दसैँमा राजमार्गहरूमा सास्ती : ८३ ठाउँमा अवरुद्ध, २२ ठाउँमा एकतर्फी

A+ A A-

दसैँको मुखमा सर्वसाधारणहरू गाउँ फर्कने तयारीमा छन् । दसैँको पहिलो दिन घटस्थापनाको दिनदेखि नै शहर बसेका सर्वसाधारणहरू घर फर्कन थाल्छन् । तर, राष्ट्रिय राजमार्गहरूको दुरावस्थाका कारण सर्वसाधारणले निकै दु:ख पाएका छन् । कतिपय स्थानमा तीन महिनादेखि सडक अवरुद्ध भए पनि खुलेको छैन ।

शुक्रबार साँझ काठमाडौंबाट बुटवल गएका अनिल शर्मा शनिबार दिउँसो मात्रै बुटवल पुगे । सामान्य अवस्थामा ७/८ घण्टामा बुटवल पुगिन्छ । तर, उनी बाटोमा १६ घण्टाभन्दा बढी जाममा रोकिनुपर्‍यो । सामान्य मर्मत सम्भार गरेर चलाउन सकिने सडकहरू समेत सरकारको बेवास्ताका कारण अवरुद्ध भएको र लामो समय गाडी रोकिएको यातायात व्यवसायीको गुनासो छ ।

नेपाल यातायात व्यवसायी राष्ट्रिय महासंघका वरिष्ठ उपाध्यक्ष सरोज सिटौला सडकको दुरावस्थाका कारण सहज यात्रा गराउन मुस्किल भएको गुनासो गर्छन् । समयमै ध्यानाकर्षण गराए पनि सरकारले पर्याप्त ध्यान पुर्‍याउन नसकेको उनको दाबी छ ।

उनका अनुसार आइतबार दिउँसोसम्म ८३ स्थानमा बाटो पूर्ण रूपमा अरुद्ध भएको छ । २२ स्थानमा एकतर्फी मात्रै सडक चलेकाे छ । २७ घण्टादेखि अवरुद्ध सिद्धार्थ राजमार्गअन्तर्गतको बेलहिया-भैरहवा-बुटवल-वर्तुङ-राम्दी-स्याङ्जा-पोखरा सडक आइतबार १२ बजेदेखि खुल्यो । पाल्पाको चरचरे भन्ने ठाउँमा सडक अवरुद्ध भएकोमा अहिले दुवैतर्फ खुलेको सडक डिभिजन पाल्पाका इन्जिनियर रवि शाहले जानकारी दिए ।

बीपी राजमार्गको बर्दिबास-सिन्धुली-खुर्कोट-धुलिखेल सडकअन्तर्गत सिन्धुलीगढी क्षेत्रमा साढे ४ घण्टा, पृथ्वी राजमार्गको नौबिसे-मुग्लिन-पोखरा सडक खण्डअन्तर्गत चितवनमा भएको सडक अवरुद्ध ५८ मिनेट, पृथ्वी राजमार्गकै मुग्लिनमा भएको सडक साढे दुई गाडी अवरुद्ध भएपछि खुलेको छ । अवरुद्ध भएका १४४ स्थानमा सडक खुलेको सडक विभागले जानकारी दिएको छ ।

८३ ठाउँमा सडक अवरुद्ध

सडक विभागका अनुसार ८३ ठाउँमा अवरुद्ध भएको सडक कतिपय ठाउँमा सामान्य मर्मतसम्भार गरिनुपर्ने भए पनि १२ भन्दा बढी क्षेत्रमा पूर्ण रूपमा अवरुद्ध भएको छ ।

राजमार्गको नाम	अवरुद्ध भएको समय (घण्टामा)
पुष्पलाल (मध्यपहाडी ) राजमार्ग	१९
रानी-विराटनगर-इटहरी-धरान-धनकुटा-हिले, लेघुवाघाट-तुम्लिङटार-खाँदबारी-नुम-किमाथाङ्का (कोशी राजमार्ग)	१८८०
बर्दिवास-सिन्धुली-खुर्कोट-धुलिखेल ( बीपी राजमार्ग)	१०
नौबिसे-मुग्लिन-पोखरा ( पृथ्वी राजमार्ग)	३८
माडर -चौराहवा, गोलबजार, सिरहा, साँघुरे, उदयपुर, मिर्चैया-कटारी-घुर्मी, हिलेपानी- ओखलढुंगा-सल्लेरी	१९
डुम्रे-बेँसीशहर-चामे	२२३०
भिट्टामोड-जलेश्वर-बर्दिबास, खुर्कोट-मन्थली-तामाकोसी-सिँगटी-लामाबगर-लाप्चेगाउँ	३९
दोलालघाट चौतारा	४
काठमाडौं-धुलिखेल-दोलालघाट-खाडीचौर-कोदारी (अरनिको राजमार्ग)	२२८
सिर्सिया-पथलैया, हेटौँडा-भैँसे-पालुङ-नौबिसे-काठमाडौं (त्रिभुवन राजपथ)	१९
ठोरी-भरतपुर-मुग्लिङ, आँवुखैरेनी-गोरखा-घ्याम्पेसाल, आरुघाट-सिर्दिबास-रोइला भञ्ज्याङ	१२४
बेलहिया-भैरहवा-बुटवल-वर्तुङ-राम्दी-स्याङ्जा-पोखरा (सिद्धार्थ राजमार्ग)	५१
तानसेन-रिडी-कोरला	१६०
कोइलाबास-लमही, अर्जुनखोला-घोराही-होलेरी-घर्तीगाउँ-थवाङ-लुकुम (शहीद मार्ग)	५७
थारमारे-चौरजहारी-जाजरकोट–खलंगा-जुम्ला कुँडारी-मुगु–रारा (रारा राजमार्ग)	११८
छिन्चु-कुदु-जाजरकोट-दुनै-धो-तिन्जे-मरिम (भेरी कोरिडोर)	७
जमुनाहा-नेपालगञ्ज-कोहलपुर-सुर्खेत-खुलालु-हिल्सा (कर्णाली राजमार्ग)	९४
सुर्खेत-दैलेख-महावुलेख-गाल्जे, नाग्मा-गमगढी-नाक्चेलाग्ना	३४
सुर्खेत तल्लो डुङ्गेश्वर-सातखम्बा-दुल्लु-पीपलकोट-खुलालु-मान्मा-नाग्मा-जुम्ला सडक	१२९
खोड्पे-चैनपुर (बझाङ)	५