दोहोरिन चुनावी मैदानमा उत्रेका कैलालीका अधिकांश उम्मेदवार पराजित

A+ A A-

२०७४ सालमा स्थानीय तह निर्वाचन जितेर यस पटकको निर्वाचनमा पुनः उम्मेदवारी दिएका कैलालीका अधिकांश उम्मेदवार पराजित भएका छन् । कैलालीमा दोहोरिएर पालिका प्रमुख र उपप्रमुखमा उम्मेदवारी दिएका कोही पनि उम्मेदवार सफल हुन सकेनन् ।

कैलालीको कैलारी गाउँपालिकामा नेपाली कांग्रेसका बागि उम्मेदवार रामसमझ चौधरी अध्यक्षमा विजयी भए । ९ वटै वडाध्यक्षसहित कैलारीमा नेपाली कांग्रेस विजयी भयो । विजयी उम्मेदवार चौधरीले नेकपा माओबाबादी केन्द्रका उम्मेदवार लाजुराम चौधरीलाई पराजितगरेका थिए । उनी २०७४ को स्थानीय तह निर्वाचनमा विजयी भएका निवर्तमान अध्यक्ष हुन् ।

कैलालीको गोदावरी नगरपालिकाको उपमेयरमा दोहोरिएर उम्मेदवार बनेकी रत्ना कडायत पनि यस पटक पराजित भइन् । अघिल्लो पटक एमालेबाट उपमेयर पद जितेकी कडायत यसपटक नेकपा एसबाट उपमेयरमा उम्मेदवा बन्दा एमालेसँगै पराजति भइन् । गोदावरीको उपमेयरमा नेकपा एमालेकी शारदा रोकाया विजयी भइन् । ।

कैलालीको भजनी नगरपालिकामा दोहोरिएर मेयरमा उम्मेदवारी दिएका शेरबहादुर चौधरी पनि पराजित भए । २०७४ को निर्वाचनमा नेकपा माओबादी केन्द्रबाट उम्मेदवारी दिएर विजयी भएका चौधरी यस पटक पनि माओबादी केन्द्रकै तर्फबाट उम्मेदवार बनेका थिए । तर, उनी रेशम चौधरी संरक्षक रहेको नागरिक उन्मुक्ति पार्टीका उम्मेदवार केवल चौधरीसँग पराजित भए । २०७४ को निर्वाचनमा भजनी नगरपालिकामा मेयर र उपमेयर माओबादी केन्द्रले जितेको थियो ।

कैलालीको लम्कीचुहा नगरपालिकाको मेयरमा दोहोरिएर उममेदवार बनेका महादेव बजगाई पनि पराजित भएका छन् । २०७४ को निर्वाचनमा मेयर पद जितेका बजगाई फेरि मेयरमै उम्मेदवार बनेका थिए । तर, उनि नेपाली कांग्रेसबाट मेयर पदमा उम्मेदवारी दिएकी शुशीला शाहीसँग पराजित भए । लम्कीचुहा नगरपालिकामा सत्तारुढ दल नेपाली कांग्रेस, नेकपा माओबादी केन्द्र र नेकपा एसले चुनावी तालमेल गर्दा उनको पराजय भएको हो ।

घोडाघोडी नगरपालिकाको मेयरमा पनः उम्मेदवारी दिएका ममताप्रसाद चौधरी पनि यस पटक चुनावमा पराजित भए छन् । २०७४ को स्थानीय तह निर्वाचनमा नेकपा एमालेबाट मेयरमा उम्मेदवारी दिएर चौधरी निर्वाचित थिए । उनी यस पटकको निर्वाचनमा पनि दोहोरिएर मेयरमा उम्मेदवार बनेका थिए । तर, यस पटक भने उनी सफल हुन सकेनन् । चौधरीलाई एमालेबाटै अलग्गिएको नेकपा एसका उम्मेदवार खडक रावतले पराजित गरे । रावत घोडाघोडीमा गठबन्धनका साझा उम्मेदवार बनेका थिए ।

कैलालीको चुरे गाउँपालिका उपाध्यक्षमा पुनः दोहोरिएर उम्मेदवार बनेकी दिपा साउँद पनि पराजित भइन्। २०७४ को निर्वाचनमा एमालेबाट उपाध्यक्ष जितेकी साउँदले यस पटक पनि एमालेबाटै उपाध्यक्षमै उम्मेदवारी दिएकी थिइन् । चुरेमा एमालेले अध्यक्ष पद जित्दा उपाध्यक्षमा भने पराजय भोग्नुपर्‍यो ।

सुदूरपश्चिमकै एक मात्र उपमहानगरपालिका धनगढीमा पनि दोहोरियर उम्मेदवार बनेका नृपबहादुर वड यस पटक परािजत हुने देखिएका छन् । २०७४ को स्थानीय तह निर्वाचनमा स्वतन्त्र उम्मेदवार गोपाल हमाललाई दुई हजार ७ सय मत अन्तरले परािजत गर्दै मेयर बनेका नृपबहादुर वड यस पटक भने उनै स्वतन्त्र उम्मेदवार हमालसँग पराजित हुने अवस्थामा छन् । केही मतगणना बाँकी रहँदा उनी १० हजार मतले पछाडि छन् ।

प्रकाशित मिति: शनिबार, जेठ ७, २०७९ १८:०४