हेटौँडाको मुख्य सडक ३२ मिटर भत्काउन प्रधानमन्त्री तयार, मुख्यमन्त्री भन्छन्- ५० मिटर भत्काउन पर्छ भनेर जुलुस निस्केला

हेटौँडाको मुख्य सडक ३२ मिटर भत्काउन प्रधानमन्त्री तयार, मुख्यमन्त्री भन्छन्- ५० मिटर भत्काउन पर्छ भनेर जुलुस निस्केला

A+ A A-

हेटौँडा उपमहानगरपालिकाको मुख्य सडक दायाँबायाँ २५/२५ मिटर फराकिलो बनाउने विवाद थप पेचिलो बन्दै गएको छ ।

वर्षौदेखि हेटौँडाको भित्री बजारमा पर्ने राष्ट्रिय राजमार्गलाई फराकिलो बनाउन खोजिए पनि स्थानीयको अवरोधका कारण सरकार असफल हुँदै आएको छ ।

हेटौँडा बागमती प्रदेशको राजधानी भएपछि हालको साँघुरो सडक भत्काएर २५–२५ मिटर फराकिलो बनाउनुपर्ने मुद्दा थप बलियो ढंगबाट उठ्दै आएको हो । तर, मुख्य सडक दायाँबायाँ २५/२५ मिटर नभई १६–१६ मिटर भत्काउनुपर्ने भन्दै मकवानपुर उद्योग वाणिज्य संघको नेतृत्वमा आन्दोलन भइरहेको छ ।

यसअघि पूर्व-पश्चिम राजमार्ग र त्रिभुवन राजपथको दाँया–बाँया २५/२५ मिटर सडक अतिक्रमण गरी बनाइएको घर टहरा, छाप्रो, मन्दिरलगायतका संरचना हटाउन डोजर लिएर डिभिजन सडक निस्किएपछि आन्दोलन चर्किएको थियो ।

उद्योग वाणिज्य संघले २०७६ सालदेखि १६–१६ मिटर सडक फराकिलो बनाउनुपर्ने मुद्दा उठाउँदै आएको हो । संघले प्रधानमन्त्री शेरबहादुर देउवादेखि बागमतीका मुख्यमन्त्री राजेन्द्र प्रसाद पाण्डेसम्मलाई राजमार्ग क्षेत्रका नागरिकतलाई सुकुम्बासी बनाउनु नहुने भन्दै दबाब दिँदै आएको छ ।

उद्योग वाणिज्य संघका निवर्तमान अध्यक्ष कृष्ण कटुवालले मंगलबार प्रधानमन्त्री देउवा र मुख्यमन्त्री पाण्डेलाई बजार क्षेत्रको राजमार्ग हटाउन र १६–१६ मिटर सडक फराकिलो बनाउन ध्यानाकर्षण गराएका छन् । जवाफमा मुख्यमन्त्री पाण्डेले दाँया–बाँया १६/१६ मिटर सडक फराकिलो बनाउन प्रधानमन्त्री तयार रहेको बताए ।

‘संघका प्रतिनिधिसहित हामीले केही समयअघि प्रधानन्त्रीज्यूलाई भेटेरै सडकको विषयमा छलफल गरेका थियौँ,' पाण्डेले भने, 'उहाँलाई केही समयपछि बुझाउन सक्यौँ र १६–१६ मिटर फराकिलो बनाउनेमा तयार हुनुभयो ।’

पाण्डेले २५–२५ मिटर सडक भत्काउनु पर्छ भन्नेमा प्रधानमन्त्री देउवा रहेको भन्दै बजारभित्रको राजमार्ग अन्यन्त्रबाट लैजाने प्रस्ताव गरेपछि उनी सकारात्मक भएको बताए । देउवाले तत्काल भौतिक पूर्वाधार मन्त्रीसँग छलफल गरेर १६–१६ मिटर सडक फराकिलो बनाउन निर्देशन दिए पनि भौतिक पूर्वाधार मन्त्रीसँग भेट हुन नसकेकाले काम रोकिएको पाण्डेको भनाइ थियो । ‘भौतिकमन्त्रीज्यूलाई २ पटकसम्म भेट्न गएँ तर उहाँलाई भेटिएन । त्यसैले सडक फराकिलो बनाउने कुरा अगाडि बढेको थिएन । अब पहल गर्छौ,’ उनले भने ।

मुख्यमन्त्री पाण्डेले हेटौँडामा २५–२५ मिटर सडक भत्काउनुपर्छ भन्ने जमात ठूलो रहेको बताए । ‘१६–१६ मिटर भत्काउनुपर्छ भन्ने थोरै हुनुहुन्छ र २५–२५ मिटर भत्काउनु पर्छ भन्ने धेरै छन् भन्ने लाग्छ । भोलि २५–२५ मिटर भत्काउनु पर्छ भनेर जुलुस निस्केला । त्यता तिर पनि ध्यान दिनूस्,’ मकवानपुर उद्योग वाणिज्य संघका प्रतिनिधिलाई पाण्डेले भने ।

