फेसएपबाट बुढो देखिनेहरु सावधान ! यस्तो छ खतरा

प्रविधि स्तम्भकार जाेफ्री ए.फ्लावरले फेसएपबाट बनाएको तस्बिर

A+ A A-

संसारभरि यतिबेला फेसएपले उधुम मच्चाइरहेको छ । यो एपका माध्यमबाट मानिसहरुले आफ्नो बुढ्यौली अवस्थाका सम्भावित तस्बिर बनाएर फेसबुकमा पोस्ट गरिरहेका छन् ।

मानिसहरुले फेसबुकमा यस्ता तस्बिर अन्धाधुन्ध पोस्ट गरिरहेका छन् । यसबाट कुनै पनि व्यक्तिको तस्बिर कृत्रिम रुपमा बुढो अनुहारमा रुपान्तरण हुन्छ ।

तर, तपाईंले जसरी यसलाई रमाइलाकाे रुपमा लिनुभएको छ, त्यति नै यसमा खतरा पनि छ । यो रुसी एप हो, जब फोटो बदल्नका लागि पठाउनुहुन्छ, तब यसबाट सर्भरसम्म जान्छ ।

फेसएप प्रयोगकर्ताको तस्बिर छानेर अपलोड गर्छ र यसमा परिवर्तन कृत्रिम इन्टेलिजेन्सका माध्यमबाट गरिन्छ । यसमा सर्भरको प्रयोग हुन्छ र एपका माध्यमबाट नै तपाईंको फोटो खिचिन्छ ।

यसबाट तपाईं आफ्नो एउटा फोटो मात्रै होइन, तपाईंका धेरै सूचना पनि यसलाई दिइरहनुभएको छ । तपाईंको यो तस्बिर निजी प्रयोग भइरहेको लाग्न सक्छ तर यसको सार्वजनिक प्रयोगसमेत गर्न सकिन्छ ।

यो एपले तपाईंको फोनबाट सूचना लिन सक्छ र पछि सूचनालाई विज्ञापनमा प्रयोग गर्न सक्छ । यसले तपाईंका आदत र रुचिबारे समेत जानकारी लिन खोजिरहेको हुन सक्छ ताकि विज्ञापनमा प्रयोग गर्न सकियोस् ।

यसलाई मार्केटिङको हतियारका रुपमासमेत हेरिएको छ । केही मानिसले फोनका माध्यमबाट यो एपले सबै तस्बिरमा समेत पुग्न सक्ने चिन्ता व्यक्त गरेका छन् ।

कतियले यो एप खोलेपछि इन्टरनेटमा अपलोड हुन थालेको दाबी गरेका छन् । फेसएपलाई लिएर अमेरिकी सिनेटमा समेत चिन्ता जनाइएको छ ।

सिनेटमा डेमोक्रेट पार्टीका नेता चक सुमरले फेसएपबारे अनुसन्धान गर्न माग गरेका छन् । डेमोक्रेटिक नेसनल कमिटीले २०२० को निर्वाचनको प्रचारमा एपको प्रयोगलाई लिएर उनले छानबिनको माग गरेका हुन् ।

प्रकाशित मिति: शुक्रबार, साउन ३, २०७६ १८:५२