गायिका मृत्यु प्रकरणमा श्रेष्ठकाे बयान- रक्सी खाएर सँगै सुतेका हौँ, कतिखेर आत्महत्या गरिछिन्, पत्तै पाइनँ

गायिका मृत्यु प्रकरणमा श्रेष्ठकाे बयान- रक्सी खाएर सँगै सुतेका हौँ, कतिखेर आत्महत्या गरिछिन्, पत्तै पाइनँ

A+ A A-

आफ्नै कोठामा मृत भेटिएकी लोकदोहोरी गायिका दिलमाया सुनार प्रकरणमा एकपछि अर्को नयाँ तथ्य फेला पर्दै गएको छ । सुर्खेतकी सुनारको शव शनिबार काठमाडौंको नेपालटारस्थित उनकै कोठामा फेला परेको थियो । उनको मृत्युको कारण भने अझै खुलेको छैन ।

प्रहरीले शव पोस्टमार्टमका लागि त्रिवि शिक्षण अस्पताल पठाएको छ । तर, उनको हत्याको आशंकामा प्रहरीले एक युवालाई पक्राउ गरेको छ । पक्राउ पर्नेमा सिन्धुपाल्चोक साँगागढीचोकका सूर्य श्रेष्ठ भनिने खिलबहादुर श्रेष्ठ छन् ।

पक्राउ परेका युवाको बयानबाट प्रहरीले हत्याको आशंका गरेको छ । त्यसलाई बल पुग्ने केही तथ्यसमेत प्रहरीले फेला पारेको छ ।

सुनार मृत्यु प्रकरणमा प्रहरीको अपराध अनुसन्धान कार्यालयको टोलीले अनुसन्धान जारी राखेको छ । अनुसन्धान कार्यालयको अनुसन्धानका क्रममा सुनारको मृत्यु हुँदा पक्राउ परेका श्रेष्ठ त्यहीँ भएको खुलेको छ ।

त्योबाहेक सुनारले झुण्डिएर आत्महत्या गर्न प्रयोग गरेको भनिएको सलसमेत श्रेष्ठले चक्रपथ महाराजगञ्ज ल्याएर फालेका थिए । प्रहरीले उक्त सल आइतबार बरामद गरेको छ । सुनारले प्रयोग गर्ने मोबाइल भने अझै भेटिएको छैन ।

अनुसन्धानमा संलग्न प्रहरी भन्छिन्, ‘श्रेष्ठ र सुनार शुक्रबार दिउँसो १ बजेदेखि सँगै बसेको देखिन्छ । उनीहरू दुवै जनाले सुनारकै कोठामा बसेर मादक पदार्थसमेत सेवन गरेको देखिन्छ ।’

ती अधिकारी थप्छिन्, ‘राति सुनारको मृत्यु हुँदासमेत श्रेष्ठ उनको कोठामै भएको पाइएको छ । तर, पोस्टमार्टम रिपोर्ट नआई हत्या वा आत्महत्या भन्न सकिने अवस्था छैन ।’

गायिका सुनार र श्रेष्ठ करिब डेढ वर्षदेखि प्रेमसम्बन्धमा रहेको खुलेको छ । उनीहरू दुवै विवाहित हुन् । सुनारको भने पहिलाको श्रीमान्‌सँग सम्बन्धविच्छेद भएको थियो । तर, श्रेष्ठकी श्रीमती सिन्धुपाल्चोकमा बस्दै आएकी छिन् ।

श्रेष्ठ काठमाडौं गोठाटारमा सुन पसल सञ्चालन गर्दै आएका छन् । प्रहरीको सोधपुछमा श्रेष्ठले सुनारले आत्महत्या नै गरेको बयान दिएका छन् । उनले प्रहरीलाई भनेका छन्, ‘शुक्रबार राति हामी रक्सी खाएर सँगै सुतेका हौँ । तर, राति उनी झुण्डिएको देखेँ । सल फुकालेर हेर्दा उनकाे मृत्यु भएकाे देखेँ । त्यही सल मैले ल्याएर फालेको हुँ । मैले हत्या गरेको होइन ।’

उसो त दिलमायाले आफूलाई बाँच्न गाह्रो भएको भन्दै फेसबुकमा स्टाटस लेखेकी थिइन् । उक्त स्टाटससमेत श्रेष्ठसँगै हुँदा उनले लेखेको देखिएको प्रहरीको दाबी छ । उनी दर्पन दोहरी साँझमा कार्यरत हुँदा चिनजान भएको देखिएको प्रहरीको भनाइ छ ।

सुनार लाइभ दोहोरी गायनमा बढी सक्रिय थिइन् । उनी केही महिनाअघि सम्पन्न राष्ट्रिय दोहोरी गीत प्रतियोगितामा उत्कृष्ट गायिका घोषित भएकी थिइन् ।

प्रकाशित मिति: आइतबार, असार १२, २०७९ १६:४६

कृष्णसिंह लाेथ्याल

प्रतिक्रिया दिनुहोस्

भर्खरै

हरेक पालिकामा औद्योगिक ग्राम बनाउने सरकारको नीति छः मन्त्री भण्डारी

नेताहरू गैरजिम्मेवार रूपमा कमाउन लागेकाले अर्थतन्त्रमा समस्या आयोः अध्यक्ष सिंह

सत्तापक्ष र प्रतिपक्षको संवाद ठप्प : कस्ताे होला संसदको आगामी अधिवेशन ?

विशेषाधिकार बहस : सदनको अवहेलनामा के हुन्छ कारबाही ?

रास्वपा सचिवालय बैठककाे निष्कर्ष– इलामका जनताले हाम्रै घण्टी बजाइदिए

लोकप्रिय

सहकारी ठगीले इलाम २ मा तनाव दिएपछि रवि लामिछानेको नयाँ स्टन्ट, धन्यवाद दिन गृह मन्त्रालय पुग्ने को हुन् ?

बालकोट वार्ता: प्रचण्डलाई बाहिर राखेर कांग्रेस-एमालेको सरकार बनाउने शेखरको प्रस्ताव, ओलीले गरे अस्वीकार

श्रीमती रञ्जितासँगकाे सहमति भंग भएपछि रेशम विक्षिप्त, २० मिनेटमा सात स्टाटस

इलाम २ः प्रारम्भिक मतपरिणाममा एमाले र 'पूर्वएमाले'बीच टक्कर

इलाम २ अपडेटः यस्तो छ प्रारम्भिक मतपरिणाम

विचार

वाम से रामः इलाम र बझाङकाे उपचुनावले कम्युनिस्टको पश्चिम बङ्गाल यात्रामा अस्थायी विरामकाे संकेत

को थिए जनमतसङ्ग्रहका हिरो ? (भिडियो)

स्कुल छाड्‌ने मुख्य कारण- जीवन एकातिर, शिक्षा अर्कोतिर

ब्लग

'बोक्सीको घर' हेरेपछि निदाउनै सकिनँ

कसरी हटाउने सार्वजनिक सवारीको बेथिति ?

सधैँ हाँसीखुसी देखिने गाउँकी काकी, डाक्टर र अर्जुन मैनालीले राेजेकाे गलत बाटाे

शिक्षा

स्कुल छाड्‌ने मुख्य कारण- जीवन एकातिर, शिक्षा अर्कोतिर

सरकारी स्कुलप्रतिको नकारात्मक धारणा बदलेर यसरी उत्कृष्ट बन्यो ज्ञानोदय मावि

आफ्नै छोराछोरी पढाउन राजा वीरेन्द्रले भित्र्याएका थिए ए–लेभल, कस्ता विद्यार्थीले पढ्ने ?