सुरक्षा पन्तलाई प्रश्न- नेपाली फिल्मलाई सिर्जनात्मक हुनबाट केले रोकेको हो ? (भिडियो अन्तर्वार्ता)

सुरक्षा पन्तलाई प्रश्न- नेपाली फिल्मलाई सिर्जनात्मक हुनबाट केले रोकेको हो ? (भिडियो अन्तर्वार्ता)

A+ A A-

‘द एट माउन्टेन’ इटाली फिल्मको प्रतिनिधित्व गर्दै अभिनेत्री सुरक्षा पन्त हालै कान्स फिल्म फेस्टिबलमा भाग लिएर फर्किएकी छन् ।

उनको उपस्थितिले एकपटक फेरि विश्व सिनेमा बजारमा नेपाली फिल्मको अन्तर्राष्ट्रियकरणबारे बहस सिर्जना भएको छ । विदेशी फिल्म, फिल्मकर्मी र विश्वव्यापी रूपमा हुने बहसलाई नजिकबाट नियाल्दै गर्दा एउटा नेपाली कलाकारले नेपाली फिल्म र फिल्मकर्मीको स्तर कस्तो पाउँदोरहेछ ?

अभिनेत्री पन्त कान्समा भाग लिने पहिलो नेपाली कलाकार हुन् । तर, वास्तवमा यो विडम्बना हो कि उपलब्धि ? आखिर के त्यस्ता कारणहरू छन् कि अहिलेसम्म पनि नेपालमा प्रतिष्ठित अन्तर्राष्ट्रिय फेस्टिबल, सम्मेलनहरूमा नेपाली कलाकार र सिनेमाकर्मीहरूले भाग लिएको विरलै पाइन्छ । के कारणले हामी पछि परेका हौँ ?

वास्तवमा विश्व बजारले नेपाललाई अनि नेपाली सिनेमालाई कसरी हेरेको छ ? उनीहरूले नेपाललाई, नेपाली चलचित्र र नेपाली कलाकारलाई कसरी लिएका छन् । नेपालमा राम्रो फिल्मको कथा छ भन्ने मात्रै उनीहरूको बुझाइ हो या नेपालीहरूले फिल्म पनि राम्रो बनाउँछन् भन्ने उनीहरू सोच्छन् ?

कुनै समय थियो नेपाली फिल्म भन्नेबित्तिकै पाँचवटा गीत, पाँचवटा फाइट सिन हुनुपर्छ भन्नेजस्तो सूत्रबद्ध थियो । हिजोआज नेपाली फिल्म कथावस्तु, कथानकता, मौलिकता र पात्रतिर ढल्कने प्रयासमा गइरहेको देखिन्छ । पन्त अभिनित चलचित्र आमा, हालै बजारमा चलेको फिल्म चिसो मान्छेजस्ता आर्ट केन्द्रित चलचित्रहरूलाई यद्यपि नेपाली दर्शकले भने अझै पनि व्यावसायिक रूपमा स्वीकारेको पाइँदैन । नेपाली फिल्मको ट्रेन्ड हेर्दा कस्तो पाउनुहुन्छ ?

नेपालमा मौलिक कथा छ तर त्यो मौलिक कथा हामीले भन्न कत्तिको सकिरहेका छौँ ? हाम्रो कथ्य र प्रस्तुति फितलो छ भन्ने टिकाटिप्पणी व्यापक छ । विश्व सिनेमाको गति अत्यन्त तीव्र भइरहेको सन्दर्भमा नेपाली सिनेमा आजका मितिसम्म आफ्नो पहिचानकै संकटबाट गुज्रिरहेको हो ?

खास नेपाली फिल्मलाई सिर्जनात्मक हुनबाट के चीजले रोकेको हो ? यिनै सेरोफेरोमा रहेर कलाकार सुरक्षा पन्तले नेपाली चलचित्रको विश्वव्यापी बजार र स्तरबारे भिडियोमा टिप्पणी गरेकी छन् ।