सुरक्षामा बर्सेनि बजेट बढाउँदै सरकार, गृहलाई १ खर्ब ८५ अर्ब, रक्षालाई ५५ अर्ब

सुरक्षामा बर्सेनि बजेट बढाउँदै सरकार, गृहलाई १ खर्ब ८५ अर्ब, रक्षालाई ५५ अर्ब

A+ A A-

सरकारले आर्थिक वर्ष २०७९/०८० का लागि १७ खर्ब ९३ अर्ब ८३ करोड रुपैयाँको बजेट सार्वजनिक गरेको छ ।

आगामी आर्थिक वर्षको चालु खर्च ७ खर्ब ५३ अर्ब ४० करोड, पुँजीगत खर्च ३ खर्ब ८० अर्ब ३८ करोड वित्तीय व्यवस्थातर्फ २ खर्ब ३० अर्ब विनियोजन भएको हो ।

जसमा सुरक्षा निकायतर्फको बजेटमा सरकारले वृद्धि गरेको छ । सुरक्षा निकायमा अघिल्लो आर्थिक वर्षको कार्यक्रमलाई समेत निरन्तरता दिँदै बजेट आएको छ ।

अर्थमन्त्री जनार्दन शर्माले आइतबार संसदमा प्रस्तुत गरेको बजेट वक्तव्यअनुसार गृह मन्त्रालयका लागि लागि १ खर्ब ८५ अर्ब ९४ करोड ६४ लाख रुपैयाँ विनियोजन गरिएकाे छ ।

गत आर्थिक वर्षमा सरकारले गृहका लागि १ खर्ब ३५ अर्ब ८९ करोड ८३ लाख रुपैयाँ विनियोजन गरेको थियो । त्यस्तै, आर्थिक वर्ष ०७६/७७ मा गृहका लागि १ खर्ब ५ अर्ब ६८ करोड १९ लाख रुपैयाँ विनियोजन गरिएको थियो । अघिल्लो वर्षको तुलनामा यो वर्ष गृहका लागि सरकारले ५० खर्बभन्दा बढी रकम विनियोजन गरेको हो । ०७६/७७ को तुलनामा सरकारले यो वर्ष गृहलाई ८० अर्बभन्दा बढी विनियोजन गरेको छ।

त्यस्तै, सरकारले रक्षा मन्त्रालयका लागि ५५ अर्ब ३ करोड १५ लाख रुपैयाँ विनियाेजन गरेको छ । गत आर्थिक वर्ष रक्षा मन्त्रालयका लागि ५० अर्ब २५ करोड ८६ लाख रुपैयाँ विनियोजन भएको थियो । त्यस्तै, ०७६/७७ मा सरकारले रक्षालाई ४८ अर्ब २४ करोड ३७ लाख रुपैयाँ बजेट दिएको थियो ।

गत वर्षको भन्दा यो आर्थिक वर्षमा सरकारले रक्षा मन्त्रालयलाई ५ अर्ब बढी रकम विनियोजन गरेको छ । विनियोजन बजेट अन्तर्रगत सरकारले सीमामा हुने गतिविधि र तस्करी नियन्त्रणकाको व्यवस्थापन र सेनाको बंकर टु ब्यारेकका लागि बजेट उपलब्ध गराएको हो । गत वर्षको बजेटमासमेत यही शीर्षकमा सरकारले विनियोजन गरेको थियो । यो वर्ष पनि सरकारले यसलाई निरन्तरता दिएको छ ।

त्यस्तै, सरकारले यस वर्ष साइर अपराध नियन्त्रणका लागि समेत बजेट विनियोजन गरेको छ । खुला कागार व्यवस्थापन पनि सरकारले प्राथमिकतामा राखेको छ ।