आयात २० महिनायताकै न्युन : अन्न, तरकारी र फलफूल किन्न विदेशिने रकम नै आधा घट्यो

आयात २० महिनायताकै न्युन : अन्न, तरकारी र फलफूल किन्न विदेशिने रकम नै आधा घट्यो

A+ A A-

चालु आर्थिक वर्षको पहिलो महिनाको आयात रकम २० महिनायाताकै न्युन बनेको छ । सरकारले गत आर्थिक वर्षको चैतदेखि विलासी वस्तुको आयातमा निरुत्साहित नीति अघि सारेकोमा चालु आर्थिक वर्षको पहिलो महिना आयातको रकमले त्यसलाई सहयोग गरेको देखिएको छ ।

विशेष परिस्थितिमा बाहेक १२ आयातित रकम नघटेको अवस्थामा चालु आर्थिक वर्षको पहिलो महिनामानै गत वर्षको पहिलो महिनाको तुलनामा १२ प्रतिशतले आयात घटेको छ । त्यसोत गत आर्थिक वर्षको पहिलो महिना नै अघिल्लो वर्षको साउनको तुलनामा ४० प्रतिशतले आयात बढेको थियो ।

यस्तो छ पछिल्लो २५ महिनाको आयात रकम

सरकारले विदेशी वस्तुको आयातमा निरुत्साहित गरेको कारणले र कतिपय वस्तुको पूर्ण प्रतिबन्ध लागेको कारणले पनि आयात रकम न्युन भएको पूर्ववाणिज्य सचिव पुरुषोत्तम ओझाको भनाइ छ । 'अघिल्लो वर्षदेखि नै सरकारले आयातलाई निरुत्साहित गरेको छ, त्यसको असर अब देखिन लागेको छ,' उनले भने ।

सरकारले लामोसमयदेखि प्रयास गरेको खाद्यन्न तथा तरकारी र फलफूलको आयात ठूलो मात्रामा घटेको छ ।

अन्नको आयात ४६ प्रतिशले घट्दा तरकारी र फलफूलको आयात ४०/४० प्रतिशतले घटेको छ । आर्थिक वर्ष २०७७/७८ मा अन्‍नको आयात ६ अर्ब ७० करोड, तरकारीको आयात ४ अर्ब ११ करोड र फलफूलको आयात ३ अर्ब २० करोड रुपैयाँको भएकोमा चालु आर्थिक वर्षको पहिलो महिना ३ अर्ब ५९ करोड, २ अर्ब ४६ करोड र १ अर्ब ९ करोड रुपैयाँ बराबरको मात्रै आयात भएको छ ।

परिणाको हिसाव गर्ने हो भने अन्न, फलफूल र तरकारीको आयातमा ५६ प्रतिशतले कमी आएको छ । धानको आयात मात्रै परिणाममा ५२ प्रतिशतले कम‍ी आएको छ । गत साउनमा १० करोड केजी आयात भएकोमा यो वर्ष साढे ४ करोड केजी आयात भएको छ । रकमगत रूपमा गत वर्ष ४ अर्ब ६ करोडको धानचामाल आयात भएकोमा यो वर्ष २ अर्ब १२ करोडको आयात भएको छ ।

त्यस्तै मकैको आयात पनि २ अर्ब ३ करोडको गत साउनमा आयात भएकोमा यो वर्ष जम्मा १ अर्ब १२ करोडको भएको छ ।

यता पेट्रोलियम पदार्थको आयात पनि परिणात्मक रूपमा घटे पनि रकमगत रूपमा भने ४३ प्रतिशतले बढेको छ ।

पूर्वबैंकर पर्षुराम कुवर क्षेत्री गत आर्थिक वर्षमा आयात निरुत्साहित गरिए पनि पहिले खुलाइएको एलसीको कारण त्यसमा ठूलो असर नदेखिएको र यो वर्षमा भने त्यसको असर देखिएको हुन सक्ने बताउछन् ।

प्रकाशित मिति: मंगलबार, भदौ ७, २०७९ २१:३९