पाण्डेले भने केही दिनअघि एक सार्वजनिक कार्यक्रममा हेटौँडामा २५–२५ मिटर सडक फराकिलो बनाउनुपर्ने बताएका थिए ।

हेटौँडाका निवर्तमान मेयर हरिबहादुर महतले २५–२५ मिटर सडक भत्काउनुपर्ने अडान लिए पनि कार्यान्वयन हुन सकेको थिएन् । उनले हाल राजमार्गसँग जोडिएका बासिन्दाले सडक विस्तारको क्रममा अवरोध नगर्ने सहमति गरेको भन्दै सडक फराकिलो बनाउनुपर्नेमा जोड दिँदै आएका थिए ।

उनको अडान सत्तासँग सिधा पहुँच बनाएका नेता र व्यापारीसामु फिक्का बनेको थियो । केही दिनअघि वर्तमान उपमहानगर नेतृत्वसँग एसियन हाइबे निर्माणअन्तर्गत एसियाली विकास बैंक (एडीबी)ले बजार क्षेत्रको सडक फराकिलो बनाउन छलफल गरेको छ ।

बागमतीका पूर्वमुख्यमन्त्री डोरमणि पौडेलले बजारको मुख्य सडक २५–२५ नभत्काउन बाइपास सडक निर्माणका लागि बजेट बिनियोजन गरेर काम गरेका थिए । तर, उक्त बाइपास सडक हालसम्म निर्माण हुन सकेको छैन‍ । यसअघि पूर्व–पश्चिम राजमार्गमा पर्ने हेटौँडाको पूर्वी बजार क्षेत्र रातोमाटेदेखि बुद्धचोकहुँदै पश्चिम क्षेत्रको राप्ति पुलसम्म सडक विस्तार हुन नसकेको हो । सडक डिभिजनले पटक–पटक सूचना निकालेर घरटहरा हटाउन निर्देशन दिए पनि सडक विस्तार सम्भव भएको थिएन ।

सडक डिभिजनले यसअघि ७ असार २०७६ मा सूचना जारी गर्दै महेन्द्र राजमार्गको धन्सार पुल (बारा) देखि लोथर (मकवानपुर)सम्म तथा त्रिभुवन राजपथको वीरगञ्ज भन्सार (पर्सा) देखि दामेचौर (मकवानपुर) सम्मको राजमार्ग खाली गर्नका लागि निर्देशन दिएको थियो ।

पूर्व-पश्चिम राजमार्ग र त्रिभुवन राजपथको दाँया/बाँया २५/२५ मिटर सडक अतिक्रमण गरी बनाइएको घर टहरा, छाप्रो, मन्दिरलगायतका संरचना हटाउन निर्देशन दिए पनि कार्यान्वयन भएको थिएन । बाराको पथलैयाबाट यता सडक विस्तार हुन नसकेको हो ।

प्रकाशित मिति: मंगलबार, भदौ २८, २०७९ १४:५७

नवीन तिमल्सिना

प्रतिक्रिया दिनुहोस्

भर्खरै

इरानी राष्ट्रपति रइसी चढेको हेलिकोप्टर दुर्घटना, अवस्था अज्ञात

जीबी राईले गरेको फोहोर मैले सफा गर्नुपर्छ भन्ने छैन : लामिछाने

संसदमा लामिछाने– ममाथि छानबिन गर्ने भए अरु काण्डमा पनि छानबिन समिति बनाउन तयार हो ?

गृहमन्त्रीकाे गम्भीर आराेप– विदेशीका एजेन्ट संसदमा छन्

'एक्सिटो एक्सिलेन्सी अवार्ड'बाट महेश राणा सम्मानित

लोकप्रिय

छानबिन समिति बने गृहमन्त्रीबाट राजीनामा दिने तयारीमा रवि लामिछाने

एउटै रेडियोमा काम गर्थे रवि र गगन, २५ वर्षपछि सम्बन्धमा कसरी बढ्यो खटपट ?

'ओलीकाे दल फुटाउने षड्यन्त्रमा प्रचण्डकाे पनि संलग्नता देखियाे, विश्वासकाे मत लिने कुरामा सफा नियत छैन'

को हो गौशाला २६ ?

एमाले र माओवादीसँग कसरी बिग्रियो उपेन्द्रको सम्बन्ध ?

विचार

पत्रकारिता र विचारको लडाइँ

विद्यार्थी आन्दोलनमाथि उठिरहेको प्रश्न

दिगो विकासको आधारः शिक्षा व्यवस्था र विश्वदृष्टिकोण

ब्लग

सम्पादक शिव डोटेललाई पत्र- साँच्चै ती दिन क्या दामी थिए है

रहस्यैरहस्यको चाङ नरवीर नेम्वाङ

गोसाइँकुण्ड यात्राले स्वस्थ छु, चुस्त छु भन्ने भ्रमबाट मुक्त गरायो

शिक्षा

बेनी नगरपालिकाले सुरु गर्‍यो ‘हामी सक्छौँ, हामी गर्छौं’ कार्यक्रम

विद्यार्थीविहीन विद्यालयमा चार शिक्षक

दिगो विकासको आधारः शिक्षा व्यवस्था र विश्वदृष्टिकोण