लुम्बिनी सरकारको नीति तथा कार्यक्रममा के छ ? (पूर्ण पाठ)

A+ A A-

लुम्बिनी प्रदेश सरकारले आगामी आर्थिक वर्षको नीति तथा कार्यक्रम बुधबार सार्वजनिक गरेको छ । प्रदेश प्रमुख अमिक शेरचनले प्रदेशसभा बैठकमा सरकारको तर्फबाट आर्थिक वर्ष २०७९/८० को नीति तथा कार्यक्रम सार्वजनिक गरेका हुन् ।

नीति तथा कार्यक्रममा प्रदेश सरकारले केही पुराना र महत्त्वाकांक्षी योजनाहरू ल्याएको छ । ‘समृद्ध लुम्बिनी, आत्मनिर्भर प्रदेश’ नारासहित नीति तथा कार्यक्रममा अधिकांश पुरानै कार्यक्रमलाई निरन्तरता दिइएको छ ।

कृषि, पर्यटन, स्वास्थ्य, शिक्षालाई प्राथमिकतामा राखेर ल्याइएको नीति तथा कार्यक्रममा राप्ती उपत्यका दाङमा प्रदेशको स्थायी राजधानी व्यवस्थापन, लुम्बिनी प्रादेशिक अस्पताल बुटवल, प्राविधिक जनशक्ति उत्पादन र विकास गर्न लुम्बिनी प्राविधिक विश्वविद्यालय स्थापना, रामपुर-कपुरकोट सडकलाई प्रादेशिक गौरवको आयोजनाका रूपमा विकास गरी कार्यान्वयन गरिने उल्लेख छ ।

यस्तै, नीति तथा कार्यक्रममा नौमुरे बहुउद्देश्यीय जलाशययुक्त परियोजनालई संघीय सरकारसँगको समन्वयमा अघि बढाउने, लगानीमैत्री वातावरण निर्माण, उत्पादन र उत्पादकत्व वृद्धि पूर्वाधार निर्माण, खानेपानी र विद्युत्‌मा पहुँच, रोजगारी सिर्जना, गरिबी न्यूनिकरण र सुशासनलाई प्रवर्द्धन गर्ने कार्यक्रमलाई प्राथमिकतामा राखिएको छ ।

बुद्ध जन्मस्थल लुम्बिनीलाई केन्द्र बनाएर बृहत् बुद्ध सर्किट तथा प्रदेशका सबै जिल्लाका पर्यटकीय गन्तव्य जोडिने गरी ऐतिहासिक बाइसे-चौबिसे पर्यटकीय सर्किट अघि बढाइने, गौतमबुद्ध विमानस्थलमा प्रदेशका पहिचान झल्किने खालका स्थानीय उत्पादन बिक्रीका लागि निजीक्षेत्रलाई कोशेली घर सञ्चालन गर्न दिने, प्रदेशका प्रमुख शहरहरू जोड्ने रुटहरूमा विद्युतीय बस सञ्चालन गर्न यातायात कम्पनी स्थापना गर्ने योजना अघि सारेको छ ।

यस्तै, एक स्थानीय तह एक नमुना कृषि वन, एक जिल्ला एक नमुना जडीबुटी उत्पादन, बेरोजगारलाई रोजगार साथमा छ प्रदेश सरकारअन्तर्गत गरिखाने कार्यक्रम, डिजिटल प्रदेशको आधार हात-हातमा प्रदेश सरकार, समृद्धिका लागि सञ्चार अभियान सञ्चालन, प्रदेश चलचित्र विकास बोर्ड गठन, एकीकृत भौगोलिक सूचना व्यवस्थापन प्रणाली सञ्चालन, नागरिकका गुनासा सुन्न हेल्लो मुख्यमन्त्री कक्ष सञ्चालन, एक स्थानीय तह, एक वन नर्सरीलगायतका कार्यक्रम समेटिएका छन् ।

नीति तथा कार्यक्रमको पूणर्पाठः

प्रकाशित मिति: बुधबार, जेठ २५, २०७९ १६:०५