सर्वाेच्च प्रशासनलाई चाेलेन्द्रकाे फाेन- म आउँदैछु...

A+ A A-

निलम्बित प्रधानन्यायाधीश चाेलेन्द्र शमशेर जबराले आफू सर्वाेच्च अदालत फर्किरहेकाेले आवश्यक तयारी गर्न सर्वाेच्च प्रशासनलाई निर्देशन दिएकाे खुलेकाे छ ।

जबराले शनिबार साँझ आफू आइतबार बिहान कार्यालय आउने खबर दिँदै सर्वाेच्च प्रशासनलाई तयारीका लागि प्रबन्ध मिलाउन फाेन गरेकाे उच्च स्राेतले शिलापत्रलाई जानकारी दियाे ।

'म भाेलि (आइतबार)देखि आउँदैछु,आवश्यक तयारी मिलाउनुहाेला । जबराले सर्वाेच्च प्रशासनलाई फाेन गरेर भन्नुभएकाे छ', स्राेतले भन्याे ।

यसबारे सर्वाेच्च प्रशासनले कामु प्रधानन्यायाधीश दिपक कार्की र बार नेतृत्वलाई अवगत गराइसकेकाे छ । आफूलाई यसबारे जानकारी आएकाे नेपाल बार एसाेसिएसनका अध्यक्ष गाेपालकृष्ण घिमिरले शिलापत्रसँग पुष्टि गरे ।

'मलाई पनि खबर आएकाे छ', उनले भने । जबराले सर्वाेच्च फर्किने तयारी गरेपछि बारले भने अवराेध गर्ने चेतावनी दिएकाे छ । 'निलम्बनकाे अवस्थामा उहाँले सर्वाेच्च फर्किन मिल्दै मिल्दैन', घिमिरेले भने, 'बारले अवराेध गर्छ । गेटबाटै भित्र छिर्न दिँदैन ।'

गत फागुन १ गते सत्ता गठबन्धनका ९७ जना सांसदले राणाविरुद्ध महाभियोग दर्ता गरेका थिए । त्यससँगै उनी निलम्बनमा परेका थिए । प्रतिनिधिसभाकाे कार्यकाल शनिबार रातिदेखि सकिएकाे छ । कार्यकाल सकिएकाेले संसद्‌मा पुगेका सबै प्रस्ताव निष्क्रिय हुने व्यवस्था बमाेजिम महाभियोग पनि निष्क्रिय हुने राणा पक्षधरको जिकिर छ ।

प्रतिनिधिसभाको महाभियोग सिफारिस समितिले भने राणालाई महाभियोग लगाउनुपर्ने सिफारिससहितको प्रतिवेदन सभामुख अग्नि सापकोटालाई संसद्‌काे कार्यकाल सकिनुअघि शनिबार दिउँसाे नै बुझाएको थियाे । ११ सदस्यीय सिफारिस समितिले बहुमतका आधारमा तयार पारेको प्रतिवेदन सभामुखलाई बुझाएको हो ।

एमालेले समितिको प्रतिवेदनमा फरक मत राखेपछि प्रतिवेदन बहुमतबाट पारित भएको थियो । अध्ययन पूरा नभएको र प्रमाण संकलन भएको भन्दै एमालेले फरक मत राखेको हाे ।

प्रकाशित मिति: आइतबार, असोज २, २०७९ ०८:४४