एमसीसी अनुमोदनपछि के भइरहेको छ काम, कहिलेबाट सुरू हुन्छ ५ वर्षे गणना ?

A+ A A-

अमेरिकी सहयोग परियोजना आएन भने हुने जोखिम र आएमा निम्तिने समस्याका विषयमा भएको दुईतर्फी छलफल (विवाद) ले एमसीसी कम्प्याटक अनुमोदन गर्न संघीय संसदलाई निकै चिनौति बन्यो । सत्तारुढ दलहरूभित्रै एमसीसी पास गर्ने वा नगर्ने भन्ने सवालमा एकमत हुन नसकेको अवस्थामा गत फागुन १५ (२०७८ फागुन १५ गते) व्याख्यात्मक घोषणासहित एमासीसी पास भयो ।

नेपाल सरकारको १३ करोड अमेरिकी डलर लगानी र अमेरिकी सरकारको मिलेनियम च्यालेञ्ज कर्पोरेस (एमसीसी) बाट प्राप्त हुने ५० करोड अमेरिकी डलर अनुदान गरी कुल ६३ करोड अमेरिकी डलरमा आयोजनाहरू सञ्‍चालन गर्न थालिएको यो परियोजना कार्यान्वयन गर्ने समायवधि ५ वर्ष भनिएको छ । यदि तोकिएको समयमा काम सकिएन भने रकम स्वत: फिर्ता जाने बताइएको छ ।

सुरुवातामा एकसीसी के हो भन्नेबारेमा बुझ्नका लागि यहाँ क्लिक गर्नुस : के हो एमसीसी ?

अब हेरौँ पहिलो ७ वर्षे कामको टाइमलाई

एमसीसी पास गर्ने क्रममा अमेरीकाले देखाएको चासो यहाँ क्लिक गर्नुस्

एमसीसी अनुमोदनपछि के काम भयो

२३ चैत २०७८

विद्युत् प्रसारण आयोजनाको पूर्वतयारीका क्रममा पुनर्वास कार्ययोजना अन्तर्गत नुवाकोटमा निर्माणाधीन रातमाटे सब–स्टेशनसम्बन्धी जीविकोपार्जन पुनःस्थापन कार्यक्रम थालनीसम्बन्धी दुई दिने कार्यशाला आयोजना ।

२६ बैशाख २०७९

एमसीए–नेपाल र सडक बोर्ड नेपालबीच एमसीसी अनुदान अन्तर्गत उपलब्ध गराइने प्राविधिक सहायतासम्बन्धी 'आयोजना सहायता सम्झौता' ।
यस सम्झौता अन्तर्गत सडक बोर्ड नेपाललाई सडक मर्मत योजना तर्जुमा, मूल्याङ्कन र नियमित एवं आवधिक मर्मत क्षमता सदृढीकरणका लागि प्राविधिक सहायता उपलब्ध हुने।

२३ असार २०७९

एमसीए-नेपाल विकास समितिले निर्माण गर्ने ४०० केभी क्षमताको विद्युत प्रसारण लाइनको भोगाधिकारका तय गर्न पुन: सर्भे गर्नुअघि तनहुँमा निर्वाचित जनप्रतिनिधि र स्थानीय अधिकारीहरूसँग छलफल ।

३० असार २०७९

विद्युत् प्रसारण लाइन जाने मार्गमध्ये करिब ३० किलोमिटर क्षेत्रमा २०७९ साल असार १६ गतेदेखि २७ गतेसम्म पुन: सर्वेक्षण सम्पन्न । वातावरणीय प्रभाव मूल्याङ्कन प्रतिवेदन तयारीका क्रममा आयोजित सार्वजनिक सुनुवाइमा प्राप्त गुनासोका आधारमा एमसीए-नेपालले पुन: सर्वेक्षण ।

२५ साउन २०७९

एमसीए-नेपालको टोली आयोजना निर्माणस्थलको स्थलगत निरीक्षण ।

३० साउन २०७९

नुवाकोटको बेलकोटगढी वडा नं. ७ मा निर्माण गर्न लागिएको विद्युत् सब–स्टेशनबाट प्रभावित हुने स्थानीय वासिन्दाको कृषि व्यवसाय, प्राविधिक सीप, वित्तीय साक्षरता, जीवनोपयागी सीपमा सुधार गर्नुका साथै सहकारी स्थापनामा गर्नु पूर्व गर्न लागिएको एमसीए–नेपालले जीविकोपार्जन पुनर्स्थापना कार्यक्रम सञ्चालनको प्रारम्भिक चरणमा जीविकोपार्जन पहलसम्बन्धमा स्थानीय बासिन्दाको छनोट निर्धारणका लागि एमसीए–नेपालका परामर्शदाता सप्रोस नेपालले घरधुरी सर्वेक्षण ।

एमसीसी परियोजना अन्तर्ग प्रसारणलाइनको काम

प्रसारण लाइन खण्ड	टावरको सङ्ख्या	लम्बाई (किमि)
नयाँ बुटवल – भारत सीमा	५२		१८
नयाँ बुटवल– नयाँ दमौली	२४८		९०
नयाँ दमौली –रातमाटे	२४९		९०
रातमाटे – नयाँ हेटौँडा	१४२		५८
रातमाटे – लप्सिफेदी	१६३		५९
जम्मा	८५४		३१५

कुनकुन आयोजनामा कति खर्च हुँदैछ ?

विद्युत् प्रसारण आयोजना : एक अर्ब ७ करोड ६९ लाख
सडक मर्मत आयोजना : ७ अर्ब ५७ करोड ९५ लाख
अनुगमन मूल्याङ्कन : ३२ लाख
कार्यक्रम व्यवस्थापन र प्रसाशन: ६१ करोड ९९ लाख

कहिलेबाट गणना हुन्छ ५ वर्षे अवधि

५ वर्षभित्र एमसीसी परियोजना कार्यान्वयन गर्नुपर्ने अवस्था रहेको छ । त्यसो भए ५ वर्षे अवधि कहीले बाट सुरू हुन्छ त ? एमसीए नेपालका कार्याकारी निर्देशक खड्कबहादुर विष्टले यो अवधि आगामी भदौमा सुरू हुनसक्ने बताएका छन् ।

यो अवधि सुरू हुनु अघि नेपाललाई पूर्व तयारीका काम पूरा गर्न छुट रहेको छ । ‘अहिले पूर्व तयारीको कामहरू निरन्तर भएका छन् । सम्भवत आगामी भदौबाट ५ वर्षे अवधि गणना गर्ने कार्य आरम्भ हुनेछ’, विष्टले भने ।

पूर्व तयारी अन्तर्गत सबैभन्दा पेचिलो विषय मुआव्जा वितरण टुंग्याउनु देखिएको छ ।

प्रकाशित मिति: बुधबार, भदौ १, २०७९ १७:२५