मुख्यसचिवको १० हजार बढ्दा खरिदारको ४ हजार बढ्यो, कसको कति पुग्यो ? (सूचीसहित)

A+ A A-

सरकारले निजामती कर्मचारीको तलब वृद्धि गरेको छ ।

अर्थमन्त्री जनार्दन शर्माले आर्थिक वर्ष २०७९/८० को बजेट विनियोजन गर्दै कर्मचारीको तलब बढाएको घोषणा गरेका हुन् ।

उनले समग्रमा १५ प्रतिशत तलब वृद्धि गरेका छन् । जसले उपल्लो तहलाई धेरै राहत पुगेको छ ।

बढाएको र पुगेको तलब

तह	हालको तलब	बढेको रकम	पुगेको तलब
मुख्यसचिव	67136	10070.4	77206.4
सचिव	62676	9401.4	72077.4
सहसचिव	49377	7406.55	56783.55
उपसचिव	42380	6357	48737
सहसचिव	49377	7406.55	56783.55
शाखा अधिकृत	37999	5699.85	43698.85
नायब सुब्बा	30200	4530	34730
खरिदार	28610	4291.5	32901.5

उल्लेखित रकम ग्रेडदरबाहेक हो ।

यसअघि, आर्थिक वर्ष २०७८–०७९ को बजेट सार्वजनिक गर्दै अर्थमन्त्री विष्णुप्रसाद पौडेलले साउन १ गतेदेखि लागू हुने गरी निजामती कर्मचारीको मासिक तलब २ हजार रुपैयाँले बढाएका थिए ।

आर्थिक वर्ष २०७६/७७ को बजेटमार्फत पनि अधिकृतभन्दा माथिका तहलाई १८ र अधिकृतमुनिको तहलाई २० प्रतिशतले तलब बढाइएको थियो । यस्तै, २०७३/७४ को बजेटमार्फत आधारभूत तलबमा २५ प्रतिशतले बढाएका थिए । त्यतिबेला पनि प्रधानमन्त्री केपी शर्मा ओली नै थिए । यसरी २०७३/७४ पछि कर्मचारीको तलब तीन पटक वृद्धि भएको छ भने तीनै पटक प्रधानमन्त्रीमा ओली नै थिए ।

कर्मचारी नियमामवलीअनुसार पनि प्रत्येक दुई वर्षमा तलब बढाउनुपर्ने व्यवस्था छ । अहिले कोभिड महामारी र स्रोत खुम्चिएको बेला विज्ञहरूले तलबभत्ता वृद्धितर्फ नलाग्न सुझाव दिएका थिए ।

सरोकारवालाको सुझावलाई पन्छाउँदै निर्वाचन घोषणा गरिसकेको सरकारले कर्मचारीको तलब वृद्धि गरेको हो । खरिदारको तलब मात्रै हेर्दा १७ हजार ७ सय ३० बाट २२ हजार १ सय ६२ विष्णु पौडेलको अघिल्लो कार्याकालयमा पुर्‍याइएको थियो भने युवराज खतिवडाको कार्यकालमा २६ हजार ६ सय ४ रुपैयाँ पुर्‍याइएको थियो ।

प्रकाशित मिति: आइतबार, जेठ १५, २०७९ १८:३८