताप्लेजुङ
९. मध्यपूर्वी पृतना हेडर्क्वाटर, धनुषा
१०. नम्बर २७ बाहिनी अड्डा, सिरहा र रणभीम गण जलेश्वर
११.नम्बर २७ वाहिनी अड्डा, भर्ना केन्द्र राजविराज
१२.नम्बर २८ वाहिनी अड्डा, बारा र इन्द्रबक्स गण, पुरेजवा
१३.मध्यपृतना हेडर्क्वाटर, हेटौंडा
१४. नम्बर ६ वाहिनी अड्डा, बैरेनी
१५. जबरजंग गण, देवीघाट
१६. नम्बर ७ वाहिनी अड्डा भर्ना केन्द्र चितवन
१७. नम्बर ९ वाहिनी अड्डा, सिन्धुली र तारादल गण, चरिकोट
१८. नम्बर १७ वाहिनी अड्डा, भर्ना केन्द्र, नारायणहिटी
१९. वीरदल गण, सूर्यविनायक
२०. नम्बर २६ वाहिनी अड्डा, भर्ना केन्द्र चौतारा र विष्णुदल गण धुलीखेल
२१. पश्चिम पृतना हेडर्क्वाटर, पोखरा
२२. नम्बर ३ वाहिनी अड्डा तनहुँ र रणसिंहदल गण नाम्जालीडाँडा, गोरखा
२३. कृष्ण दल गण, दमौली
२४. नम्बर २३ वाहिनी अड्डा बागलुङ र अर्जुनवाण गण, घोडाबधी
२५. मध्यपश्चिम पृतना हेडर्क्वाटर रुपन्देही र नारायण दल गण तौलीहवा
२६. नम्बर २४ वाहिनी अड्डा, नेपालगन्ज, नरसिंहदल गण पूर्वी रुकुम र भैरवप्रसाद गण, नरेनापुर
२७. रिपुमर्दन गण, दाङ
२८. नरसिंह दल गण, पश्चिम रुकुम
२९. खड्ग दल गण, लिवाङ
३०. नम्बर २२ वाहिनी अड्डा, भर्ना केन्द्र गुल्मी
३१. रामवाण गुल्म, अर्घाखाँची
३२. उत्तर–पश्चिम पृतना हेडर्क्वाटर सुर्खेत, ईश्वरीबक्स गुल्म, दुनै, इन्द्रदल गुल्म काँडाचौर
३३. नम्बर १९ वाहिनी अड्डा, भर्ना केन्द्र सल्यान
३४. नम्बर २४ वाहिनी अड्डा, जुम्ला र श्रीदल गुल्म हुटु मुगु
३५. नम्बर २४ वाहिनी अड्डा, भर्ना केन्द्र कालिकोट
३६. सुदूरपश्चिम पृतना हेडर्क्वाटर, दिपायल, भवानीबक्स गण, मंगलसेन र हनुमानध्वज गुल्म, बैतडी
३७. संग्राम सार्दुल गुल्म, बझाङ
३८. दुर्गादल गुल्म, दार्चुला
३९. नम्बर ५ वाहिनी अड्डा, तेघरी कैलाली
४०. नम्बर २५ वाहिनी अड्डा, महेन्द्रनगर