बाबु र हजुरबाको शव जोगाउन जनतासँग पैसा माग्दै किम जोङ–उन

A+ A A-

उत्तर कोरिया आफ्ना पूर्वनेता किम इल–सङ र किम जोङ–उनको शव संरक्षणका लागि ठूलो संघर्षमा छ । यसकारण, उत्तर कोरियाले आफ्ना नागरिकसँग सहयोग उठाइरहेको छ ।

यी शव संरक्षणका लागि आवश्यक पर्ने करिब ३ लाख २० हजार पाउन्ड रकम जनताबाट उठ्ने उत्तर कोरियाली नेता किम जोन–उनको अपेक्षा छ । किम जोङ–उनका हजुरबुबा किम इल–सङ र बाबु किम जोङ–इलको शव राजधानी प्योङयाङको कुमसुसन प्यालेुस अफ द सनमा राखिएको छ ।

तर, उत्तर कोरियामाथि संयुक्त राष्ट्र संघ र अमेरिकासहितका देशले लगाएको प्रतिबन्धका कारण आर्थिक संकट झेलिरहेको छ । यसबाट उत्तर कोरियाली संस्थापक नेता किम इल–सङ र उनका छोरा किम जोङ–इलको शवको संरक्षणमा समेत समस्या भएको छ ।

प्रतिबन्धका कारण उत्तर कोरियाको व्यापारसमेत प्रभावित हुँदा आर्थिक गतिविधि कमजोर भएकाे छ । त्यसकारण, उत्तर कोरियाले यतिबेला शवको संरक्षणका लागि मजदुर र कर्मचारीसँग पैसा उठाइरहेको छ ।

नेताको शव संरक्षणका लागि पैसा दिने जनतालाई पैसाको बदलामा उनीहरुले बफादारिताको प्रमाणपत्र पाउने गरेका छन् । तर, मिररले प्रकाशित गरेको एक रिपोर्टमा उत्तर कोरियाली शासकको यो निर्णयबाट जनता यसबाट सन्तुष्ट नरहेको बताइएको छ ।

स्रोतलाई उद्धृत गर्दै मिररले भनेको छ, ‘शवको संरक्षण गरेर राख्न पैसा जुटाउने कोसिसमा रहेका सरकारी अधिकारी जनताको दैनिक जीवनप्रति उदासीन देखिनु हाँस्यापद भएको उत्तर कोरियालीहरु ठान्छन् ।’

रेडियो फ्रि एसियाले भनेको छ, ‘कारखानाका प्रतिनिधिलाई किम इल–सङ र किम जोङ–इल कोषका लागि पैसा जम्मा गर्नेहरुलाई प्रमाणपत्र दिन समारोह नै आयोजना गरिएको थियो ।’

सो कार्यक्रममा आफ्नो बफादारी देखाउन पैसा दान गर्नेलाई प्रमाणपत्र प्रदान गरिएको थियो । यसरी जम्मा भएको पैसा किम इल–सङ र किम जोङ–इलको शव संरक्षणका लागि खर्च गरिनेछ ।