बार अध्यक्ष घिमिरे भन्छन्- निलम्बित चोलेन्द्रलाई हामी सर्वाेच्चकाे गेटमै राेक्छाैँ (अन्तर्वार्ता)

बार अध्यक्ष घिमिरे भन्छन्- निलम्बित चोलेन्द्रलाई हामी सर्वाेच्चकाे गेटमै राेक्छाैँ (अन्तर्वार्ता)

A+ A A-

निलम्बित प्रधानन्यायाधीश चोलेन्द्र शमशेर जबराविरुद्ध दर्ता भएकाे महाभियोग टुंगोमा नपुर्‍याइ प्रतिनिधिसभाको कार्यकाल सकिएपछि अन्योलता देखिएको छ ।

प्रतिनिधिसभाको कार्यकाल सकिएसँगै आफूमाथि लागेको महाभियोग स्वतः निष्क्रिय हुने दाबीसहित राणा सर्वाेच्च फर्किने तयारीमा छन् । नेपाल बार एसाेसिएसनले भने निलम्बन फुकुवा नभएको भन्दै उनलाई रोक्ने रणनीति लिएकाे छ । यस सन्दर्भमा बारका अध्यक्ष गोपालकृष्ण घिमिरेसँग गरिएकाे कुराकानी ।

प्रधानन्यायाधीश चोलेन्द्र शमशेर जबरा नियमित काममा फर्किन बाटो खुलेको हो ?

खुलेको छैन र यो अवस्थामा मिल्दै मिल्दैन ।

प्रतिनिधिसभाको कार्यकाल सकिएपछि महाभियाेग प्रस्ताव स्वत: निष्क्रिय हुँदैन ?

उहाँ(चाेलेन्द्र शमशेर जबरा)ले त्यही भनेर फर्किने प्रयास गर्नुभएको रहेछ । सर्वाेच्च प्रशासनलाई फोन समेत गरेर आफू आउने जानकारी पनि गराउनुभएको छ । तर अहिले उहाँ निलम्बनकाे अवस्थामा हुनुहुन्छ । निलम्बन फुकुवा नभइ उहाँ फर्किन मिल्दैन ।

उहाँले फर्किने तयारी नै गरिसक्नु भएको छ तपाईंहरूले मिल्दैन भनेर पनि त भएन नि होइन र?
सबै कुरा विधि नियमअनुसार चल्ने हो । निलम्बन फुकुवाको पत्रै नहेरी सर्वोच्च प्रशशासनले उहाँलाई प्रवेश नै दिन मिल्दैन नि ।

बारले के गर्छ ?

अहिले महाअभियोग र निलम्बनकाे विषयमा निर्णय टुंगोमा नपुगेको अवस्थामा उहाँ फर्किनै मिल्दैन । हामी उहाँलाई प्रवेश गर्न दिँदैनौँ । गेटमा नै धर्ना बसेर पनि रोक्छौँ । यस विषयमा उपलब्ध पदाधिकारीको बैठकले समेत निर्णय लिनेछ ।

प्रकाशित मिति: आइतबार, असोज २, २०७९ ०९:२६